Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarherbergi Norðurhellu 2
Auk ofangreindra ráðsmanna sátu Sigurður Haraldsson sviðsstjóri og Helga Stefánsdóttir aðstoðarsviðsstjóri fundinn.
Lagt fram erindi Sorpu bs dags 23. nóvember sl þar sem kynnt er að móttaka á plasti geti hafist um miðjan febrúar 2018. Jafnframt er óskað eftir tengilið varðandi kynningarmál.
Umhverfis- og framkvæmdaráð fagnar því að þetta mál sé komið í höfn. Jafnframt tilnefnir ráðið Ishmael R. David verkefnisstjóra sem tengilið við verkefnið.
Lögð fram tillaga bæjarlögmanns að endurskoðun á samþykkt um húsdýrahald og almennt gæludýrahald í Hafnarfirði sem og samþykkt um kattahald.
Lagt fram.
Tekið fyrir að nýju erindi Íshesta dags. 27. nóvember 2017 varðandi beitarhólf.
Afgreiðslu frestað þar sem umbeðið álit bæjarlögmanns liggur ekki fyrir.
Lagt fram erindi íbúa við Klukkuvelli dags 28. nóvember 2017 varðandi tímajöfnunarstöð Strætó bs við Klukkuvellir
Umhverfis- og framkvæmdaráð bendir á að breytingar á leið 1 eru til skoðunar í starfshóp um endurskoðun leiðarkerfis í Hafnarfirði og miðað er við að hann ljúki störfum í janúarlok.
Kynntar tilfærslur á fjárfestingaráætlunar 2017.
Lagt fram til kynningar.
Fjárhagsáætlun 2018 tekin til umfjöllunar.
Gert var stutt fundarhlé.
Fulltrúar Samfylkingar og VG leggja fram eftirfarandi bókun: “Þrátt fyrir að í fjárhagsáætlun ársins 2018 og næstu þriggja ára þar á eftir séu mörg góð verkefni sem fá brautargengi og tryggt fjármagn svo hægt sé að ráðast í þau eru líka veigamikil málefni og verkefni sem hljóta ekki þann sess í áætluninni sem þeim ber. Þar er m.a. um að ræða þá lágu fjárhæð sem ætluð er til að undirbúa uppbyggingu á leikskóla í Suðurbæ. Það er ljóst að við í minnihlutanum hefðum viljað sjá markvissari skref stigin strax á næsta ári til uppbyggingar á þeirri mikilvægu þjónustu í Suðurbæ. Að ætla 2,5 milljónir til þessa undirbúnings á næsta ári er langt frá því að vera ásættanlegt. Eins er ekki hægt að líta fram hjá því að við í minnihlutanum í ráðinu hefðum kosið að markvissari skref hefðu verið stígin í að íbúar hefðu raunveruleg áhrif á framkvæmdir í sínu nærumhverfi með samræðu og tillögum á grundvelli aukins íbúalýðræðis líkt og gerist í nágrannasveitarfélögum okkar og hefur gefið góða raun. Að áætla 10 milljónir í þetta verkefni á næsta ári og svo 15 milljónir á ári næstu þrjú árin er langt frá því að vera ásættanlegt. Svo ekki sé minnst á þann sess sem aðgerðir í umhverfismálum í sveitarfélaginu hljóta í þessari fjárhagsáætlun. Það er ljóst að þar hefði þurft að bæta í umtalsverðu fjármagni svo m.a. hefði mátt koma þeirri metnaðarfullu Umhverfis- og auðlindastefnu sem verið hefur í undirbúningi undanfarin misseri í markvissa framkvæmd strax á næsta ári. Með samþykkt þessarar fjárhagsáætlunar í bæjarstjórn þann 6. desember síðastliðinn er hætta á að sú stefna sem nú liggur fyrir og bíður afgreiðslu í bæjarstjórn verði ekkert annað en fallegt plagg og lítið annað. Við það er ekki hægt að una. Að þessu leyti veldur nýsamþykkt fjárhagsáætlun sveitarfélagsins fyrir árið 2018 og til næstu þriggja ára þar á eftir talsverðum vonbrigðum. Við í minnihlutanum munum halda áfram baráttu okkar fyrir því að mikilvæg verkefni líkt og þau sem nefnd eru hér að ofan fái betra brautargengi á næstu árum, íbúum Hafnarfjarðar til heilla.”
Skipun starfshóps vegna uppbyggingar í Kapalkrika tekin til umræðu.
Afgreiðslu frestað.
Lagðar fram niðurstöður útboðs á eftirliti, 5 tilboð bárust.
Umhverfis- og framkvæmdaráð heimilar umhverfis- og skipulagsþjónustu að leita eftir samningum við lægstbjóðanda Verkís hf.
Lagt fram erindi Skógræktarfélags Hafnarfjarðar dags 14. nóvember sl varðandi ræktunarsvæði í Undirhlíðum.
Umhverfis- og framkvæmdaráð óskar eftir nánari upplýsingum og felur umhverfisfulltrúa að ræða við félagið.
Berglind Guðmundsdóttir umhverfisfulltrúi/landslagsarkitekt kynnt hjólavottun vinnustaða.
Umhverfis- og framkvæmdaráð stefnir að því að fá vottun fyrir umhverfis-og skipulagsþjónustu og felur umhverfisfulltrúa að leggja fram aðgerðaráætlun.
Lögð fram fundargerð stjórnar Sorpu nr.381.
Berglind Guðmundsdóttir umhverfisfulltrúi/landslagsarkitekt hjá umhverfis- og skipulasþjónustu kynnti stefnur og strauma í hönnun útivistasvæða í Kaupmannahöfn.
Til kynningar.