Skipulags- og byggingarráð

10. janúar 2017 kl. 08:15

í fundarherbergi Norðurhellu 2

Fundur 613

Mætt til fundar

  • Ólafur Ingi Tómasson formaður
  • Borghildur Sölvey Sturludóttir varaformaður
  • Eva Lín Vilhjálmsdóttir aðalmaður
  • Júlíus Andri Þórðarson aðalmaður
  • Helga Björg Arnardóttir varamaður

Auk ofangreindra ráðsmanna sátu Þormóður Sveinsson skipulagsfulltrúi, Hildur Bjarnadóttir byggingarfulltrúi og Helga Stefánsdóttir aðstoðarsviðsstjóri fundinn.

Ritari

  • Jóna Ósk Guðjónsdóttir skrifstofustjóri umhverfis- og skipulagsþjónustu

Auk ofangreindra ráðsmanna sátu Þormóður Sveinsson skipulagsfulltrúi, Hildur Bjarnadóttir byggingarfulltrúi og Helga Stefánsdóttir aðstoðarsviðsstjóri fundinn.

  1. Almenn erindi

    • 1404083 – Kaldárselsvegur, tenging við Reykjanesbraut, deiliskipulag

      Lögð fram skipulagslýsing fyrir Kaldárselsveg dags. 30. desember 2016.
      Skipulagshöfundur mætti á fundinn og kynnti.

      Skipulags- og byggingarráð samþykkir framlagða lýsingu og að hún verði auglýst í samræmi við skipulagslög nr.123/2010.

    • 1211376 – Ásvallabraut tenging Valla og Áslands, deiliskipulag

      Lögð fram tillaga að deiliskipulagi Ásvallabrautar, tenging Valla og Áslands.

      Lagt fram.

    • 1606516 – Reykjavíkurvegur, Fjarðarhraun, Flatahraun, deiliskipulag

      Umræða um tillögur og kynnt yfirferð rýnihóps.

      Borghildur Sturludóttir vék af fundi við umfjöllun þessa máls.

      Skipulags- og byggingarráð felur umhverfis- og skipulagsþjónustu að undirbúa kynningu á tillögunum fyrir lóðarhöfum á svæðinu.

    • 1611427 – Einhella 9, fyrirspurn

      Afgreiðslufundur skipulags- og byggingarfulltrúa 30.11.2016 vísaði eftirfarandi erindi til skipulags- og byggignarráðs:
      Borgarafl ehf leggur 29.11.16 inn fyrirspurn um breytingu á byggingarreit og innkeyrslu inn á lóð. Sjá meðfylgjandi bréf og teikningar Ríkharðs Oddssonar dags. 29.11.2016.

      Skipulags- og byggingarráð óskaði eftir umsögn umhverfis- og skipulagsþjónustu varðandi umferðartengingar á fundi sínum þann 13.12. s.l.
      Lögð fram umsögn umhverfis- og skipulagsþjónustu dags. 21.12.2016.

      Skipulags- og byggingarráð synjar erindinu eins og það liggur fyrir í samræmi við framlagt minnisblað umhverfis- og skipulagsþjónustu.

    • 1608407 – Vellir vegtengingar, hagkvæmniúttekt

      Lögð fram drög að skýrslu vegna vinnu við hagkvæmniúttekt á vegtengingum við Velli. Skýrslan var kynnt á fundi ráðsins þann 13.12. s.l.

      Lagt fram.

    • 1701063 – Álfhella 8, fyrirspurn

      Lögð fram fyrirspurn Eðvarðs Inga Hreiðarssonar og Drafnarfells ehf dags 3.1. 2017 um hvort byggja megi samsíða Álfhellu,eins og upphaflegt deiliskipulag gerði ráð fyrir og halda báðum innkeyrslum. Deiliskipulagi var breytt 2007. Einnig er óskað eftir því að breyta regnvatnslögnum frá húsi.

      Skipulags- og byggingaráð óskar eftir umsögn umhverfis- og skipulagsþjónustu.

    • 1604042 – Gámar, stöðuleyfi 2016

      Innheimta stöðuleyfa og framhald málsins tekin til umræðu.

      Reglur um stöðuleyfi gáma voru samþykktar í bæjarstjórn á síðasta ári. Skipulags- og byggingarráð fagnar þeim árangri sem náðst hefur nú þegar á framkvæmd reglnanna. Skipulags- og byggingarráð leggur áherslu á mikilvægi þess að vel takist til með framkvæmd og eftirfylgni og að málum sé fylgt eftir með skýrum og gegnsæjum hætti. Því samþykkir ráðið að í samráði við gæðastjóra Hafnarfjarðarbæjar verði samdir skýrir verkferlar um framkvæmd og eftirfylgni bæjaryfirvalda á reglunum.

    • 1602397 – Hreinsunarátak 2016

      Staða málsins kynnt.

      Skipulags- og byggingarráð leggur áherslu á mikilvægi þess að vel takist til við hreinsun iðnaðar- og athafnasvæða svo og annarra svæða í bæjarlandinu og að málum sé fylgt eftir með skýrum og gegnsæjum hætti. Því samþykkir ráðið að í samráði við gæðastjóra Hafnarfjarðarbæjar verði samdir skýrir verkferlar um framkvæmd og eftirfylgni bæjaryfirvalda á lóðum og svæðum þar sem umgengni er ábótavant.

    • 1509731 – Miðbæjarskipulag Hafnarfjarðar, ósk um endurskoðun

      Tekið fyrir að nýju og lagt til að hafin verði vinna við húsaskráningu miðbæjarskipulagsins.

      Skipulags- og byggingarráð samþykkir að unnin verði húsaskráning fyrir miðbæinn.

    • 1701084 – Hamranes, nýbyggingarsvæði

      Deiliskipulag svæðisins tekið til umfjöllunar.
      Formaður leggur fram eftirfarandi tillögu:
      “Skipulags- og byggingarráð samþykkir að hafin verði vinna við undirbúning að tillögu á nýju deiliskipulagi undir íbúðarbyggð í Hamranesi.”

      Afgreiðslu frestað.

    • 1608834 – Hverfisgata 4b, fyrirspurn

      Tekið fyrir að nýju en skipulags- og byggingarráð samþykkti að auglýsa breytingu á gildandi skipulagi þann 13.12. s.l.

      Við yfirferð á gögnum málsins hefur komið í ljós að bifreiðageymsla sem samþykkt var 22.10.2008 og gerð var fokeld 20.01.2009, er að fullu lokið og ekki liggur fyrir lokaúttekt.

      Skipulags- og byggingarráð samþykkir að fresta auglýsingu deiliskipulagsins með hliðsjón af nýjum upplýsingum í málinu.

    Fyrirspurnir

    Fundargerðir

    • 16011235 – Svæðisskipulag höfuðborgarsvæðisins, fundargerðir

      Lagðar fram fundargerðir svæðiskipulags höfuðborgarsvæðisins nr. 70, 71 og 72.

      Lagt fram til kynningar.

    • 1612007F – Afgreiðslufundur skipulags- og byggingarfulltrúa - 641

      Lögð fram fundargerð afgreiðsælufundar frá 7. desember s.l.

      Lagt fram til kynningar.

    • 1612010F – Afgreiðslufundur skipulags- og byggingarfulltrúa - 642

      Lögð fram fundargerð afgreiðslufundar frá 14. desember s.l.

      Lagt fram til kynningar.

    • 1612017F – Afgreiðslufundur skipulags- og byggingarfulltrúa - 643

      Lögð fram fundargerð afgreiðslufundar frá 21. desember s.l.

      Lagt fram til kynningar.

Ábendingagátt