Setbergsskóli sigraði í Veistu svarið
Setbergsskóli vann Veistu svarið, spurningakeppni félagsmiðstöðva Hafnarfjarðar í Bæjarbíói í gærkvöldi, og fékk farandbikarinn til sín.
Unglingarnir vissu svörin í Veistu svarið
Setbergsskóli vann Veistu svarið, spurningakeppni félagsmiðstöðva Hafnarfjarðar í Bæjarbíói í gærkvöldi. Setbergsskóli keppti við Áslandsskóla um sigursætið. Liðin áttu bæði frábæra spretti en Setbergsskóli seig snemma fram úr og hélt forystunni til enda.
Lið Setbergsskóla skipuðu:
- Reynir Örn Sigrúnarson
- Erla Lilja Ísleifsdóttir
- Júlían Ingi Ingibjörnsson
- Bjarni Snær Guðmundsson, sem sat hjá í þessari viðureign.
Lið Áslandsskóla skipuðu:
- Frímann Pálsson
- Þórður Júlíus Guðnason
- Haraldur Hrafn Þórðarson og
- Ninja Ýr Logadóttir sem sat hjá í þessari viðureign.
Keppnin er í anda Gettu betur og spurningarnar fjölbreyttar. Árni Stefán Guðjónsson, áfangastjóri í Flensborgarskóla, samdi spurningarnar og stýrði keppninni glæsilega. Stella Björg Kristinsdóttir og Tinna Dahl Christiansen voru stigaverðir.
Síðastliðin mánuð hafa verið undankeppnir verið haldnar. Fyrst var 8 liða keppni og eftir hana voru fjögurra liða undanúrslit, þar sem Víðistaðaskóli og Setbergsskóli tókust annas vegar á og Áslandsskóli keppti á móti Lækjaskóla.
Hafnarfjarðarbær óskar liði Setbergsskóla innilega til hamingju með sigurinn og þakkar öllum þátttakendum fyrir frábæra og líflega keppni.
Já, það sýndi sig enn og aftur í Bæjarbíó í vikunni að ungmenni Hafnarfjarðar eru endalaus uppspretta visku og gleði.