Íþrótta- og tómstundanefnd

2. september 2016 kl. 15:00

í Krosseyri, Linnetsstíg 3

Fundur 232

Mætt til fundar

  • Karólína Helga Símonardóttir aðalmaður
  • Guðbjörg Oddný Jónasdóttir aðalmaður
  • Guðbjörg Norðfjörð Elíasdóttir aðalmaður
  • Elísabet Ólafsdóttir áheyrnarfulltrúi

Fulltrúi Ungmennaráðs Eva Rut Reynisdóttir sat fundinn.

Ritari

  • Geir Bjarnason

Fulltrúi Ungmennaráðs Eva Rut Reynisdóttir sat fundinn.

  1. Kynningar

    • 1406187 – Ráð og nefndir 2014-2018, kosningar

      Á fundi bæjarstjórnar þ. 22. júní sl. var eftirfarandi tekið fyrir:
      Efni: Ráð og nefndir 2014-2018, kosningar

      Kosning í ráð og nefndir:

      íþrótta- og tómstundanefnd:
      Aðalmenn:
      Karólína Helga Símonardóttir, Kelduhvammi 24
      Guðbjörg Oddný Jónasdóttir, Norðurbakka 11c
      Guðbjörg Norðfjörð Elíasdóttir, Blómvöllum 7
      Varamenn:
      Finnur Sveinsson, Lindarhvammi 2
      Ebba Særún Brynjarsdóttir, Hjallabraut 43
      Ægir Örn Sigurgeirsson, Blikaási 26

      Stungið er upp á að Karólína Helga Símonardóttir verði formaður ÍTH nefndarinnar.
      Samþykkt með öllum greiddum atkvæðum.

      Stungið er upp á að Guðbjörg Oddný Jónasdóttir verði varaformaður.
      Samþykkt með öllum greiddum atkvæðum.

      Umræður um fundartíma. Ákveðið að skoða möguleikana á að finna fundartíma að morgni.

    • 1606387 – Ungt fólk 2016, rannsókn

      Íþrótta- og tómstundafulltrúi kynnti skýrslu um hagi og líðan unglinga í Hafnarfirði úr 8. – 10. bekk sem sýnir stöðu þeirra í samanburði við unglinga annarstaðar af landinu. Könnuninn er gerð af Rannsóknum og greiningu fyrir Menntamálaráðuneytið.

      Nefndin hefur áhyggjur af aukinni neyslu á marijúana og þeim hóp barna sem telur foreldra sína ekki hafa efni á að kosta tómstundaiðkun þeirra. Íþrótta- og tómstundafulltrúa falið að vinna að úrræðum.

    • 1603229 – Gúmmikurl, sparkvellir

      Íþrótta- og tómstundafulltrúi fór yfir vinnu vegna skiptingu á efnum í gervigrasvöllum bæjarins við grunnskóla. Niðurstaða Hafnarfjarðarbæjar var um að skipta alfarið um gervigras við þrjá skóla en setja nýtt hættulaust gúmíkurl í aðra velli.

      Vinna er langt kominn við að klára verkið, grasið komið á vellina við þessa þrjá skóla og nú er unnið að merkingum og frágangi. Vinna ætti að klárast á næstu dögum.

    Fundargerðir

    Almenn erindi

    • 1609007 – Samstarf, Handknattleiksdeild FH

      Lagt fram erindi framkvæmdastjóra handknattleiksdeildar FH um samstarf við Hafnarfjarðarbæ um aðild Hafnarfjarðarbæjar að því að efla gæði innra starfs deildarinnar.

      Íþrótta- og tómstundanefnd fagnar erindinu og felur íþrótta- og tómstundafulltrúa að ræða frekar við bréfritara um verkefnið.

    • 1608290 – Reglur um styrki til greiðslu fasteignaskatts til félaga og félagasamtaka

      Bæjarráð óskar eftir umsögn ÍTH um reglurnar.

      Umsögn verður afgreidd á næsta fundi nefndarinnar.

    • 1608420 – Suðurbæjarlaug, strandblakvellir

      Á fundi skipulags- og byggingarráðs Hafnarfjarðar þann 23. ágúst sl. var ósk áhugafólks um strandblaksvöll til umfjöllunar og var óskað eftir umsögn íþrótta- og tómstundanefndar.

      Karólína, formaður ÍTH vék af fundi undir þessum lið.

      Íþrótta- og tómstundanefnd tekur jákvætt í erindið fyrir sitt leiti og telur þessar hugmyndir passi vel að starfsemi sundlaugarinnar.

Ábendingagátt