Klisjukenndir skrautmunir í þremur ólíkum borgum

Ný ljósmyndasýning opnaði formlega í Bókasafni Hafnarfjarðar laugardaginn 24. september, sýning sem unnin er í samvinnu Hafnarfjarðarbæjar við sendiráð Þýskalands og Japans. Ljósmyndari og eigandi sýningarinnar er Þjóðverjinn Thomas Hoeren sem valdi Hafnarfjörð sem sýningarstað vegna sterkra tengsla bæjarins og bókasafnsins við Þýskaland. Sýningin verður opin á opnunartíma bókasafnsins dagana 23. september -23. nóvember. Aðgangur ókeypis og allir velkomnir.

Sendiherrar Japan og Þýskalands með ljósmyndaranum Thomas Hoeren og Rósu Guðbjarsdóttur bæjarstjóra Hafnarfjarðar.

Ljósmyndasýningin Kitch endurspeglar á sama tíma líkindi og mismun þriggja borga

Orðið Kitsch er oft tengt við ósmekklegan stíl, en einmitt vegna þverþjóðleika síns er meira í orðinu falið en rósbleik smekkleysa. Hér er átt við aldagamla mannlega þörf fyrir öryggi og persónumyndir í einkarými sínu. Þetta sýna myndir á ljósmyndasýningunni Kitch af klisjukenndum skrautmunum sem þýski ljósmyndarinn Thomas Hoeren tók á árunum 2010-2019 í þremur mismunandi borgum sem gætu varla verið ólíkari. Sýningin endurspeglar sterkt mismun borganna en varpar einnig ljósi á ákveðin grunnlíkindi á sama tíma, nefnilega þörfina fyrir að skreyta híbýli með hlutum sem veita vellíðan.

Ljósmyndasýningin Kitch endurspeglar á sama tíma líkindi og mismun þriggja borga. Sýningin er á þremur hæðum.

Ísland á sína eigin hefð fyrir Kitch

Borgirnar sem fyrir valinu urðu eru Reykjavík, Berlín og Itoshima. Ísland á sína eigin hefð fyrir kitsch, oft frekar kallað punt. Eins og skjalfest hefur verið í Reykjavík, setja Íslendingar tákn um náttúru sína í m.a. glugga hýbýla sinna. En kitsch má líka finna í görðum og gluggum í Berlín, höfuðborg Þýskalands, allt eftir árstíðum og hátíðum, eins og vorbyrjun. Að lokum er það Itoshima, lítill bær í Kyushuhéraði í Japan. Þar er kitsch að finna sem skraut ekki í gluggum heldur í smágörðum framan við hús og sem skraut á sjónvarpstækjum. Algengustu mótífin eru frá vestrænni menningu, til dæmis plastfígúrur innblásnar af Walt Disney og myndir af hundum. Ljósmyndarinn Thomas Hoeren (fæddur 1961) er lagaprófessor frá Münster (Þýskalandi), lektor við Münster Art Academy og atvinnuljósmyndari. Myndir hans hafa verið sýndar í Þýskalandi, Japan, Austurríki og Íslandi og eru skráðar í fjölmörgum myndabindum.