Skipulags- og byggingarráð

Almenn erindi

• 2105289 – Fjárhagsáætlun Hafnarfjarðarkaupstaðar og fyrirtækja hans 2022 og 2023-2025

  Lögð fram tillaga að breytingu á þjónustugjaldskrá fyrir leyfisveitingar og þjónustu byggingarfulltrúa og skipulagsfulltrúa sem og fjárhagsáætlun fyrir aðkeypta skipulagsvinnu og rekstraráætlun 2022.

  Skipulags- og byggingarráð samþykkir framlagða gjaldskrá, rekstraráætlun og fjárfestingar skipulagsfulltrúa og vísar til bæjarráðs.

• 1110006 – Vesturbær, endurgert og nýtt deiliskipulag

  Lögð fram að nýju tillaga að deiliskipulagi ásamt greinargerð fyrir vesturbæ Hafnarfjarðar. Deiliskipulagstillagan hefur áhrif á mörk aðliggjandi deiliskipulaga og verða þau leiðrétt samhliða. Þar sem tillagan gengur yfir eldri deiliskipulög, verða þau felld úr gildi. Auk þess er lögð fram tillaga að verndarsvæði í byggð ásamt húsakönnun.

  Skipulags- og byggingarráð samþykkir tillögu að deiliskipulagi vesturbæjar ásamt fylgiskjölum og að þau verði auglýst í samræmi við skipulagslög. Deiliskipulagserindinu er jafnframt vísað til bæjarstjórnar til staðfestingar. Skipulags- og byggingarráð samþykkir að vísa tillögu að verndarsvæði í byggð til menntamálaráðneytisins til meðferðar í samræmi við lög um verndarsvæði í byggð og vísar ákvörðun sinni til staðfestingar í bæjarstjórn.

• 2106248 – Selhraun suður, aðalskipulagsbreyting

  Tekið til umræðu minnisblað vegna ábendingar Skipulagsstofnunar dags. 18. ágúst 2021.

  Tekið til umræðu.

• 1701175 – Selhraun suður, breyting á deiliskipulagi

  Lögð fram tillaga að breyttu deiliskipulagi Norðurhellu 13.

  Skipulags- og byggingarráð tekur jákvætt í erindið og vísar til frekari vinnslu á sviðinu.
  Skipulags- og byggingarráð samþykkir að breytingar á deiliskipulagi Selhrauns suðurs verði auglýstar samhliða breytingu á aðalskipulagi Selhrauns suðurs.

• 2109289 – Áshamar reitur 8.A, deiliskipulag

  Baldur Ólafur Svavarsson fh. lóðarhafa sækir 7.9.2021 um samþykki fyrir nýju deiliskipulag í Hamranesi, Áshamar, reitur 8a.

  Skipulags- og byggingarráð samþykkir að deiliskipulag reits 8.A verði auglýst í samræmi við skipulagslög. Erindinu vísað til bæjarstjórnar til samþykktar.

• 2101519 – Ásland 4, deiliskipulag

  Kynnt skipulagsvinna svæðisins. Skipulagshöfundar mæta til fundar.

  Tekið til umræðu.

• 2104503 – Gjáhella 9, deiliskipulag

  Járn og blikk ehf. sækja 26.4.2021 um breytingu á lóðarmörkum, innkeyrslu og hæðarafsetningu lóðanna Gjáhella 7, 9 og 11. Tillaga dags 1.10.2021 lögð fram.

  Skipulags- og byggingarráð tekur undir athugasemdir skipulagsfulltrúa.

• 2103509 – Hraun vestur, Hjallar

  Lögð fram til kynningar tillaga frá Batteríið Arkitektar. Skipulagshöfundur kynnir.

  Skipulags- og byggingarráð tekur jákvætt í tillöguna.

• 2104436 – Smyrlahraun 41a, aðalskipulagsbreyting

  Skipulags- og byggingarráð samþykkti 4. maí 2021 að málsmeðferð vegna aðalskipulagsbreytinga Smyrlahrauns 41a færi skv. 1. mgr. 36. greinar skipulagslaga. Lögð fram lýsing vegna breytinga á aðalskipulagi Hafnarfjarðar 2013-2025. Breytingin snýr að landnotkun.

  Skipulags- og byggingarráð leggur til við bæjarstjórn að gerð verði breyting á aðalskipulagi Hafnarfjarðar 2013-2025 er varðar landnotkun Smyrlahrauns 41a. Skipulags- og byggingarráð samþykkir framlagða lýsingu og visar til staðfestingar í bæjarstjórn.

• 2109653 – Miðbær, aðalskipulagsbreyting

  Skipulags- og byggingarráð fól umhverfis- og skipulagssviði á fundi sínum þann 21.9.2021 að bregðast við úrskurði umhverfis- og auðlindamála. Fram kemur í aðalskipulagi Hafnarfjarðar 2013-2025 að allt rými á jarðhæð í miðbænum skuli nýtt fyrir verslun, veitingahús og þjónustu. Lögð fram lýsing vegna breytinga á greinargerð miðbæjarsvæðis M1 aðalskipulags Hafnarfjarðar 2013-2025.

  Skipulags- og byggingarráð leggur til við bæjarstjórn að gerð verði breyting á aðalskipulagi Hafnarfjarðar 2013-2025 er varðar greinargerð miðbæjarsvæðis. Skipulags- og byggingarráð samþykkir framlagða lýsingu og visar til staðfestingar í bæjarstjórn.

• 2109983 – Hellnahraun, aðalskipulagsbreyting þynningarsvæði

  Lögð fram lýsing vegna breytinga á aðalskipulagi Hafnarfjarðar 2013-2025. Breytingin snýr að landnotkun og skilgreiningu á
  afmörkun þynningarsvæðis.

  Skipulags- og byggingarráð leggur til við bæjarstjórn að gerð verði breyting á aðalskipulagi Hafnarfjarðar 2013-2025 er varðar landnotkun Hellnahrauns. Skipulags- og byggingarráð samþykkir framlagða lýsingu og visar til staðfestingar í bæjarstjórn.

• 2001526 – Reykjanesbraut, tvöföldun, aðalskipulagsbreyting

  Samþykkt var á fundi bæjarstjórnar Hafnarfjarðar þann 17.3.2021 að auglýsa tillögu að breytingu á aðalskipulagi Hafnarfjarðar 2013-2025 vegna tvöföldunar Reykjanesbrautar ásamt umhverfisskýrslu. Tillagan var auglýst 9.7-23.8.2021. Frummatsskýrsla, þar sem lagt er mat á umhverfisáhrif framkvæmdarinnar, var auglýst samhliða. Athugasemd barst. Skipulags- og byggingarráð fól skipulagsfulltrúa á fundi sínum þann 24.8.2021 að taka saman umsögn vegna framkominna athugasemda. Lögð fram umsögn skipulagsfulltrúa ásamt uppfærðum uppdrætti þar sem tekið hefur verið tillit til þeirra athugasemda sem bárust.

  Skipulags- og byggingarráð samþykkir uppfærð gögn vegna breytinga á aðalskipulagi Hafnarfjarðar 2013-2025 og að erindinu verði lokið í samræmi við skipulagslög. Erindinu er vísað til bæjarstjórnar til staðfestingar.

• 2012340 – Starfshópur um stíga í upplandi Hafnarfjarðar

  Lagðar fram til kynningar tillögur starfshóps um stíga í upplandi Hafnarfjarðar.

  Skipulags- og byggingarráð samþykkir að hefja vinnu við deiliskipulag vegna tillögu nr. 2, göngu- og hjólastígur frá Völlum að Hvaleyrarvatni. Jafnframt að hefja vinnu við endurskoðun á deiliskipulagi Sörlasvæðis vegna tillögu 4, aðgreiningar á umferð gangandi, hjólandi og hestafólks að og frá svæði skógræktarinnar í Gráhelluhrauni.

• 2105245 – Hraunbúar, útivistar og útilífssvæði

  Umhverfis- og framkvæmdaráð tók jákvætt í erindi Ferðabúa og Hraunbúa þar sem óskað er eftir varanlegu svæði þar sem skátarnir geta byggt upp útivistar- og náttúrusvæði þar sem hægt verður að efla til muna tengsl skátana við náttúru upplifun, umhverfisvitund og útivist og vísaði til skipulags- og byggingarráðs.

  Skipulags- og byggingarráð tekur jákvætt í erindið og vísar til vinnu við endurskoðun aðalskipulags Hafnarfjarðar 2013-2025.

• 2107448 – Herjólfsgata, aðstaða til siglinga

  Lagt fram erindi Siglingafélagsins Hafliða dags. 29.6.2021 þar sem óskað er eftir aðstöðu til iðkunar siglinga á segl-, ára-, vélbátum, segl- og brimbrettum, kite- og róðrabrettum ásamt sjósundi úti fyrir Sundhöllinni við Herjólfsgötu.

  Tekið til umræðu. Erindið verður tekið fyrir að nýju þegar afstaða ÍBH til aðildar liggur fyrir.

• 1908591 – Reykjanesbraut, skilti við Kaplakrika, kvörtun

  Tekið til umræðu.

  Tekið til umræðu.

Fundargerðir

• 2109018F – Afgreiðslufundur skipulags- og byggingarfulltrúa - 853

  Lögð fram fundargerð 853 fundar.