Oddrúnarbær – frábært tækifæri í Hellisgerði

Í bæjargarði Hafnfirðinga í Hellisgerði er staðsett lítið hús með salernisaðstöðu og fleiru. Hafnarfjarðarbær óskar eftir rekstraraðila að húsinu sem er um 20 fermetrar að stærð og byggt árið 1905. Húsið verður leigt rekstraraðila í því ástandi sem það er og gerður verður eins árs samningur um afnot leigutaka og lögð áhersla á að starfsemi í húsinu falli að stefnu bæjarins um að auka aðdráttarafl fyrir ferðamenn í bænum.

Leigusali þarf að hafa afnot af kjallara hússins og salernum vegna sumarvinnu starfsfólk. Húsnæðið skal að lágmarki vera með opnunartíma alla virka daga milli 10-16 á tímabilinu 1.júní til 1.september og á þeim tíma skal leigutaki vera á staðnum með sína starfsemi og aðgangur tryggður á almenningssalerni bæjarins.

Gerður verður verksamningur um afnot og skyldur aðila í samræmi við rekstur á húsinu, umsjón með almenningssalerni og almennri umhirðu í Hellisgerði og gert ráð fyrir að greitt verði fyrir slíka umsjón.

Mögulegir leigutakar sem eru með rekstur sem þeir telja að henta þessari staðsetningu skulu senda inn ítarlegar upplýsingar um starfsemi sína á netfangið menning@hafnarfjordur.is fyrir 15. apríl 2020.

Fasteignin er til sýnis í samráði við Ingibjörgu Sigurðardóttur garðyrkjustjóra í s: 664 5674.

Við mat á tilboðum verður sérstaklega litið til hugmynda sem taldar eru styrkja starfsemi og auka mannlíf í Hellisgerði.

Ef nánari upplýsinga er þörf skal leita eftir því með að senda tölvupóst á netfang menning@hafnarfjordur.is.