Ístak byggir Hamranesskóla

Hamranesskóli tekinn í notkun á næsta ári

Verksamningur um uppbyggingu Hamranesskóla var undirritaður á bæjarskrifstofum Hafnarfjarðar í síðustu viku. Ístak byggir skólann. Skólinn verður um 8800 fermetrar.  

Áætlað er að skólinn verði tekinn í notkun í þremur áföngum. Stefnt er að því að fyrsti áfangi verði tilbúinn sumarið 2026, annar áfanginn ári síðar og sá þriðji sumarið 2028. Samningsupphæðin er um 6 milljarðar króna. 

Hamranesskóli verður 12 grunnskólinn í Hafnarfjarðarbæ. Sá tíundi sem bærinn rekur en þar eru einnig sjálfstætt starfandi skólar; Barnaskóli Hjallastefnunnar og Nú. 

Karl Andreassen, forstjóri Ístaks, og Valdimar Víðisson bæjarstjóri rita undir samning um uppbyggingu Hamranesskóla.

Skóli fyrir eins til sextán ára

Hamranesskóli verður heildstæður skóli fyrir börn á aldrinum 12 mánaða til 16 ára. Skólinn verður byggður samkvæmt metnaðarfullri hugmyndafræði og býður uppá spennandi tækifæri til nýbreytni í skólastarfi. Í skólanum verður frístundaheimili og félagsmiðstöð ásamt útbúi frá Tónlistarskóla Hafnarfjarðar. Nú er auglýst eftir skólastjóra sem verður ráðinn frá nóvembermánuði. 

Skólinn var boðinn út í alútboði í nóvember. Þrír verktakar tóku þátt; Ístak, Eykt og ÞG verktakar. Eftir yfirferð á tilboðum og opnun tilboða, var ljóst að Ístak var með hagstæðasta tilboðið. 

Skólinn verður miðstöð hverfisins. En í skólanum er aðstaða fyrir tónlistarmenntun, bókasafn fyrir hverfið, hreyfisalur og góð aðstaða fyrir félagsstarf.  

Verkefninu er skilað í áföngum í samræmi við gögn alútboðsins þar sem segir: 

 Já, megi skólinn þjóna okkur Hafnfirðingum vel og lengi.