Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í Krosseyri, Linnetsstíg 3
Auðbergur Magnússon varaáheyrnarfulltrúi sat fundinn fyrir hönd Viðreisnar. Árný Steindórsdóttir aðstoðarmaður sviðstjóra sat fundinn.Svanhildur Ýr Sigþórsdóttir varafulltrúi leikskólaforeldra.
Rekstrarniðurstaða málaflokka fræðsluráðs fyrir árið 2022 kynnt af Guðmundi Sverrisyni starfandi fjármálastjóra.
Lögð fram og kynnt lokaskýrsla um innra mat leikskóla, samstarfsverkefni Háskóla Íslands, Garðabæjar, Hafnarfjarðar og Mosfellsbæjar 2021 – 2023.
Skipulag sumarstarfs í leikskólum fyrir elstu börnin. Lagt fram bréf frá leikskólastjórum um sumarfrí elstu leikskólabarna í sumar.
Fræðsluráð tekur undir mikilvægi þess að tryggja samfellu í sumarfríi leikskólabarna og tekur undir áskorun leikskólastjóra.
Gerður hefur verið samningur milli mennta- og barnamálaráðuneytis og Heimilis og skóla v/ endurreisnar foreldrastarfs í þágu farsældar barna. Meginmarkmið verkefnis er að:
a. Stuðla að endurreisn foreldrastarfs í kjölfar heimsfaraldurs Covid-19 og efla svæðissamtök foreldra um land allt. b. Innleiða farsældarsáttmála um land allt í samvinnu við helstu aðila. c. Þróa og gefa út fræðsluefni til foreldra. d. Annast fræðslu til starfsfólks skóla og íþrótta- og æskulýðsstarfs um ávinning, ógn og tækifæri í samstarfi við heimili og foreldra. e. Auka við símaráðgjöf fyrir foreldra.
Samstarf um verkefnið er hafið milli Hafnarfjarðarbæjra, Heimilis og skóla og Foreldraráðs Hafnarfjarðar.
Fyrsti foreldrafundur verður 14. mars í Hvaleyrarskóla fyrir foreldra úr því skólahverfi auk foreldra úr Hraunvalla- og Skarðshlíðarskólahverfi.
Bókun foreldraráðs grunnskólabarna í Hafnarfirði
Erindi: Foreldrasamstarf
Foreldraráð grunnskólabarna í Hafnarfirði fagnar því að verið sé að leita leiða til að efla foreldrasamstarf í skólum. Samstarf heimilis og skóla hefur lengi verið ábótavant og hafði heimsfaraldurinn ansi neikvæð áhrif á foreldrasamstarf. Það er því mjög mikilvægt að setja foreldrasamstarf í forgang og endurreisa það góða starf sem hefur verið unnið og efla það enn frekar.
Eins er mikilvægt að huga að foreldrum barna af erlendum uppruna og efla samstarf við þau en foreldrar barna af erlendum uppruna eru oft illa upplýst um skólamál þar sem upplýsingar eru þeim illa aðgengilegar. Með því að efla slíkt samstarf má auðveldlega bæta menntun þessara barna auk þess að slíkt samstarf sýnir foreldrum að þau og börnin þeirra eru mikilvæg og velkomin í okkar samfélagi.
Fh. foreldraráðs grunnskólabarna
Kristín Blöndal Ragnarsdóttir
Fræðsluráð felur sviðsstjóra mennta- og lýðheilsusviðs að hefja vinnu og greiningu í samráði við umhverfis- og skipulagssvið við skipulag og þróun útivistar- íþrótta- og tómstundasvæðis Hamranesi, vestan Hamraness. Lagt er til að haft verði í huga að skapa aðstöðu fyrir hreyfingu, tómstundir, útivist og afþreyingu. Í stækkandi bæjarfélagi er mikilvægt að huga að framtíðar svæði fyrir hreyfingu og tómstundir. Töluverð sóknarfæri eru á svæðinu vegna fjölgunar íbúa og fjölbreyttum íþróttagreinum fjölgað í bæjarfélaginu. Svæðið hefur mikla og góða tengingu við náttúruna sem skapa jákvæð skilyrði fyrir ýmiskonar afþreyingu. Hafnarfjörður hefur lagt áherslu á heilsu og heilbrigði og stutt vel við slíka afþreyingu á undanförnum árum.
Á síðasta fundi fræðsluráðs var óskað eftir nánari greiningu á nýtingu 14-18 ára á frístundastyrknum.
Lögð fram greining sem byggir á gögnum um notkun frístundastyrksins.
Fræðsluráð þakkar samantekt á nýtingu frístundastyrkjar 14-18 ára barna.
Lagt fram endurgert erindisbréf Íþrótta- og tómstundanefndar.
Samþykkt og vísað til bæjarstjórnar til samþykktar.
Tillaga um fyrirkomulag leikjanámskeiða tómstundamiðstöðva, róló og Tómstundar í sumar lögð fram.
Samþykkt
Lögð fram breyting á leikskóladagatali leikskólans Smáralundar.
Samþykkt.
Fulltrúar Samfylkingarinnar leggja fram eftirfarandi fyrirspurnir:
Hvaða leikskólar í Hafnarfirði eru ekki fullmannaðir og hversu mörg stöðugildi þarf til að ráða í til að fullmanna þá leikskóla?
Hversu margir leikskólar í Hafnarfirði hafa sett á skerta vistun frá áramótum vegna manneklu?
Fulltrúar Samfylkingarinnar leggja fram eftirfarandi bókun.
Samkvæmt minnisblaði þróunarfulltrúa leikskóla frá því 25. janúar þá vantar að manna 23 stöðugildi á 9 leikskólum í Hafnarfirði. Þá hefur það gerst upp á síðkastið að leikskólar bæjarins hafa sett á skertan vistunartíma vegna manneklu. Það væri því forvitnilegt að vita hvort að eitthvað hafi breyst varðandi mönnun á leikskólum bæjarins síðan þróunarfulltrúi lagði fram minnisblað sitt. Þá velta fulltrúar Samfylkingarinnar því fyrir sér hvort þróunarfulltrúi leikskóla geti upplýst fræðsluráð reglulega um stöðu mönnunar á leikskólum í Hafnarfirði. Með þeim hætti er hægt að ræða málið reglulega innan fræðsluráðs með því markmiði að velta upp mögulegum mótvægisaðgerðum við þeim mönnunarvanda sem er til staðar á leikskólum í Hafnarfirði.
Lögð fram fundargerð 367. fundar íþrótta- og tómstundanefndar.