Skipulags- og byggingarráð

Almenn erindi

• 2208015 – Aðalskipulag Hafnarfjarðar 2026-2038

  Vinnu við aðalskipulag Hafnarfjarðar 2026-2038 framhaldið.

• 22091196 – Hvannavellir 6, breyting á deiliskipulag

  Á fundi skipulags- og byggingarráðs þann 9. febrúar sl. var samþykkt að grenndarkynna að nýju breytingu á deiliskipulagi að Hvannavöllum 4. Tillagan var grenndarkynnt 21.2-21.3.2023. Athugasemd barst.

  Skipulags- og byggingarráð samþykkir tillögu að breytingu á deiliskipulagi Hvannavalla 4 og vísar til staðfestingar í bæjarstjórn.

• 2108512 – Hverfisgata 22, deiliskipulag

  Bæjarstjórn samþykkti 15. mars sl. að auglýsa tillögu að breytingu á deiliskipulagi Hverfisgötu 22. Gert er ráð fyrir endurbyggingu/lagfæringu húss og að 2 hliðar/bakbyggingar á lóð verði rifnar og einnar hæðar byggingar byggðar í stað þeirra. Kvaðir um safnaðarheimili og göngustíg felldar niður. Tillagan var auglýst með athugasemdafresti til 27.4.2023. Athugasemdir bárust.

  Athugasemdir lagðar fram og óskað eftir umsögn skipulagsfulltrúa.

• 2107448 – Herjólfsgata, aðstaða til siglinga

  Tekið fyrir að nýju erindi Siglingafélagsins Hafliða vegna umsóknar um aðstöðu til iðkunar siglinga á segl-, ára-, vélbátum, segl- og brimbrettum, kite- og róðrabrettum ásamt sjósundi úti fyrir Sundhöllinni við Herjólfsgötu.

  Skipulags- og byggingarráð tekur neikvætt í erindið. Ekki er gert ráð fyrir aðstöðu til siglinga við Herjólfsgötu.

• 2302624 – Álhella 1, breyting á deiliskipulagi

  Bæjarstjórn Hafnarfjarðar samþykkti á fundi sínum þann 01.03. 2023 að auglýsa tillögu að breyttu deiliskipulagi lóðarinnar Álhella 1 í samræmi við 1.mgr. 43.gr. skipulagslaga nr. 123/2010. Um er að ræða breytingu á deiliskipulagi 2. áfanga Kapelluhrauns í Hafnarfirði.

  Í deiliskipulagsbreytingunni felst stækkun lóðar, aðkomu að lóð verði hnikað til, jarðvegsmanir verði færðar og lengdar. Gert verði ráð fyrir hljóðvegg innan lóðar meðfram lóðarmörkum Álhellu 1 og 3. Nýtingarhlutfall lóðar verði Nh= 0,4.

  Tillagan var auglýst með athugasemdafresti til 4.5.2023. Athugasemd barst.

  Athugasemd lögð fram og óskað eftir umsögn skipulagsfulltrúa.

• 2304603 – Hellubraut 8, umsókn um lóðarstækkun

  Á afgreiðslufundi skipulags- og byggingarfulltrúa þann 10.5.2023 var tekið fyrir erindi Hauks Inga Hjaltalín um lóðarstækkun til vesturs samkvæmt teikningum Sigurðar Þorvarðarsonar og því var vísað til skipulags- og byggingarráðs með tilliti til afléttingar á hverfisvernd.

  Skipulags- og byggingarráð felur skipulagsfulltrúa að taka saman umsögn.

• 2111309 – Hellnahraun 4, deiliskipulag

  Kynnt tillaga að deiliskipulagi sem tekur mið af breyttu umferðarkerfi svæðisins.

  Lagt fram til kynningar.

Fundargerðir

• 1901181 – Svæðisskipulag höfuðborgarsvæðisins, fundargerðir

  Lagðar fram fundargerðir 115. og 116. fundar.