Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í Krosseyri, Linnetsstíg 3
Auk ofantalinna og undirritaðra sátu fundinn: Fanney D. Halldórsdóttir, sviðsstjóri, Hrund Apríl Guðmundsdóttir, aðstoðarmaður sviðsstjóra, Geir Bjarnason, íþrótta- og tómstundafulltrúi, Vigfús Hallgrímsson, þróunarfulltrúi grunnskóla, Jenný D. Gunnarsdóttir, þróunarfulltrúi leikskóla, María Pálmadóttir, áheyrnarfulltrúi skólastjórnenda grunnskóla, Sólveig Kristjánsdóttir, áheyrnarfulltrúi grunnskólakennara, Inga Líndal Finnbogadóttir, áheyrnarfulltrúi leikskólastjóra, Elín Gíslína Steindórsdóttir, áheyrnarfulltrúi starfsfólks leikskóla, Áshildur Hlín Valtýsdóttir, áheyrnarfulltrúi foreldra grunnskólabarna og Kristín Erla Pétursdóttir áheyrnarfulltrúi foreldra leikskólabarna.
Kynning á samstarfsverkefni lögreglunnar á höfuðborgarsvæðinu og Hafnarfjarðarbæjar tengt snemmtækri íhlutun.
Fræðsluráð fagnar því að lögregluembættið sé að koma inn með beinum hætti inn í forvarnir Hafnarfjarðarbæjar með þeim hætti sem lagt er upp með í meðfylgjandi minnisblaði. Jafnframt býður fræðsluráð Birgi Örn Guðjónsson, sem ráðinn hefur verið til verkefnisins, velkomin.
Lagt fram bréf skólastjóra Áslandsskóla ásamt skóladagatali Áslandsskóla fyrir skólaárið 2019-2020 og samþykkt skólaráðs en þar er óskað eftir tilfærslu á skipulagsdögum vegna námsferðar.
Samþykkt.
Auglýsing og dagskrá málþings sem faghópur um starfsaðstæður í leikskólum stendur fyrir 21. mars lögð fram.
Lagt fram.
Niðurstöður samræmdra könnunarprófa í 4.og 7. bekk í Hafnarfirði haustið 2018 lagðar fram til kynningar.
Lögð fram beiðni um endurnýjun starfsleyfis fyrir Guðbjörgu L. Valdimarsdóttur. Ennfremur lögð fram umsókn um bráðabirgðastarfsleyfi fyrir Línu Guðnadóttur.
Ósk um stuðning við tilraunaverkefni tengt breytingu á forskólanámi Tónlistarskóla Hafnarfjarðar lögð fram.
Fræðsluráð tekur vel í hugmyndir Tónlistaskóla Hafnarfjarðar um að allir nemendur á seinna ári forskólans læri á blásturshljóðfæri í stað blokkflautu. Fræðsluráð felur fræðslustjóra að vinna með stjórnendum Tónlistarskólans að útfærslu. Fræðsluráð leggur til að fjármagn úr þróunarsjóði sem áætlað er í þróunarverkefni líkt og þetta verði sett í verkefnið.
Til umræðu.
Fræðsluráð vill kanna kosti og galla sumarlokana í leikskólum Hafnarfjarðar. Með það fyrir augum að skynja betur viðhorf notenda og þeirra sem starfa innan skólanna. Fræðsluráð leggur til og felur fræðslustjóra að framkvæma könnun meðal foreldra / forráðamanna leikskólabarna og setja einnig af stað könnun meðal starfsfólks leikskóla á viðhorfi til lokunar leikskólanna í 4 vikur að sumri.
Óskað er eftir því að könnunin verði gerð í apríl og niðurstöður liggi fyrir síðari hluta maí.
Niðurstöður könnunarinnar mun ekki hafa áhrif á skóladagatal leikskóla þessa árs, sumarið 2019.
Tillaga sem lögð var fram á 411. fundi ráðsins um stuðning við ungt fólk lögð fram til samþykktar.
Fræðsluráð samþykkir fyrir sitt leiti samning við KaraConnect í ungmennahúsi er varðar aðgengi 16-18 ára ungmenni að sálfræðiþjónustu. Um er að ræða tilraunaverkefni til tveggja ára. Fræðsluráð telur að með samningi þessum sé verið að tryggja betra aðgengi ungmenna að sálfræðingum sem sækja ungmennahúsið og færa þannig þjónustuna nær þeim. Samning þennan skal endurskoða að tveimur árum liðnum þar sem metið er hvernig til hefur tekist með tilliti til nýtingar.
Lögð fram fundargerð 286. fundar íþrótta- og tómstundanefndar.
“Foreldraráð Hafnarfjarðar leggur til að eins og grauturinn, þá verði ávextirnir sem og síðdegishressing án greiðslu fyrir alla nemendur. Í ljósi þess að bærinn er heilsueflandi, eykur jöfnuð milli nemenda og almenna heilsu, líðan og úthald nemenda við nám sitt.”
Bókun foreldraráðs Hafnarfjarðar lögð fram. Fræðsluráð leggur til að beiðni foreldraráðs verði vísað til umræðu í aðdraganda næstu fjárhagsáætlunar.
Foreldraráð Hafnarfjarðar óskar eftir upplýsingum um það hvernig þessum vinnuhópi framvindur og gerir athugasemd að ekki sé fulltrúi foreldra í undirbúningshópi um menntastefnuna. Foreldraráð óskar eftir því að það sé fulltrúi foreldra í þeim hóp.
Fræðsluráð tekur undir ábendingu þá um að fulltrúi foreldra eigi sæti í starfshóp um gerð menntastefnu Hafnarfjarðar. Sá hópur sem nú er að störfum hefur það verkefni að skilgreina hagsmunahópa, áhersluþætti og tímalínu. Næsta haust fer að stað vinna við gerð menntastefnunnar og munu þá allir hagsmunahópar verða boðaðir í þá vinnu.
Foreldraráð leggur til við Fræðsluráð að komið verði á starfshóp um SMT-skólafærni með þátttöku foreldra. Foreldraráð leggur til að rætt verði um kosti og galla SMT, framkvæmd og eftirfylgni.
Fræðsluráð leggur til að skoðað verði samhliða gerð menntastefnu kosti og galla SMT-skólafærni. Unnið er að undirbúningi að gerð menntastefnu sem stendur þar sem meðal annars verður skoðaður árangur og líðan barna og telur fræðsluráð að meðfylgjandi erindi eigi vel heima í þeirri vinnu.