Gleðilegt sumar kæru íbúar!

Það eru bjartari dagar framundan – í orðsins fyllstu 

Bæjaryfirvöld og starfsfólk Hafnarfjarðarbæjar óska íbúum og vinum Hafnarfjarðar gleðilegs sumars með þökk fyrir ótrúlegan og öðruvísi vetur! Það er vel við hæfi að nota tækifærið, nú þegar bjartari dagar eru framundan, til að hrósa Hafnfirðingum og starfsfólki Hafnarfjarðarbæjar og fyrirtækja og stofnana í bænum fyrir einstaka aðlögunarhæfni og umburðarlyndi á tímum sem sannarlega má kalla fordæmislausa enda samfélagið í heild að upplifa og takast á við áður óþekkt verkefni og áskoranir.  

Stórt og innilegt hrós til ykkar allra! 

Í ár verður, líkt og í fyrra, lítið um viðburði og sameiginlega hátíðardagskrá á sjálfan Sumardaginn fyrsta og hefur skrúðgöngu Skátafélagsins Hraunbúa og Víðavangshlaupi FH á Víðistaðatúni verið frestað. Það leggja allir hópar áherslu á að nálgast ástandið í samfélaginu með glaðværð að vopni og hvetja bæjarbúa til að horfa til skemmtunar og gleði í nærumhverfinu. Hafnarfjörður er nefnilega nokkuð vel settur þegar kemur að ævintýrum og  gleði í nærumhverfinu. Þannig fögnum við sumri með breyttu sniði annað árið í röð. Ærslabelgirnir okkar tveir á Víðistaðatúni og Óla Run túni hafa verið opnaðir. Frítt er á söfnin okkar og eins í sund fyrir börn og ungmenni 17 ára og yngri. Við bendum íbúum áfram á hugmyndastafrófið okkar sem hefur tekið einhverjum breytingum frá því að það var kynnt fyrst til sögunnar, Litla Ratleik Hafnarfjarðar, Stuðkví og áhugaverða staði sem yfirleitt eru bara rétt handan við hornið:  

• Hér er hægt að nálgast heilt stafróf af hugmyndum
• Hér er hægt að nálgast Stuðkví – skemmtileg skátaverkefni
• Hér er hægt að nálgast Litla Ratleik Hafnarfjarðar
• Áhugaverðir staðir í Hafnarfirði
• Útivist og náttúra
• Sundlaugarnar okkar – Ásvallalaug og Suðurbæjarlaug eru opnar frá kl. 8-17 á Sumardaginn fyrsta. Sundhöll Hafnarfjarðar er lokuð
• Söfnin okkar eru opin á hefðbundnum opnunartíma – Bókasafn Hafnarfjarðar, Byggðasafn Hafnarfjarðar og Hafnarborg 
• Bæjarhátíðin Bjartir dagar hófst í gær og mun hátíðin standa yfir í allt sumar. Upphafsdagskrá hátíðar er látlaus í ljósi ástandsins í samfélaginu en þó ættu allir að geta fundið eitthvað við hæfi. Sjá dagskrá hátíðar