Helgi 2: Flugeldar og gómsæti lita Jólaþorpið

Jólaþorpið ævintýri um hverja helgi

Önnur helgi Jólaþorpsins verður stór. Flugeldasýning á föstudagskvöld, fyrsta opnun verslana í nýja Firði og fjöldi gullfallegra viðburða alla helgina. Grýla vappar svo um Jólaþorpið á sunnudag. 

Frábært verður að staldra við í glerhúsunum á Thorsplani, upplifunarhúsunum okkar: 

• Laugardag: Circolo-systur elska að gleðja landann og leggja metnað í hvert smáatriði. Þær vinna með hágæða hráefni og vandaðar umbúðir. Circolo framleiðir handgert súkkulaði toppað með framandi bragði – upplifun sem fylgir þér í gleði og kærleik. 
• Sunnudag: Íslenskar handgerðar gærur – komdu og finndu hvað þær eru mjúkar!  

Og dagskráin er ekki að verri endanum. Það helsta:  

Á föstudag 

• Kl. 18:45 Söngstund með Sveinka
• Kl. 19:20 Flugeldasýning Jólabæjarins frá strandstígnum beint á móti Firði

Á laugardag

• Kl. 16:00 Prinsessur undirbúa jólin á Thorsplani 
• Kl. 18 – 20 Myndataka með Sveinka á sviðinu á Thorsplani 
• Kl. 19:00 Sýningarhópur frá Listdansskóla Hafnarfjarðar dansar á Thorsplani, við Hjartasvellið og í Hellisgerði

Á sunnudag

• Kl. 15:30 Tufti og tröllabörnin koma í heimsókn á Byggðasafn Hafnarfjarðar

En hvað er svo að finna í jólahúsunum í Jólaþorpinu? 

• Krakkakrútt.is býður föndur, leikföng og skemmtilegar gjafir fyrir alla aldurshópa.  
• Dunda.is býður upp á handverk frá skapandi Íslendingum.
• Sylwia Olszewska er með jóla kökukefli og kökustimpla tilvalið í jólabaksturinn. 
• Sixpensari.is tímalausir hattar og húfur auk fylgihluta 
• Blueberry er með gullfallegt hátíðarskraut sem gleður bæði auga og sál. 
• ICE design handgerðir skartgripir innblásnir af íslenskri náttúru, silfur, hraunmolar og fiskleður!  
• Agzu store verður með handgerðar og endurunnar vörur allt frá kertum, sápum og skarti yfir í pólska leirmuni! 
• La Brújería skapar náttúrulegar, handunnar heilsu- og húðvörur úr jurtum og þörungum — allt frá andlitsolíum og græðandi smyrslum til jurtaspreya 
• Sætindaunnendur fá sitt þegar ÚTÚRKÚ kynnir handgert súkkulaði með íslenskum blæ. 
• Íslensk hollusta, sem fagnar 20 ára afmæli, sýnir vörur úr íslenskum berjum, jurtum og þara.  

Þetta er alls ekki allt, því margt matarkyns verður á boðstólnum:  

• Helvítis býður bragðmiklar sultur og nýjungar úr íslensku hráefni.
• Matarkompaní verður með villibráð og sósur. 
• Bæjarbakarí með bakstur og jólagómsæti. 
• Lángos vagninn með ungverska rétti.  
• Sauðfjárbúið býður úrval af kofa- og taðreyktu hangikjöti í ýmsum útfærslum, tvíreyktu hangikjöti, kofa- og taðreyktu bjúgu, gröfnum ærvöðva og vönduðu kjötáleggi 
• Turf House með franskar í nýrri og spennandi útfærslu.  
• Fjörukráin býður uppá gjafavöru og handverk, Sobo trölladúkkuna og heitar veigar.  
• Í miðjuhúsinu stendur Brikk vaktina en á boðstólnum verður Ali jólapylsa, Brikk jólapungar og Góu heitt súkkulaði svo eitthvað sé nefnt.   

Svo allt sætmetið í Jólaþorpinu.  

• Churros Wagon býður stökkar og heitar churros. 
• Önnu Konditori gleður með dönskum eplaskífum, smákökum og lagtertum. 

Já, Jólaþorpið er frábær upplifun fyrir alla fjölskylduna. Ein allra besta skemmtun aðventunnar – ef ekki sú besta!