Íþrótta- og tómstundanefnd

11. apríl 2018 kl. 08:15

í Lóninu Linnetsstíg 3

Fundur 268

Mætt til fundar

  • Karólína Helga Símonardóttir aðalmaður
  • Guðbjörg Oddný Jónasdóttir aðalmaður
  • Guðbjörg Norðfjörð Elíasdóttir aðalmaður
  • Elísabet Ólafsdóttir áheyrnarfulltrúi

Stefán Örn Gunnlaugsson sat fundinn fyrir hönd Foreldraráðs Hafnarfjarðar og Birta Guðný Árnadóttir fulltrúi Ungmennaráðs Hafnarfjarðar sat fundinn og kynnti fundargerðir ráðsins.

Ritari

  • Geir Bjarnason

Stefán Örn Gunnlaugsson sat fundinn fyrir hönd Foreldraráðs Hafnarfjarðar og Birta Guðný Árnadóttir fulltrúi Ungmennaráðs Hafnarfjarðar sat fundinn og kynnti fundargerðir ráðsins.

  1. Almenn erindi

    • 1706132 – Íþróttabandalag Hafnarfjarðar, nýr samstarfssamningur

      Kynnt drög að samningnum auk viðauka sem er viðmið varðandi hlutdeildar Hafnarfjarðarbæjar í byggingu nýrra íþróttamannvirkja.

      ÍBH er að skoða viðauka samningsins en er nokkuð sátt við samninginn sjálfan.

    • 1704173 – Golfklúbburinn Keilir, framkvæmdir, viðræður

      Lögð fram samningsdrög um framkvæmdir á öðrum og þriðja áfanga uppbyggingar á aðalgolfvelli Keilis, minnisblað um hvernig til tókst með 1. áfanga og rekstraráætlun verksins.

      Gert er ráð fyrir þessari framkvæmd í langtímafjárhagsáætlun Hafnarfjarðarbæjar og í forgangsröðun ÍBH.

      Nefndin tekur vel í verkefnið og mælir með að gengið verði til samninga við Keili um verkefnið.

    • 1803304 – Frístundaakstur haust 2018

      Íþrótta- og tómstundafulltrúi kynnti drög að fyrirkomulagi frístundaaksturs næsta haust.

    • 1801551 – Vinnuskóli, sumarstörf 2018

      Farið yfir stöðu umsókna fyrir sumarvinnu 17 ára og eldri.

      Umsóknarfresti lauk í miðjum mars og var framlengdur til 6. apríl.

      Nemendur úr 8. – 10. bekk munu sækja síðar um í byrjun maí.

    • 1803044 – Akstursíþróttafélag Hafnarfjarðar,mannvirki

      Tekið fyrir erindi frá Akstursíþróttafélagi Hafnarfjarðarðar vegna viðhalds aksturssvæðisins.

      Nefndin tekur vel í erindið og hvetur Umhverfis- og framkvæmdasvið að koma til móts við þarfir og óskir AÍH.

    • 1801552 – Þjóðhátíðardagurinn 2018

      Kynnt vinna við skipulag hátíðarhaldanna.

      Vinna er hafin að undirbúningi.

      Auglýst hefur verið eftir atriðum í fjölmiðlum í Hafnarfirði.

    • 1804049 – ÁLYKTUN FRÁ UNGMENNARÁÐSTEFNU UMFÍ 2018

      Lögð fram ályktun frá Ungmennaráðstefnu UMFÍ 2018 þar sem m.a. unga fólkið leggur áherslur á aukin þunga í viðhaldi vega og umferðaröryggis auk þess taka þau undir lækkun kosningaaldurs.

      Nefndin tekur undir áherslur ályktunar Ungmennaráðstefnu UMFÍ.

    • 1804139 – Sumardagurinn fyrsti og Bjartir dagar

      Farið yfir dagskrá Bjartra daga og Sumardagsins fyrsta.

      Nefndin bókar að dagskráin sé afar fjölbreytt og áhugaverð og vill hrósa undirbúningsaðilum og íþróttafélögum fyrir hve vel hefur tekist að draga fram marga áhugaverða íþrótta- og hreyfitengda viðburði inn í dagskránna.

    Fundargerðir

    • 1510105 – ÍBH, fundargerð

      Elísabet fór yfir síðustu fundargerð stjórnar ÍBH.

      Nefndin leggur áherslu á að vinna hefjist strax við að uppfæra húsaleigustyrki í takt við raunverulegt virði íþróttamannvirkja. Íþróttafulltrúa falið að hefja þessa vinnu strax þannig að tölur fyrir árið 2017 verði rauntölur.

    • 1509776 – Ungmennaráð, fundargerð

      Kynntar 134. og 135. fundargerð Ungmennaráðs.

    Umsóknir

    • 1803110 – Nordjobb, sumarstörf 2018

      Óskað er eftir því að Hafnarfjarðarbær ráði tvo Nordjobbara í vinnu í sumar.

      Samþykkt að ráða tvo starfsmenn.

    Kynningar

    • 1804133 – Leikjanámskeið Hafnarfjarðarbæjar 2018

      Skráning hefst á Sumardaginn fyrsta fyrir leikjanámskeið sumarsins sem Hafnarfjarðarbær heldur fyrir yngstu árganga í grunnskólum bæjarins. Frístundaheimilin halda utan um þessi námskeið.

      Skráningar í Fjölskyldurgarða hefst einnig á Sumardeginum fyrsta auk skráningar í Tómstund sem er leikjanámskeið fyrir miðdeildarbörn.

      Allar skráningar eru rafrænar á heimasíðu Hafnarfjarðarbæjar og starfsmenn Þjónustuvers að Strandgötu 6 geta aðstoðað.

Ábendingagátt