Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Finndu tengilið farsældar fyrir barnið þitt og úrræðalista skóla og Hafnarfjarðarbæjar.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarherbergi Norðurhellu 2
Auk ofangfreindra ráðsmanna sátu Þormóður Sveinsson skipulagsfulltrúi og Ívar Bragason lögmaður hjá stjórnsýslu fundinn.
Skipulagshöfundar, Ydda arkitektar, mættu til fundarins og kynntu tillögu að breyttu deiliskipulagi 3. áfanga Skarðshlíðar ásamt skilmálum.
Sigurbergur Árnason mætti til fundarins kl. 08:55 og vék af fundi kl. 09:11.
Afgreiðslu frestað.
Tekin fyrir á ný fyrirspurn Hrafnistu Hafnarfirði frá apríl 2016, vegna breytinga á notkun á reit F2 við Hrafnistu. Þ.e. breyta hjúkrunarheimili í íbúðir aldraða samkvæmt meðfylgjandi teikningum Halldórs Guðmundssonar hjá THGark, Faxafeni 9, 108 Reykjavík dags. júní 2016.
Skipulags- og byggingarráð heimilaði á fundi sínum 02.025.2017 að Hrafnista Hafnarfirði ynni tillögu að breyttu deiliskipulagi á sinn kostnað byggða á gögnum THG dags. 10.06.2016 en benti á að skoða þyrfti aðgengi, innra umferðarflæði og bílastæði betur.
Lögð fram tillaga THG arkitektekta dags.15.03.2018 að breyttu deiliskipulagi.
Skipulags- og byggingarráð óskar eftir umsögn SSH um útkallstíma og öryggismál er varða sjúkrafluttninga. Jafnframt er er óskað eftir umsögn Garðabæjar um fyrirliggjandi tillögu að deiliskipulagsbreytingu.
Jafnfram er skipulagshöfundum falið að endurskoða gatnafyrirkomulag innan lóðar en ekki verður fallist á tvöfallt vegstæði við Garðaveg.
Hugmyndir að rammaskipulagi svæðisins, Hraun vestur, í kjölfar kynningarfundar sem haldinn var í Bæjarbíói þann 14.03. s.l. teknar til umfjöllunar.
Umræða um framhald verkefnisins.
Tekin fyrir að nýju beiðni fulltrúa Samfylkingar, VG og Bjartrar framtíðar um umræðu um staðsetningu knatthúsa í Hafnarfirði. Afgreiðslu erindisins var frestað á fundi 28.11. 2017 með vísan til þess að lögð yrði fram tillaga að verkefnalýsingu af hálfu fulltrúa Bjartrar Framtíðar, Samfylkingar og VG. Lögð fram greinargerð skipulagsfulltrúa sem óskað var eftir á fundi 9.2. s.l.
Gert var stutt fundarhlé.
Fulltrúar Bjartrar framtíðar og Samfylkingar leggja fram eftirfarandi bókun:
Fulltrúar Bjartrar framtíðar og Samfylkingar í skipulags og byggingarráði Hafnarfjarðar vilja undirstrika og endurtaka bókun skipulags- og byggingarráðs frá 11.3. 2014 – þar sem að kveðið er á um samkomulag við nærliggjandi lóðarhafa um bílastæðamál osfrv. sjá svohljóðandi bókun:
„Skipulags og byggingarráð samþykkir skipulagstillöguna eins og hún liggur fyrir samkvæmt uppdrætti dags. 5. nóvember 2013. Þeir fyrirvarar eru þó settir að þess sé gætt að lóðafrágangur verði í samræmi við skipulag og að farið verði eftir skiltareglugerð Hafnarfjarðarbæjar við allar nýframkvæmdir. Áður en framkvæmdir hefjast skal liggja fyrir undirritað samkomulag við nærliggjandi lóðarhafa um samnýtingu á bílastæðum þegar um stórviðburði er að ræða. Þá verði bílastæðaskipulag aðgengilegt á heimasíðu félagsins sem og samkomulag um samnýtingu stæða. Æskilegt er að slíku samkomulagi fylgi bílastæðakort þar sem gestum er leiðbeint hvar hægt sé að leggja bílum og nota almenningssamgöngur þegar um stórviðburði að ræða, sem um leið hvetur gesti á jákvæðan hátt til að nota aðra samgöngukosti en einkabílinn. Gert er ráð fyrir að bílastæðafjöldi samkvæmt tillögunni svari eftirspurn vegna daglegrar notkunar eins og kemur fram í meðfylgjandi greinagerð. Deiliskipulag þetta hefur gildistímann 12 ár með vísan í 37. grein skipulagslaga þar sem sett er inn ákvæði umframkvæmdatíma svokallaðara þróunarsvæða í þegar byggðu hverfi. Þessi fyrirvari er ma. settur vegna nálægðar við veghelgunarsvæði Reykjanesbrautar og Flatahrauns þar sem nokkur óvissa ríkir um þróun almenninssamgangna (samgönguás höfuðborgarsvæðisins) á næstu árum. Þetta á einkum við um áfanga nr. 8 á skipulagstillögunni dags. 5. nóvember 2013. Við deiliskipulagsgerð í þegar byggðu hverfi getur sveitarfélag ákveðið að skilgreina afmarkað svæði sem þróunarsvæði þar sem vinna skal hefðbundið deiliskipulag. Í slíkri áætlun skal tilgreina framkvæmdatíma áætlunarinnar sem skal vera a.m.k. fimm ár en ekki lengri en fimmtán ár. Framkvæmdatími áætlunarinnar hefst við gildistöku áætlunarinnar en ef hann er ekki tilgreindur skal miða við fimmtán ár.“
Óskað er eftir upplýsingum um stöðu þessara mála þar sem ekki er hægt að gefa út byggingarleyfi fyrr en ofangreint samkomulag liggur fyrir
Jafnframt óska fulltrúar Bjartrar framtíðar eftir óháðri staðavalsgreiningu fyrir Knatthús í Hafnarfirði – samanber meðfylgjandi greinagerð.
Fulltrúi Sjálfstæðisflokksins bókar varðandi bílastæði á Kaplakrika: „Rétt er að ákvæði um samnýtingu bílastæða áður en framkvæmdir hefjast skuli liggja fyrir og undirritað samkomulag við nærliggjandi lóðarhafa um samnýtingu á bílastæðum hafi verið uppfyllt og rétt er að fylgja því eftir að svo verði áður en framkvæmdir hefjast. Athygliverður er þó áhugi Bjartrar Framtíðar og Samfylkingar á auknum bílastæðum á þessu svæði þar sem sömu fulltrúar hafa lagt áherslu á fækkun bílastæða á uppbyggingar- og þróunarsvæðum. Í því samhengi virðist sem sömu fulltrúar hafi að sama skapi ekki sannfæringu fyrir aukningu á notkun almenningssamgangna sem er miður.“
Fulltrúi Sjálfstæðisflokksins bókar varðandi staðavalsgreiningu: „Töluverð umræða hefur farið fram um byggingu knatthúsa á íþróttasvæðum bæjarins, bæjarráð og bæjarstjórn eru sammála um að slík hús eigi heima á skipulagssvæðum félaganna þar sem öll aðstaða og þjónusta er fyrir hendi sama á við um Íþróttabandalag Hafnarfjarðar sem ályktaði að knatthús yrðu byggð hjá Fimleikafélagi Hafnarfjarðar í Kaplakrika og Knattspyrnufélaginu Haukum á Ásvöllum. Fulltrúi Sjálfstæðisflokksins efar að það sé á hendi skipulags- og byggingarráðs að óska eftir staðarvalsgreiningu sem þessari og leggur til að samþykkt Bjartar Framtíðar verði vísað til umræðu og umsagnar í bæjarráði, umhverfis- og framkvæmdaráði, Íþróttabandalagi Hafnarfjarðar, Knattspyrnufélaginu Haukum og Fimleikafélagi Hafnarfjarðar og vísar jafnframt í bókun sína frá 28. nóv. sl.“
Tekin fyrir á ný fyrirspurn Húsfélagsins Skipalóni 5 dags. 07.06.2017 varðandi fyrirhugaðar framkvæmdir á lóðinni Skipalón 3. Skipulags- og byggingarráð beindi tilmælum til lóðarhafa, Skipalóns 7 ehf, á fundi sínum þann 03.10.2017 um að núverandi ásigkomulag lóðar væri óásættanlegt og vakti jafnframt athygli á þeim tímamörkum sem er að finna í 8. gr. lóðarsamnings. Lagður fram tölvupóstur dags. 19.3. s.l. þar sem lóðarhafi, Skipalón 7 ehf, óskar eftir mánaðarfresti til að gera grein fyrir nýtingu lóðarinnar.
Skipulags- og byggingarráð veitir umbeðinn frest en ítrekar þau tímamörk sem koma fram í 8. gr. gildandi lóðarleigusamnings.
Tekin fyrir að nýju umsók Hjördís Birgisdóttir dags. 13.09.2017 um breytingar á hámarkshæð að hluta viðbyggingar á Strandgötu 9. Lögð fram ný gögn með ásýndum nærliggjandi húsa á Strandgötunni unnin af Kára Eiríkssyni arkitekt og bréf frá umsækjanda dags. 12. mars 2018.
Afgreiðslu frestað til næsta fundar.
Lögð fram umsókn Iso Tech ehf dags. 8.3.2018 um færslu og snúning á byggingarreit og hæð húss verði 11 metrar. Einnig er sótt um 6 m. hátt skilti við lóðarmörk. Afgreiðslufundur skipulags- og fulltrúa 14.03. s.l. vísaði erindinu til skipulags- og byggingarráðs vegna breytinga á gildandi deiliskipulagi.
Skipulags- og byggingarráð samþykkir að heimila lóðarhafa að vinna deiliskipulagsbreytingu á sinn kostnað og að málsmeðferð verði í samræmi við 1. mgr. 43. gr. skipulagslaga nr. 123/2010.
Tekin til umfjöllunar beiðni frá verkefnisstjóra hjá umhverfis- og skipulagsþjónustu um að fella 2 lerkitré sem standa við gafl hússins Siggubæ í tengslum við lagfæringu á húsinu. Trén slást utan í gafl hússins og rætur þeirra farnar að skemma gólfið. Einnig þarf að gera drenlögn í kringum húsið og standa trén í vegi fyrir að það sé hægt. Umsagnir frá garðyrkjustjóra Hafnarfjarðar liggur fyrir ásamt áliti frá Skógræktarfélagi Hafnarfjarðar. Jafnframt lögð fram samþykkt um friðun og verndun trjágróðurs í Hafnarfirði.
Umhverfis- og framkvæmdaráð fjallaði um erindið á fundi sínum 7. mars s.l. og gerir ekki athugasemd við að trén verði felld en vísaði málinu til afgreiðslu í skipulags- og byggingarráði í samræmi við samþykkt um verndun trjágróðurs í Hafnarfirði.
Skipulags- og byggingarráð tekur undir bókun umhverfis- og framkvæmdaráðs en bendir á að endurskoða þarf Samþykkt um friðun og verndun trjágróðurs í Hafnarfirði sem var samþykkt í bæjarstjórn Hafnarfjarðar þann 3. febrúar 2009.
Sýningarljós ehf sækja með umsókn dags. 11.3.2018 um breytingu á deiliskipulagi Suðurhafnar, reit 2.1. vegna Hvaleyrarbrautar 12, skv. uppdrætti Gísla G. Gunnarssonar dags. 9. mars 2018. Á fundi skipulags- og byggingarráðs þann 03.05.2016 heimilaði ráðið umsækjanda að vinna deiliskipulagsbreytingu á sinn kostnað. Lögð fram tillaga Gísla G. Gunnarsson dags. 9.3. 2018 að breyttu deiliskipulagi.
Skipulags- og byggingarráð samþykkir að grendarkynna deiliskipulagsbreytinguna í samræmi við 2. mgr. 43. gr. skipulagslaga nr. 123/2010.
Tekið fyrir að nýju erindi Guðrúnar B. Þórsdóttur dags. 29. 5. 2017 um að fá lóðarstækkun til að geta komið fyrir bílastæði inn á lóð. Lögð fram umsögn arkitekts dags. 14.7. 2017.
Skipulags- og byggingarráð synjar erindinu með vísan til umsagnar umhverfis- og skipulagsþjónustu dags 14.07.2017.
Framhald umræðu um endurskoðun deiliskipulags miðbæjarins.
Skipulags- og byggingarráð samþykkir að ráðinn verði verkefnisstjóri fyrir verkefnið.
Lögð fram fundargerð afgreiðslufundar frá 6.3. s.l.
Lagt fram til kynningar.
Lögð fram fundargerð afgreiðslufundar frá 14.3. s.l.
