Hafnarstjórn

Almenn erindi

• 1303252 – Samþykkt um stjórn Hafnarfjarðarkaupstaðar og fundarsköp bæjarstjórnar

  Lögð fram til kynningar tillaga að nýrri reglugerð fyrir Hafnarfjarðarhöfn.
  Guðjón Bragason, sviðsstjóri lögfræði- og velferðarsviðs Sambands Íslenskra Sveitarfélaga mætti til fundarins og skýrði tillöguna.

  Fulltrúar Sjálfstæðisflokks og Bjartar framtíðar bóka:

  Samþykkt var m.a. í bæjarstjórn Hafnarfjarðar þann 29.6. eftirfarandi með 7 greiddum atkvæðum og án mótatkvæða:
  „Stjórnskipulag, tillaga að breytingum Bæjarstjórn Hafnarfjarðar samþykkir eftirfarandi breytingar á stjórnskipulagi Hafnarfjarðarkaupstaðar.
  Hjá bænum verða fjögur þjónustusvið og tvö stoðsvið. Þjónustusviðin snúa einkum að þjónustu við bæjarbúa en verkefni stoðsviðanna miða að því að styðja við framkvæmd verkefna á þjónustusviðunum.
  Stjórnskipulag bæjarins mun eftir breytingarnar skiptast í fjölskylduþjónustu, fræðslu- og frístundaþjónustu, umhverfis- og skipulagsþjónustu og hafnarþjónustu. Stoðsviðin tvö verða stjórnsýslusvið og fjármálasvið.
  Í nýju skipuriti er lögð áhersla á að ná fram betri nýtingu á starfskröftum og á sama tíma staðsetja verkefni betur við hlið annarra þar sem ljóst er að samlegð er fyrir hendi.
  Helstu breytingar við núverandi stjórnskipulag eru að: verkefni íþrótta- og æskulýðsmála, frístundaheimila og félagsmiðstöðva eru flutt frá fjölskylduþjónustu til fræðslu- og frístundaþjónustu, verkefni skipulags og bygginga eru færð undir svið umhverfis og framkvæmda sem eftir breytingarnar verður umhverfis- og skipulagsþjónusta, hafnarþjónusta verði færð undir verksvið bæjarstjóra.“
  Í þessari samþykkt felst að breytingar eru gerðar á hafnarreglugerð fyrir Hafnarfjarðarhöfn og eru fyrirliggjandi tillögur til samræmis við samþykkt bæjarstjórnar.
  Hafnarfjarðarhöfn er og verður áfram B hluta fyrirtæki í eigu Hafnarfjarðarbæjar. Samkvæmt fyrirliggjandi tillögu er starfssvið og ábyrgð sviðsstjóra hafnarþjónustu – hafnarstjóra mjög skýrt. Tillagan felur í sér að B hluta fyrirtækið ? höfnin sé á svipuðum stað í skipuriti bæjarins og önnur B hluta fyrirtæki eins og t.d. vatns- og fráveitan. Markmið tillögunar er að auka skilvirkni hafnarinnar og bæta samskipti og samlegð við önnur þjónustu- og rekstrarsvið bæjarins.

• 1509224 – Fyrirtækjastefnumót NUUK

  Lögð fram tillaga hafnarstjóra um að Hafnarfjarðarhöfn taki þátt í fyrirtækjastefnumóti í NUUK í október, skipulögðu af Íslandsstofu.

  Hafnarstjórn samþykkir að Hafnarfjarðarhöfn sendi fulltrúa á fyrirtækjastefnumót í NUUK 22.-24. október næstkomandi.
  Hafnarstjóri sendi hafnarstjórn áætlun um þátttöku hafnarinnar.

• 1208466 – Viðlegugjöld flotkvía, viðræður.

  Tekið til umræðu erindi Vélsmiðju Orms og Víglundar ehf um viðlegugjöld fyrir flotkvíar fyrirtækisins.

  Hafnarstjórn samþykkir fyrirliggjandi tillögu.

• 1507025 – Höfnin úttekt og tillögur um stjórnsýslubreytingar

  Lagðir fram tveir reikningar frá Capacent ráðgjöf fyrir rannsóknarvinnu og tillögur um breytingar á rekstri hafnarinnar.