Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarherbergi Norðurhellu 2
Auk ofangreindra ráðsmanna sátu fundinn Þormóður Sveinsson skipulagsfulltrúi, Sigurður Haraldsson sviðsstjóri, Guðrún Guðmundsdóttir arkitekt og Gunnþóra Guðmundsdóttir arkitekt.
Valdimar Harðarson arkitekt hjá ASK arkitektum kynnir fyrirhugaðar breytingar á verslunarrekstri við Strandgötu 26-30 og Fjarðargötu 13-15.
Skipulags- og byggingarráð heimilar að unnin verði breyting á deiliskipulagi Strandgötu 26-30 og Fjarðargötu 13-15 er varðar kvaðir um gönguleiðir á lóð.
Lagt fram bréf félagsins Villikettir þar sem óskað er eftir lóðarskika undir færanleg smáhýsi til að hýsa starfsemi félagsins.
Skipulags- og byggingarráð felur skipulagsfulltrúa að skoða þær tillögur sem fram koma í erindi umsækjanda.
Tekin fyrir á ný fyrirspurn Hrafnistu Hafnarfirði frá apríl 2016 vegna breytinga á notkun á reit F2 við Hrafnistu. Breyta á hjúkrunarheimili í íbúðir fyrir aldraða samkvæmt teikningum Halldórs Guðmundssonar hjá THGark dagsettum 10.6.2016. Skipulags- og byggingarráð heimilaði á fundi sínum 2.5.2017 að Hrafnista Hafnarfirði ynni tillögu að breyttu deiliskipulagi á sinn kostnað byggða á gögnum THGark dags. 10.6.2016 en benti á að skoða þyrfti aðgengi, innra umferðarflæði og bílastæði betur. Lögð fram tillaga THG arkitekta dags. 10.9.2018 að breyttu deiliskipulagi ásamt umsögn SHS dags. 13.8.2018 er varðar aðkomu sjúkraflutninga og slökkviliðs.
Skipulags- og byggingarráð leggur til að tillaga að breyttu deiliskipulagi Hraunvangs 7, svæði Hrafnistu, verði kynnt íbúum og auglýst í samræmi við 41.gr. skipulagslaga nr. 123/2010. Skipulags- og byggingarráð tekur jafnframt undir bókun ráðsins þann 22. september 2016 og bæjarstjórnar þann 12. október 2016 um fyrirhugaða lokun Herjólfsbrautar við Garðahraunsveg(gamla Álftanesvegi).
Geymslusvæðið ehf. sækir 10.9.2018 um deiliskipulagsbreytingu Álhellu 18 svo koma megi fyrir lóð undir spennistöð HS veita. Samþykki lóðarhafa liggur fyrir. Erindinu var vísað til skipulags- og byggingarráðs á afgreiðslufundi skipulags- og byggingarfulltrúa þann 14 sept. s.l.
Skipulags- og byggingarráð samþykkir breytingu deiliskipulags Álhellu 18 og felur skipulagsfulltrúa að taka til skoðunar deiliskipulag á landi Geymslusvæðisins ehf. og leggja fram þá athugun á næsta fundi ráðsins.
Tekin til umræðu á ný skipulagsvinna á þéttingarsvæðum. Lögð fram greinargerð skipulagsfulltrúa dags. 20.9.2019 og minnisblað er varðar Hvaleyrarholt suðaustur dags. 13.8.2018 er fjallar m.a. um gildandi skipulagsáætlanir og nauðsynlegar breytingar á þeim samanber 30.gr., 36.gr., og 43.gr. skipulagslaga nr. 123/2010.
Skipulags- og byggingarráð felur skipulagsfulltrúa að hefja undirbúning að vinnu við skipulagsbreytingar viðkomandi svæða eins og þau eru kynnt í greinargerð dags. 20.9.2018 og 13.8.2018 að teknu tilliti til grænna svæða.
Tekið fyrir nýtt erindi Guðrúnar B. Þórsdóttur dags. 15.9. 2018 þar sem sótt er um stækkun lóðarinnar Hverfisgata 14 til norðvesturs.
Skipulags- og byggingarráð frestar erindinu og óskar eftir nýrri umsögn skipulagsfulltrúa þar sem nýtt deiliskipulag fyrir svæðið hefur verið samþykkt.
Kjartan Freyr Ásmundsson og Helga Ágústsdóttir sóttu þann 25.7. s.l. um endurbyggingu á geymslu og stækkun hennar samkvæmt teikningum Sveins Valdimarssonar dags. 16.7.2018. Afgreiðslufundur skipulags- og byggingarfulltrúa samþykkti með vísan til 2.gr. í Samþykkt um embættisafgreiðslur skipulags- og byggingarfulltrúans í Hafnarfirði frá 4.5.2004 að umsókn Kjartans F. Ásmundssonar dags. 25.7.2018 yrði grenndarkynnt fyrir eigendum/íbúum Selvogsgötu 1, 4, 5, og 6, Brekkugötu 25 og 26 og Hringbraut 10. Athugasemdir bárust frá eiganda og íbúa að Brekkugötu 25. Lögð fram greinagerð skipulagsfulltrúa vegna athugasemda dags. 17.9.2018.
Skipulags- og byggingarráð óskar eftir umsögn stjórnsýslusviðs.
Þrastarverk ehf. leggja fram fyrirspurn um breytingu á gildandi deiliskipulagi samanber uppdrátt og bréf Jóns Guðmundssonar arkitekts dags. 19.9.2018. Þar er gert ráð fyrir að bílakjallari fyrir 11 bifreiðar færist til á lóð og að íbúðum í húsum fjölgi um tvær.
Skipulags- og byggingarráð heimilar lóðarhafa að vinna að breyttu deiliskipulagi er varðar staðsetningu á bílakjallara, geymslu í kjallara í stað jarðhæðar og fjölga íbúðum um eina á sinn kostnað. Ráðið bendir á að leggja skal inn umsókn um deiliskipulagsbreytingu.
Aðalskipulag Hafnarfjarðar 2013-2025 tekið til umfjöllunar. Stefna aðalskipulags er bindandi við gerð deiliskipulags og útgáfu byggingar- og framkvæmdaleyfa. Með vísan til 35.gr. skipulagslaga nr. 123/2010 skal sveitarstjórn að loknum sveitarstjórnarkosningum meta hvort ástæða sé til að endurskoða aðalskipulag.
Skipulags- og byggingarráð felur skipulagsfulltrúa að taka saman greinargerð þar sem fram koma hvaða áherslur, forsendur og upplýsingar liggja fyrir um byggðaþróun og skipulagsmál innan marka sveitarfélagsins.
Lögð fram drög KPMG að húsnæðisáætlun Hafnarfjarðarbæjar 2018-2026.
Lagt fram til kynningar.
Á fundi bæjarstjórnar þann 19. september síðastliðinn var fyrirspurn bæjarfulltrúa Miðflokksins, Sigurðar Þ. Ragnarssonar, vísað til skipulags- og byggingarráðs.
Lóðin Skipalón 3 var úthlutað 2005. Ekkert hefur verið byggt á lóðinni og er lóðin mikill lýtir í annars snyrtilegu hverfi. Hafa íbúar á Skipalóni 1 og 5 kvartað yfir ástandi lóðarinnar um nokkurn tíma sbr. bréf þessa efnis. Árið 2016 var lögð fram tillaga að breytingu á deiliskipulagi sem gerir ráð fyrir byggingu 2ja hæða 6 íbúða kjarna sem íbúar á Skipalóni 1 og 5 hafa samþykkt. Þann 19. mars s.l. óskar lóðarhafi, Skipalón 7 ehf. eftir mánaðarfresti til að gera grein fyrir nýtingu lóðarinnar. Lóðarhafar hafa ekki enn lagt fram nein gögn þar að lútandi. Í samþykktum Hafnarfjarðarkaupstaðar vegna byggingaframkvæmda segir í 8. gr.: Afturköllun byggingarréttar og lóðarúthlutunar.? „Einnig fellur úthlutun sjálfkrafa úr gildi, án sérstakrar samþykktar bæjarstjórnar?.hafi uppdrættir af fyrirhuguðu mannvirki ekki borist byggingarfulltrúa til samþykktar innan 6 mánaða frá úthlutun (2005)“. Því er spurt: 1. Hve langan viðbótarfrest hyggst bærinn veita núverandi lóðarhöfum til að hefja hefja undirbúning og síðan framkvæmdir við lóðina? 2. Hvers vegna hefur ekki verið gripið inn í fyrr vegna þess mikla dráttar sem orðið hefur á framkvæmdum við lóðina? 3. Hver verða næstu viðbrögð bæjarins í málinu?
Skipulags- og byggingarráð frestar erindinu og felur skipulagsfulltrúa að ræða við lóðarhafa.
Lögð fram fundargerð afgreiðslufundar frá 12. september sl.
Lögð fram fundargerð afgreiðslufundar frá 19. september sl.
