Fræðsluráð

Almenn erindi

• 1702299 – Skóladagatöl 2018-2019

  Skóladagatal 2018-2019 lagt fram til kynningar.

• 1712117 – Starfshópur um starfsaðstæður í leikskóla

  Lagðar fram fundargerðir 3. fundar starfshóps og 1. og 2. fundar stýrihóps um starfsaðstæður í leikskóla.

• 1801191 – Fæðismál í grunnskólum

  Lagt fram minnisblað um fæðismál í grunnskólum ásamt drögum að vinnulagi og erindisbréfi starfshóps.

  Samþykkt tilnefnt verður í starfshópinn á næsta fundi.

• 1405241 – Lækjarskóli, húsnæðismál

  Lögð fram ályktun skólaráðs Lækjarskóla dags. 14. desember 2017.

  Erindinu vísað til skoðunar hjá Umhverfis- og skipulagssviði.

• 1801414 – Fyrirspurn frá foreldraráði grunnskólabarna varðandi SMT.

  Fyrirspurn frá áheyrnarfulltrúa foreldra grunnskólabarna: Óskað er eftir upplýsingum um það hvað SMT kostar Hafnarfjarðarbæ, annars vegar á ári og hins vegar hversu miklu hefur verið varið í SMT síðustu 3 ár. Endurmenntun starfsmanna sem vinna samkvæmt SMT, hvernig henni er háttað. Úttektir á SMT kerfinu, hvernig þær eru framkvæmdar og af hverjum.

  Svar lagt fram.

• 1708776 – Samningur um rekstur frístundaheimilis

  Samningur við Barnaskóla Hjallastefnunnar um frístundaheimili lagður fram til samþykktar.

  Fulltrúar Sjálfstæðisflokks, Bjartrar framtíðar og Samfylkingar samþykkja fyrirliggjandi samning, vísa honum til bæjarstjórnar og gerðar viðauka við fjárhagsáætlun.

  Fulltrúar Sjálfstæðisflokks, Bjartrar framtíðar og Samfylkingar lögðu fram eftirfarandi bókun;

  Miðað við þær aðstæður sem skapast hafa við setningu laga um útvistun reksturs frístundaheimila, bið eftir nánari viðmiðum vegna reglna þar um frá Mennta- og menningarmálaráðuneytinu
  og samræmingu á milli sveitarfélaga um gjaldtöku og rekstrarsamninga á vegum Sambands Íslenskra sveitarfélaga, telst sanngjarnt að greiða Hjallastefnunni sambærilegar greiðslur og frístundaheimili bæjarins fá, þ.e. mismun á raunkostnaði við hvert barn skv. frístundalíkani bæjarins.
  Fræðsluráð samþykkir því að gera nú tímabundinn samning við Hjallastefnuna. Samningurinn taki gildi 1. ágúst 2017 og rennur út 10. júní 2018.
  Endurskoðun hans verði í samræmi við niðurstöður starfshóps á vegum Mennta- og menningarmálaráðuneytisins sem vinnur að gerð viðmiða um gæði frístundastarfs á frístundaheimilum. Mennta- og menningarmálaráðuneytið gefur út síðar á árinu 2018, að höfðu samráði við Samband íslenskra sveitarfélaga, viðmið um gæði frístundastarfs, þ.m.t. um hlutverk og markmið, skipulag og starfsaðstæður, starfshætti, margbreytileika, stjórnun og menntun starfsfólks.
  Einnig skal mat samráðshóps starfsmanna fræðsluskrifstofa á höfuðborgarsvæðinu haft til hliðsjónar við endurskoðun samningsins.
  Einnig skal liggja fyrir fræðsluráð 10. júní 2018 úttekt á vegum Fræðsluskrifstofu Hafnarfjarðar og fjármálastjóra Hafnarfjarðarbæjar á rekstrarfyrirkomulagi Hjallastefnunnar í Hafnarfirði með tilliti til hið svokallaðs ,,húsnæðisgjalds“ sem innheimt er af foreldrum mánaðarlega.

  Fulltrúi Vinstri grænna kemur að svohljóðandi bókun;

  Fulltrúi Vinstri grænna ítrekar fyrri bókanir sínar. Bæði Sambandið og Ráðuneytið hafa lagt fram, greinargerðir, þar sem það kemur skýrt fram að sjálfstætt reknir grunnskólar öðlist ekki sjálfkrafa kröfu á hendur sveitarfélagi um aukin framlög til þess að veita frístundaþjónustu. Lögin eru fyrst og fremst hugsuð fyrir sveitarfélög og/eða einkarekna skóla sem ekki bjóða upp á frístundastarf fyrir yngri árganga grunnskóla. Sveitarfélaginu er þá skyldugt að fara tvær leiðir. Fyrri leiðin er sú að gera þjónustusamning við einkaaðila, gegn sanngjörnu endurgjaldi. Seinni leiðin er að hýsa þessi börn í frístundaheimilum á vegum sveitarfélagsins. Í tilfelli Barnaskóla Hjallastefnunnar þá hefur stofnunin starfrækt sitt eigið frístundaheimili frá 2006. Sem þeim er vissulega heimilað að gera. Það er því engin þörf á því að Hafnarfjörður fari í einhverjar ráðstafanir gagnvart stofnuninni.

• 1801413 – Félag grunnskólakennara í Hafnarfirði

  Lagt fram bréf Félags grunnskólakennara í Hafnarfirði dags. 12. desember s.l.

  Fræðslustjóra falið að svara erindinu.

• 1702064 – Arnarskóli

  Lagt fram bréf Arnarskóla ses, dags 11. janúar sl. varðandi umsókn um starfsleyfi fyrir sjálfstætt starfandi sérskóla.

  Fræðslustjóra falið að halda áfram samtali við Mennta- og menningarmálaráðuneytið og Samband íslenskra sveitarfélaga um erindið.

• 1704040 – Fjárhagsáætlun Hafnarfjarðarkaupstaðar og fyrirtækja hans 2018 og 2019-2021

  Lagt fram svar við einum lið af athugasemdum minnihlutans vegna fjárhagsáætlunar 2018 um framtíðaruppbyggingu í íþrótta- og tómstundamálum. Fræðsluráð vísaði til ÍTH nefndar að svara erindunu og var það kynnt á síðasta ÍTH fundi þann 17. janúar.

  Lagt fram.

• 1709448 – Þjónustu- og rekstrarsamningur við Brettafélag Hafnarfjarðar

  Rekstrarsamningur og þjónustusamningur við Brettafélag Hafnarfjarðar sem ÍTH nefnd hefur samþykkt og vísað til fræðsluráðs, lagður fram.

  Fræðsluráð samþykkir fyrirliggjandi samning.

• 1612327 – Þjónustusamningur við ÍBH

  Lagður fram til samþykktar.

  Fræðsluráð samþykkir fyrirliggjandi samning.

• 1610417 – Fundargerð ÍTH

  Lögð fram fundargerð 262. fundar ÍTH.

• 1006286 – Umhverfis- og auðlindastefna.

  Lagt fram minnisblað fræðslustjóra um umhverfis- og auðlindastefnu Hafnarfjarðar.

  Fræðsluráð tekur undir umsögn fræðslustjóra og hvetur stjórnendur, kennara og annað starfsfólk til að kynna sér stefnuna meðan hún er umsagnarferli.

• 1702253 – Róló

  Fundagerð vinnuhóps um framtíðaráform gæsluvalla í Hafnarfirði lögð fram.

  Til umræðu.