Minnum á árlegu keppnina í jólaskreytingum 2024
Nú skína jólaljósin skært. Jólabærinn Hafnarfjörður hvetur Hafnfirðinga og vini Hafnarfjarðar til þess að senda ábendingu um þau hús, þær götur og þau fyrirtæki sem þykja bera af í jólaskreytingunum í Hafnarfirði þetta árið.
Setjum upp jólagleraugun og bendum á þá sem bera af
Já, nú minnum við á að það stendur yfir keppni. Eins og sjá má hvert sem litið er hafa íbúar og starfsfólk fyrirtækja í Hafnarfirði tekið hvatningunni um að skreyta hús sín og fyrirtæki og lýsa upp skammdegið vel og nú styttist óðum til jóla.
Í jólabænum Hafnarfirði verða í desember veitt verðlaun fyrir:
- Best skreyttu íbúðarhúsin
- Best skreyttu götuna
- Best skreytta fyrirtækið
Hafnfirðingar og vinir Hafnarfjarðar eru hvattir til þess að setja upp stóru jólagleraugun og senda ábendingu um það sem þeim þykir bera af í jólaskreytingunum í Hafnarfirði þetta árið. Menningar- og ferðamálanefnd Hafnarfjarðar mun sjá um val á best skreytta húsinu.
Afhending viðurkenninga fer fram í Jólaþorpinu sunnudaginn 15. desember.
Sendu inn þína ábendingu
Komdu ábendingu þinni á framfæri með því að fylla út formið hér fyrir neðan til og með 10. desember. Þar með ábending um hús, götu eða fyrirtæki komin í jólapott bæjarins um best skreytta húsið, best skreyttu götuna eða best skreytta fyrirtækið.
Best skreytta húsið eða gatan