Opið fyrir skráningu á sumarnámskeið

Fjölbreytt námskeið fyrir 6-13 ára

Fjölbreytt námskeið og sumartómstund standa börnum og ungmennum á aldrinum 6-13 ára til boða á vegum Hafnarfjarðarbæjar sumarið 2024 þar sem áhersla er lögð á faglega þjónustu með uppeldisgildi frítímastarfs að leiðarljósi. Mikil áhersla er lögð á sköpun, samveru, útiveru, hreyfingu og leiki í öllu skipulögðu starfi sveitarfélagsins og þátttökugjaldi stillt í hóf. Á sérstakri upplýsingasíðu á vef Hafnarfjarðarbæjar er hægt að skoða ítarlegar upplýsingar um þau námskeið og sumartómstund sem í boði eru í sumar auk upplýsinga um Vinnuskóla Hafnarfjarðar.

Ítarlegar upplýsingar um sumarnámskeið og sumartómstund Hafnarfjarðarbæjar

Eftirfarandi er í boði

• Sumarfrístund fyrir útskriftarhópa leikskólanna (6 ára á árinu)
• Sumarfrístund fyrir 7-9 ára við alla grunnskóla
• SumarKletturinn fyrir börn í 9–13 ára með sértæka stuðningsþörf
• Tómstund fyrir 10-13 ára
• Skemmtileg og skapandi sumarnámskeið í Hafnarborg fyrir 6-12 ára
• Sumarlestur frá 1. júní – 31. ágúst á Bókasafni Hafnarfjarðar
• Vinnuskóli fyrir 14-17 ára ungmenni Hafnarfjarðar
• Annað íþrótta- og tómstundastarf í Hafnarfirði

Skráning á námskeið og í sumarfrístund á vegum Hafnarfjarðarbæjar

Tómstund.is

Í Hafnarfirði er boðið upp á fjölbreytta dagskrá fyrir börn og ungmenni yfir sumartímann. Á vefnum tomstund.is er hægt að skoða fjölbreytt námskeið og sumarfrístund sem eru í boði á vegum Hafnarfjarðarbæjar og annarra félaga og samtaka í Hafnarfirði.