Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í Krosseyri, Linnetsstíg 3
Auk ofantalinna og undirritaðra sátu fundinn: Hrund Apríl Guðmundsdóttir, aðstoðarmaður sviðsstjóra, Vigfús Hallgrímsson, þróunarfulltrúi grunnskóla, Jenný Dagbjört Gunnarsdóttir, þróunarfulltrúi leikskóla, Guðmundur Sverrisson, deildarstjóri hagdeildar, Guðbjörg Dögg Gunnarsdóttir, áheyrnarfulltrúi skólastjóra grunnskóla, Anna Sigríður Þorsteinsdóttir, áheyrnarfulltrúi grunnskólakennara, Inga Þóra Ásdísardóttir, varaáheyrnarfulltrúi leikskólastjóra, Sólveig Reynisdóttir, áheyrnarfulltrúi starfsfólks leikskóla, Kristín Ragnarsdóttir, áheyrnarfulltrúi foreldra grunnskólabarna og Margrét Thelma Líndal, áheyrnarfulltrúi foreldra leikskólabarna.
Frá fundi bæjarráðs þann 12. janúar voru teknar fyrir breytingar á ráðum og nefndum.
Bæjarstjórn samþykkti samhljóða eftirfarandi breytingar á skipan fræðsluráðs:
Í stað Sigrúnar Sverrisdóttur tekur sæti Sigríður Ólafsdóttir, Háahvammi 11. (Varamaður verður áfram Steinn Jóhannsson)
Lagt fram bréf Hjallastefnunnar dags. 3.nóvember 2021 varðandi fjölgun barna í Barnaskólanum – lausnir varðandi húsnæði.
Erindi Barnaskóla Hjallastefnunnar vísað tli mennta- og lýðheilsusviðs til frekari skoðunar og úrlausnar.
Lögð fram skýrsla um endurmat á sumaropnum leikskóla í Hafnarfirði sumarið 2021.
Meirihluti fræðsluráðs og fulltrúi Viðreisnar þakka skólastjórnendum og starfsmönnum mennta- og lýðheilsusviðs fyrir samantekt á endurmati sumaropnunar. Í samantektinni eru teknar saman upplýsingar um fjölda þeirra sem voru skráðir hverju sinni í leikskólunum. Í skýrslunni kemur fram að um 20% barna voru skráð þegar fæst börn voru, síðustu tvær vikurnar í júlí. Miðað við fyrirliggjandi upplýsingar um skráningar er ljóst að ákveðinn hluti foreldra hefur þörf á að stýra sumarfríi barna sinna og nýtti heilsársopnun. Meirihluti og fulltrúi Viðreisnar leggjar til að áður en tekin verði endanleg ákvörðun um fyrirkomulag sumaropnunar sumarið 2022 verði gerð könnun meðal foreldra og starfsmanna. Lagðar eru til tvær leiðir, annarsvegar óbreytt fyrirkomulag, opið allt sumarið og hins vegnar lokað tvær síðustu vikur júlímánaðar.
Fulltrúi Bæjarlistans lagði fram eftirfarandi bókun, fulltrúi Samfylkingarinnar tekur undir bókun Bæjarlistans. Áður en farið var í verkefnið um sumaropnun leikskóla sumarið 2021 komu upp margar gagnrýnisraddir, sér í lagi frá leikskólakennurum og starfsfólki leikskóla. Fulltrúar í minnihluta fræðsluráðs tóku margir undir þær áhyggjur og óskuðu ítrekað eftir því að þetta fyrirkomulag yrði endurskoðað eða í það minnsta því frestað, m.a. vegna þess að þá þegar var búið að vera mikið álag á starfsfólki leikskóla vegna ýmissa utanaðkomandi þátta eins og covdi19 og fleira. Ekki var hlustað á þessar viðvörunarraddir og ákvað meirihluti fræðsluráðs að halda fast við þessa ákvörðun sína. Nú hefur margt það komið í ljós sem varað var við og virðist sem þessi tilraun hafi ekki heppnast sem skyldi. Olli hún auknu álagi á starfsfólk og aukinni óánægju, verri þjónustu og auknum kostnaði fyrir sveitafélagið. Fulltrúi Bæjarlistans í fræðsluráði tekur undir að ástæða sé til að kanna aftur hug starfsmanna og foreldra og þarf sú vinna að ganga hratt og vel fyrir sig svo hægt sé að gera ráðstafanir í góðum tíma fyrir sumarið. Gífurlega mikilvægt er að hlusta á leikskólakennara og virða þeirra sjónarmið. Þeir hafa staðið sig með afbrigðum vel á þessum erfiðu tímum og mikilvægt að allt verði gert til að bæta starfsánægju og halda þessu hæfa fólki áfram í leikskólum bæjarins og laða enn fleiri leikskólakennara til starfa. Slíkt er raunveruleg bæting á þjónustu við leikskólabörn og foreldra þeirra.
Lögð fram orðsending mennta- og barnamálaráðherra um fyrirkomulag bólusetningar barna.
Ennfremur lögð fram samþykkt bæjarráðs frá 6.janúar sl. ásamt erindi til sveitarfélaga á höfuðborgarsvæðinu vegna fyrirhugaðra bólusetninga barna.
Bæjarráð samþykkir ósk Heilsugæslu höfuðborgarsvæðisins ef til þess kemur og felur sviðsstjóra mennta- og lýðheilsusviðs nánari útfærslu í samráði og samstarfi við hlutaðeigandi aðila. Bæjarráð tekur auk þess undir það sem fram kemur í erindi Heilsugæslunnar að hér sé um að ræða flókið og viðkvæmt verkefni sem beri að nálgast sem slíkt.
Lagt fram.
Lögð fram minnisblöð varðandi Covid 19 aðgerðaráætlun og stöðu mála í leik- og grunnskólum. Ennfremur lögð fram tillaga að breytingu á verklagi vegna endurgreiðslu vegna Covid-19.
Fræðsluráð samþykkir tillögu mennta- og lýðheilsusviðs um fyrirkomulag endurgreiðslu í leikskólum og frístund vegna Covid.
Lagt fram bréf skólastjóra grunnskóla um smitrakningu.
Fræðsluráð vísar erindi grunnskólastjóra til mannauðs- og launadeildar.
Lögð fram beiðni frá skólastjóra Víðistaðaskóla varðandi breytingu á skóladagatali.
Beiðni skólastjóra Víðistaðaskóla samþykkt að því gefnu að samþykkt skólaráðs berist mennta- og lýðheilsusviði.
Fyrirspurn frá foreldraráði Hafnarfjarðar um sundkennslu á unglingastigi.
Fulltrúi Foreldraráðs Hfnarfjarðar lagði fram eftirfarandi bókun, fulltrúar Viðreisnar og Bæjarlistans taka undir bókunina foreldraráðs.
Á síðasta ári óskaði ungmennaráð Hafnarfjarðar eftir því að sundkennsla á unglingastigi yrði endurskoðuð og tók foreldraráð heilshugar undir þá tillögu. Foreldraráði var falið að skoða og ræða málið sem við höfum gert og erum sammála um að gera þarf breytingar á sundkennslu á unglingastigi, sem reynslan sýnir að getur verið unglingum íþyngjandi af mörgum ástæðum. Nú í janúar berast fréttir þess efnis að skóla- og frístundaráð Reykjavíkurborgar hafi samþykkt tillögu ungmennaráðs að skólasund yrði gert að valfagi á unglingastigi, sé ákveðnum viðmiðum náð. Við í foreldraráði teljum þetta frábært skref sem stigið hefur verið og setji gott fordæmi þar sem ungt fólk hrindir á lýðræðislegan hátt af stað breytingum í sínu nærumhverfi. Foreldraráð grunnskólabarna í Hafnarfirði óskar því eftir því að fræðsluráð samþykki tillögu ungmennaráðs og feli Mennta- og lýðheilsusviði að hrinda breytingunni í framkvæmd. Foreldraráð vill þó leggja áherslu á það að bærinn auki fjármagn til þess að bæta líkamsímynd ungs fólks ásamt fræðslu um fjölbreytileika mannlífs og jafnrétti enda eru vandamál tengd sjálfsmynd og kynvitund ekki úr sögunni þó svo að nemendur mæti ekki vikulega í sund.
Fh. foreldraráðs grunnskólabarna í Hafnarfirði Kristín Blöndal Ragnarsdóttir
Tillaga foreldraráðs Hafnarfjarðar þar sem óskað er eftir því að sundkennsla á unglingastigi verði gerð valkvæð að ákveðnum hæfnisviðmiðum náð lögð fram og vísað til umfjöllunar meðal skólastjórnenda og þróunarfulltrúa grunnskóla á mennta- og lýðheilsusviði. Sjálfstæðisflokkurinn, Framsókn og óháðir og Samfylking óska eftir því að mennta- og lýðheilsusviðs kanni hvort almennt sé heimild fyrir því í aðalnámsskrá að sundkennsla verði valkvæð áður en tekin verði endanleg ákvörðun.
Fyrirspurn frá foreldraráði Hafnarfjarðar um að hækka aldur þeirra barna sem fá frítt í strætó.
Fulltrúi Foreldraráðs Hafnarfjarðar lagði fram eftirfarandi bókun.
Nú í haust hækkaði fargjald hjá Strætó umtalsvert fyrir ungmenni 12-17 ára eða um 60% fyrir árskort. Foreldraráð Hafnarfjarðar telur þessa hækkun í engu samhengi við aðrar hækkanir og mjög íþyngjandi fyrir barnafjölskyldur. Börn á aldrinum 12-17 ára er sá aldurshópur sem þarf mikið á þessum samgöngumáta að halda og mikið framfaraskref var stigið þegar gjaldtöku af börnum yngri en 12 ára var hætt. Foreldraráð óskar eftir því að fræðsluráð beiti sér fyrir því að hækka aldur þeirra barna sem fá frítt í strætó upp í 18 ár. Ekki þarf að taka fram bæði tímasparnað og fjárhagslegan ávinning þess fyrir foreldra og forráðafólk en að auki má draga verulega úr „skutli“ sem dregur sannarlega úr umferð og hefur jákvæð umhverfisleg áhrif.
Fræðsluráð tekur undir bókun foreldraráðs grunnskóla um mikilvægi þess að hækka aldur þeirra barna sem fá frítt í strætó og vísar erindi til stjórnar strætó.