Hafnarborg hlýtur Íslensku tónlistarverðlaunin

Menningarmiðstöðin Hafnarborg hlaut í vikunni Íslensku tónlistarverðlaunin fyrir viðburð ársins (einstaka tónleika), í flokknum sígildri og samtímatónlist, fyrir opnunartónleika sýningarinnar Hljóðana, sem var hluti af dagskrá Myrkra músíkdaga. 

Til hamingju Hafnarborg og listafólk á bak við þessa einstöku tónleika og sýningu!   

Hafnarborg vill þakka slagverksleikaranum Jennifer Torrence, fyrir ógleymanlega túlkun á verkum þeirra Toms Johnson og Bergrúnar Snæbjörnsdóttur, og Þráni Hjálmarssyni, sýningarstjóra, fyrir hans frábæra starf. Einnig er öllu listafólkinu sem átti verk á sýningunni og tók þátt í viðburðadagskrá í tengslum við hana þakkað sérstaklega fyrir þeirra framlag.

Það er ekki á hverjum degi sem listasafn fær tónlistarverðlaun – en í Hafnarborg hefur tónlistinni í sínum fjölbreytilegu myndum verið sinnt allt frá fyrstu árum starfseminnar. Þessi verðlaun eru Hafnarborg og Hafnarfjarðarbæ hvatning til að halda áfram á þeirri braut.