Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarherbergi Norðurhellu 2
Lagðar fram fundargerðir frá afgreiðslufundum skipulags- og byggingarfulltrúa dags. 26.06.13, 03.07.13, 10.07.13, 17.07.13, 24.07.13, 31.07.13 og 07.08.13. A-liður afgreiddur af byggingarfulltrúa samkvæmt mannvirkjalögum nr.160/2010.
Lagt fram.
Mjósund 10 ehf sækir 19.04.13 um að aðalskipulagi fyrir lóðina Mjósund 10 verði breytt þannig að hún verði á íbúðarsvæði í stað svæðis fyrir stofnanir. Lögð fram tillaga Skipulags- og byggingarsviðs að aðalskipulagsbreytingu dags. 13.08.13.
Skipulags- og byggingarráð samþykkir aðalskipulagsbreytinguna og að hér sé um óverulega breytingu að ræða, sem falli undir 2. mgr. 26. greinar skipulagslaga nr. 123/2010. Skipulags- og byggingarráð gerir eftirfarandi tillögu til bæjarstjórnar:$line$”Bæjarstjórn Hafnarfjarðar samþykkir breytingu á Aðalskipulagi Hafnarfjarðar 2005-2015 dags. 13.08.13 hvað varðar stofnanasvæði Gamla Lækjarskóla og Mjósunds 10, þannig að notkun lóðarinnar Mjósund 10 breytist í íbúðarsvæði til samfæmis við aðliggjandi íbúðarbyggð. Bæjarstjórn telur að breytingin sé óveruleg, þar sem um lítið svæði er að ræða, breytingin snertir fáa og áhrif hennar teljast vera fremur jákvæð, og að farið verði með breytinguna skv. 2. mgr. 36. greinar skipulagslaga nr. 123/2010.”
Borgar Þorsteinsson sækir um að breyta deiliskipulagi samkvæmt uppdráttum frá Kára Eiríkssyni dags. 07.01.13. Skipulags- og byggingarráð samþykkti á fundi sínum 28. maí að tillaga að breytingunni yrði auglýst í samræmi við 43. gr. skipulagslaga nr. 123/2010. Tillagan hefur verið auglýst og athugasemdafrestur er liðinn. Engar athugasemdir bárust. Erindið var til umfjöllunar á afgreiðslufundi skipulags- og byggingarfulltrúa 31.07.2013, sem vísaði því til skipulags- og byggingarráðs.
Skipulags- og byggingarráð samþykkir deiliskipulagið og að málinu verði lokið samkvæmt 41. grein skipulagslaga nr. 123/2010.
Costa Invest 520412-0260 sækja 17.05.13 um breytingu á deiliskipulagi samkv teikningum Kára Eiríkssonar dagsettar 03.04.13.Skipulags- og byggingarráð samþykkti að deiliskipulagsbreytingin yrði auglýst í samræmi við 1. mgr. 43. gr. laga nr. 123/2010. Athugasemdatíma er lokið, athugasemdir bárust. Erindið var til umfjöllunar á afgreiðslufundi skipulags- og byggingarfulltrúa 24.07.2013, sem vísaði því til skipulags- og byggingarráðs.
Skipulags- og byggingarráð felur skipulags- og byggingarsviði að gera samantekt á innkomnum athugasemdum.
Þóra Þórisdóttir og Sigurður Magnússon leggja 31.07.13 fram fyrirspurn um að endurreisa vinnuhús við götuna, gera tengibyggingu milli framhúss og bakhúss og millibyggingu sem tengir húsin saman. Einnig að reisa útbyggingu á annarri hæð þar sem stigahúsið var. Fyrirspurnarteikning og greinargerð fylgir með. Erindið var til umfjöllunar á afgreiðslufundi skipulags- og byggingarfulltrúa 07.08.2013, sem vísaði því til skipulags- og byggingarráðs.
Skipulags- og byggingarráð tekur jákvætt í fyrirspurnina um endurbyggingu vinnunhúss við götu og vísar þar í umsögn Minjastofnunar sem telur að breytingarnar skerði ekki minjagildi hússins, enda er bæði starfsemin og form bygginga í samræmi við sögu hússins.Hins vegar þarf að skoða betur umfang og hlutfall nýbygginga miðað við gildandi skipulag. Sviðinu er falið að taka saman fekari upplýsingar.
Tekið fyrir erindi Sigurður Einarssonar Batteríinu f.h. Fimleikafélags Hafnarfjarðar, þar sem óskað er eftir heimild til að vinna tillögu að breytingu á deiliskipulagi svæðisins skv. meðfylgjandi gögnum. Skipulags- og byggingarráð óskaði 19.2.2013 eftir að áður en lögð væri fram formleg skipulagstillaga yrði unnin skipulagslýsing vegnar fyrirhugaðrar deiliskipulagstillögu. Lýsing barst 12.4.2013 og var kynnt í samræmi við 40. grein skipulagslaga nr. 123/2010. Lagðar fram umsagnir Vegagerðarinnar dags. 10.05.13, Skipulagsstofnunar dags. 29.05.13 og Íþróttabandalags Hafnarfjarðar dags. 04.06.13. Skipulags- og byggingarráð heimilaði umsækjanda 25.06.13 að vinna tillögu að breytingu á deiliskipulagi í samræmi við skipulagslýsinguna. Lögð fram athugasemd Garðabæjar dags. 28.06.13.
Lögð fram umsögn Garðabæjar og vísað í fyrri afgreiðslu Skipulags- og byggingarráðs frá 25.06.13.
Tekin fyrir að nýju tillaga Alark að breytingu deiliskipulags lóðanna Fornubúðir 3 og Cuxhavengötu 2. Hafnarstjórn samþykkti 16.04.13 þessa breytingu á deiliskipulagi lóðanna fyrir sitt leyti og vísaði málinu til skipulags- og byggingarráðs. Leiðréttur uppdráttur barst dags. 05.06.13. Erindið var til umfjöllunar á afgreiðslufundi skipulags- og byggingarfulltrúa 03.07.2013, sem vísaði því til skipulags- og byggingarráðs.
Skipulags- og byggingarráð samþykkir að skipulagstillagan verði grenndarkynnt samkvæmt 44. grein skipulagslaga nr. 123/2010.
Gunnar Á Beinteinsson sækir 26.06.13 um að breyta deiliskipulagi vegna stækkunar byggingareit og hækkunar á nýtingarhlutfalli samkvæmt uppdráttum Karls Magnúsar Karlssonar dags. 20.6.2013. Erindið var til umfjöllunar á afgreiðslufundi skipulags- og byggingarfulltrúa 03.07.2013, sem vísaði því til skipulags- og byggingarráðs.
Skipulags- og byggingarráð telur ekki ástæðu til að gera breytingar á núgildandi skipulagi, en inna þess rúmast hluti stækkunar. Þá þarf að gera ráð fyrir 7 metra fjarlægð fra´götu til að rúm sé fyrir bílastæði fyrir framan viðbyggingu. Sviðinu falið að ræða við umsækjanda um nánari útfærslu varðandi bílastæði og umfang viðbyggingar m.t.t. til nýtingahlutfalls og hlutfall stækkunar af heildarstærð hússins.
Fjárvari sækir 29.maí 2013 um breytingu á deiliskipulagi fyrir Norðurhellu 10. Skipulags- og byggingarráð heimilaði umsækjanda þann 16.apríl 2013 að vinna deiliskipulagsbreytingu í samráði við skipulags- og byggingarsvið. Skipulags- og byggingarfulltrúi vísaði erindinu í grenndarkynningu skv. 2. mgr. 43. greinar skipulagslaga nr. 123/2010. Grenndarkynningu er lokið, engar athugasemdir bárust. Erindið var til umfjöllunar á afgreiðslufundi skipulags- og byggingarfulltrúa 03.07.2013, sem vísaði því til skipulags- og byggingarráðs.
Ásgrímur Skarphéðinsson, Dröfn Hreiðarsdóttir og Páll Eyjólfsson leggja fram fyrirspurn um að reisa kvisti á rishæð Strandgötu 39 skv. meðfylgjandi gögnum. Skipulags- og byggingarráð óskaði 11.06.13 eftir frekari upplýsingum og betri útlistun.
Skipulags- og byggingarráð synjar erindinu þar sem það er ekki í samræmi við deiliskipulag svæðisins.
Lagt fram bréf Erlings Andersen Lækjargötu 9 dags. 03.07.13 vegna framkvæmda við Lækjargötu 11.
Útgefið byggingarleyfi er í samræmi við staðfest deiliskipulag af svæðinu.
Sigurður Steinar Jónsson verkefnisstjóri og Brynjar Rafn Ólafsson kynntu málið.
Skipulags- og byggingarráð þakkar Sigurði og Brynjari fyrir kynninguna.
Lagt fram bréf umhverfis- og auðlindaráðuneytisins dags. 06.08.13, þar sem vísað er til umsagnar drögum að frumvarpi að breytingu á skipulagslögum nr. 123/2010. Umsagnarfrestur er til 06.09.13.
Skipulags- og byggingarráð felur sviðsstjóra að gera tillögu að umsögn fyrir næsta fund.
Lögð fram bréf Skipulagsstofnunar varðandi staðfestingu deiliskipulags fyrir tvöföldun brautarinnar frá Kaldárselsvegi að Strandgötu annars vegar, og frá Strandgötu að Krýsuvíkurvegi hins vegar. Lögð fram tillaga Skipulags- og byggingarsviðs að matslýsingu fyrir umhverfisskýrslur dags. 23.05.13 og svar Skipulagsstofnunar dags. 12.06.13. Sviðsstjóri gerir grein fyrir áætluðum kostnaði við aðkeypta vinnu við uppfærslu eldri skýrslu fyrir vestari hlutann og nýrrar skýrslu fyrir austari hlutann.
Skipulags- og byggingarráð felur sviðsstjóra að láta uppfæra skipulagsuppdráttinn og semja við Mannvit um uppfærslu umhverfisskýrslu fyrir kaflann frá Strandgötu að Krýsuvíkurvegi á grundvelli innkominna gagna í ljósi athugasemda frá skipulagsstofnun. Kaflanum frá Kaldárselsvegi að Strandgötu verði frestað um sinn.
N1 sendir inn fyrirspurn um að setja upp myndskreytingar á Haukahúsið á þær hliðar sem snúa að sjálfsafgreiðslustöð N1. Erindið var til umfjöllunar á afgreiðslufundi skipulags- og byggingarfulltrúa 31.07.2013, sem vísaði því til skipulags- og byggingarráðs.
Skipulags- og byggingarráð frestar málinu og felur Skipulags- og byggingarsviði að ræða við umsækjendur og lóðarhafa um málið.
Sviðsstjóri gerir grein fyrir íbúafundi með íbúum Norðurbakka dags. 30.05.13.
Lögð fram útfærsla sviðsstjóra að hugmynd um færslu Fjarðargötu til að koma fyrir bílastæðum við Norðurbakka 1.
Ræddar hugmyndir sviðsstjóra um útfærslu stæðanna.
Lögð fram hugmynd sviðsstjóra að hönnun torgsins við bókasafnið til samræmis við deiliskipulag Miðbæjar frá 2000.
Ræddar hugmyndir sviðsstjóra um útfærslu torgsins.
Lagðar fram tillögur Ungmennaráðs Hafnarfjarðar.
Sviðsstjóri skýrir frá kæru til Úrskurðarnefndar Umhverfis- og auðlindamála.
Lögð fram umsögn Skipulagsstofnunar um erindið dags. 25.06.13 og bréf Hrafnkels Proppé svæðisskipulagsstjóra dags. 08.07.13, þar sem greint er frá því hvernig brugðist hafi verið við athugasemdum sem fram komu í umsögninni.
Lögð fram tilkynning Umhverfisstofnunar dags. 16.07.13 varðandi fyrirhugaða friðlýsingu Brennisteinsfjalla samkvæmt rammaáætlun og endurskoðun friðlýsingarskilmála Reykjanesfólkvangs.