Skipulags- og byggingarráð

Almenn erindi

• SB040377 – Fundargerðir skipulags- og byggingarfulltrúa

  Lagðar fram fundargerðir frá afgreiðslufundum skipulags- og byggingarfulltrúa dags. 06.11.13 og 13.11.13. A-liður afgreiddur af byggingarfulltrúa samkvæmt mannvirkjalögum nr.160/2010.

  Lagt fram.

• 1310308 – Aðalskipulag Hafnarfjarðar, breyting á svæði við Ásbraut

  Tekin til umræðu tillaga Skipulags- og byggingarsviðs að breytingu á aðalskipulagi Hafnarfjarðar 2005-2025 hvað varðar svæði norðan Ásbrautar milli Tjarnarvalla og Selhellu. Lagt er til að landnotkun verði breytt úr blandaðri notkun opinberar stofnanir og opið svæði til sérstakra nota í athafnasvæði, og tengist það þá svæðinu Selhraun norður. Skipulagslýsing var samþykkt af bæjarstjórn og hefur hlotið meðferð samkvæmt 1. mgr. 30. greinar skipulagslaga nr. 123/2010. Lögð fram tillaga Skipulags- og byggingarsviðs að breytingunni dags. x. Haldinn var kynningarfundur á skipulagstillögunni 18.11.13.

  $line$Skipulags- og byggingarráð samþykkir að tillaga að aðalskipulagsbreytingunni verði auglýst skv. 31. grein skipulagslaga nr. 123/2010 og gerir eftirfarandi tillögu til bæjarstjórnar:$line$”Bæjarstjórn Hafnarfjarðar samþykkir að tillaga að breytingu á Aðalskipulagi Hafnarfjarðar 2005-2025 hvað varðar svæði norðan Ásbrautar milli Tjarnarvalla og Selhellu dags. 7.10.2013 verði auglýst samkvæmt 31. grein skipulagslaga nr. 123/2010.”

• 1310317 – Selhraun norður stækkun, breyting á deiliskipulagi

  Skipulags- og byggingarsvið kynnir vinnu við deiliskipulagið.

  Skipulags- og byggingarráð samþykkir að halda kynningarfund vegna deiliskipulagstillögunar mánudaginn 25. nóvember kl. 17 í fundarsal að Norðurhellu 2.

• 1311187 – Strandgata 28, deiliskipulag Miðbæjar

  Tekið til umræðu deiliskipulag Miðbæjar hvað varðar lóð nr 28 við Strandgötu.

  Skipulags- og byggingarráð felur skipulags- og byggingarsviði að hefja vinnu við deiliskipulagsbreytingu þ.á.m. sameiningu lóða og aðlögun að nýtingu og hæð gildandi deiliskipulags frá 2004.

• 1311185 – Lækjargata, Suðurgata, Brekkugata, deiliskipulag Miðbæjar

  Tekin til umræðu breyting á deiliskipulagi Miðbæjar hvað varðar lóð við Brekkugötu, Lækjargötu og Suðurgötu, ásamt sérlóð bak við hana.

  Sigurbergur Árnason vék af fundi við umræðu þessa máls.$line$Skipulags- og byggingarráð felur Skipulags- og byggingarsviði að gera deiliskipulagsforsögn fyrir lóðina í samræmi við umræður á fundinum.

• 1301142 – Kaplakriki, breyting á deiliskipulagi

  Tekin fyrir að nýju tillaga Batterísins ehf dags. 29.08.13 að deiliskipulagi svæðisins. Greint frá viðræðum við skipulagshönnuð og forsvarsmann FH í samræmi við bókun á síðasta fundi ráðsins. Tekin til umræðu viðmið um bílastæði við íþróttaleikvangi.

  Sigurbergur Árnason tók sæti á fundinum að nýju.$line$Skipulags- og byggingarráð óskar eftir greinargerð varðandi nýtingu mannvirkja og álag á svæðið á mismunandi tímum ásamt samnýtingu bílastæða. $line$Skipulags- og byggingarráð felur skipulags- og byggingarsviði að ræða við umsækjanda um byggingarmagn.

• 1106162 – Gatnanöfn

  Tekin fyrir tillaga Skipulags- og byggingarsviðs varðandi heiti á nokkrum hringtorgum í Hafnarfirði.

• 1311067 – Landsnet kerfisáætlun

  Lögð fram matslýsing Landsnets á kerfisáætlun 2014-2023.

  Skipulags- og byggingarráð gerir ekki athugasemd við matslýsingu.

• 1311153 – Betri Hafnarfjörður, lögð fram hugmynd af samráðsvefnum, Frisbígolfvöllur á Víðistaðatúni

  Tekin til umræðu hugmynd af vefnum Betri Hafnarfjörður.

  Skipulags- og byggingarráð felur skipulags- og byggingarsviði að kanna hvað þarf að gera til að útbúa frisbígolfvöll á Víðistaðatúni þar sem m..a verður kannaður kostnaður við uppsetningu og aðrar nauðsynlegar framkvæmdir. Jafnframt að skoðuð verði uppsetning á t.d. grillaðstöðu.