Maxímús heimsækir Hafnarfjörð

Lifandi tónlistarflutningur með sögunni um Maxa

Maximús Músíkús heimsótti Hafnarfjörð í lok síðustu viku. Kannski ekki í orðsins fyllstu en saga Maxa í máli og myndum og tónar hljómuðu í Hásölum í eyru hátt í 500 barna frá leik- og grunnskólum bæjarins og kennara þeirra. Sinfóníuhljómsveit Tónlistarskóla Hafnarfjarðar, undir faglegri stjórn Ármanns Helgasonar, sá um tónlistina og sögumaður var Björgvin Franz Gíslason. Maxímús Músíkús kom í heimsókn og nokkrir ungir einleikarar komu fram með hljómsveitinni. Maxímús Músíkús er forvitin lítil tónlistarmús með glatt hefur mörg börnin með sögum sínum og skemmtun en sagan „ Maxímus Músikus trítlar í tónlistarskólann“ var flutt að þessu sinni. Höfundur Maxabókanna er Hallfríður Ólafsóttir og Þórarinn Már Baldursson teiknaði myndirnir sem varpað var á skjá.

<sup>Sinfóníuhljómsveit Tónlistarskóla Hafnarfjarðar, undir faglegri stjórn Ármanns Helgasonar, sá um tónlistina.

Sögumaður var Björgvin Franz Gíslason.</sup>

^{Sinfoníuhljómsveit Íslands skipa u.þ.b 30 nemendur bæði strengja, blásara og slagverksnemendur.}

Sinfóníuhljómsveit Tónlistarskóla Hafnarfjarðar fagnar 6 ára afmæli í ár

Sinfóníuhljómsveit Hafnarfjarðar hóf göngu sína á vordögum 2016 við Tónlistarskóla Hafnarfjarðar og lék í fyrsta sinn opinberlega á vortónleikum 25. maí 2016 . Margrét Þorsteinsdóttir og Sigrún Kristbjörg Jónsdóttir eru Ármanni til aðstoðar. Hljómsveitina skipa u.þ.b 30 nemendur bæði strengja, blásara og slagverksnemendur. Hljóðfæraleikararnir eru komnir mislangt á hljóðfærin og eru flestöll tónverk útsett þannig að allir geti verið með. Í þessu Maxaverkefni hljómsveitarinnar voru framkölluð og spiluð allskyns hljóð og tónar auk þess sem flutt voru átta tónlistaratriði inn í sögunni um Maxamús svo úr varð litríkt tónlistarleikahús. Tvennir tónleikar voru í Hásölum Hafnarfirði og laugardeginum voru tvennir tónleikar fyrir þéttséttnum sal í Kaldalóni Hörpu. Þetta var því mikil Maxatörn! Hljómsveit, stjórnandi og einleikarar stóðu sig með glæsibrag og Björgvin Franz fór á kostum sem sögumaður að ógleymdri músinni sem dansaði sinn dans og gladdi börnin.