Heimahátíðir um allan Hafnarfjörð

Grillum í garðinum
heima og skemmtum okkur innanbæjar

Í ár eru Hafnfirðingar og vinir Hafnarfjarðar hvattir til að
fagna þjóðhátíðardegi með óvenjulegum og öðruvísi hætti. Hafnarfjarðarbær mun í
ljósi þeirra takmarkana sem í gangi hafa verið síðustu vikur og mánuði ekki
blása til sameiginlegrar hátíðar eins og venjan er heldur hvetja íbúa til að
halda sína eigin heimahátíð. Sveitarfélagið leggur þó sitthvað af mörkum til
hátíðarhaldanna og mun bjóða upp á óvæntar en ótímasettar uppákomur víða um
bæinn. 

Málum Hafnarfjörð í
fánalitunum

Þjóðhátíðardegi verður fagnað á óvenjulegan og öðruvísi máta
í Hafnarfirði í ár og þá ekki síst í ljósi þess að landinn býr enn við
takmarkanir og ríkur vilji fyrir því að vera áfram til fyrirmyndar í forvörnum
og almannavörnum. Þannig eru íbúar hvattir til að grilla í garðinum heima og
skemmta sér innanbæjar. Fastir liðir eins og fánahylling og heimsóknir á heimili
og sjúkrastofnanir með flutning á íslenskum dægurperlur munu halda sér auk þess
sem söguskilti við Fríkirkjuna á Austurgötu verður opnað. Íbúar eru einnig
sjálfir hvattir til að skjóta upp fána, flagga eða setja fána í næsta glugga
eða blómapott. Heppnir íbúar munu einnig upplifa óvæntar uppákomur víða um
bæinn þar sem Lúðrasveit Hafnarfjarðar, Listahópur Vinnuskólans, álfar og
ævintýrapersónur munu troða upp og skemmta þeim sem á vegi þeirra verða. Opið
verður á söfnum og í sundlaugum sveitarfélagsins og er sem fyrr frítt inn á öll
söfn og frítt í sund fyrir 17. ára og yngri. Ísbíllinn verður á ferð um hverfin
og muni ís verði í boði fyrir börnin.

https://www.youtube.com/watch?v=lsoh1QWyh7I

Heilsueflandi
hugmyndir að skemmtun á heimavelli

• Hlustum á hljóðið
• Hækkum í tónlistinni, syngjum og dönsum
• Óvæntar uppákomur víða um bæinn
• Förum í sund eða á safn
• Buslum í Hvaleyrarvatni
• Göngum á slóðir Ratleiks Hafnarfjarðar
• Dorgum við höfnina
• Hoppum á Óla Run túni
• Leikum á Víðistaðatúni
• Förum í lautarferð í Hellisgerði

Sjá nánar hér