Skapandi sumarstörf – GOLA – Tónleikar í Hellisgerði

Flautudúettinn GOLA

Á vegum skapandi sumarstarfa hafa þær Svanhildur Júlía Alexandersdóttir og Hildur Arna Hrafnsdóttir ferðast um bæinn í allt sumar undir nafninu GOLA og spilað fagra tóna á þverflautur fyrir bæjarbúa. Meðal annars á Austurgötuhátíðinni á 17.júní, kaffihúsum, hjúkrunarheimilum og leiksskólum og kynnt þetta fallega hljóðfæri fyrir áhorfendum.

Stefna á að verða atvinnu flautuleikarar

„Við heitum Svanhildur og Hildur og erum þverflautu-dúettinn Gola. Við höfum verið að spila tónlist fyrir fólk um allan Hafnarfjarðarbæ í sumar. Við höfum báðar æft á flautu í um níu ár og stundum tónlistarnám við Menntaskólann í Tónlist. Við stefnum á að verða atvinnu flautuleikarar í framtíðinni.“

Listahátíð í Hellisgerði

Sjá tónleika viðburð á Facebook

Fylgjast með þverflautudúettnum á Instagram

UM SKAPANDI SUMARSTÖRF 2024

Sumarið 2021 ákvað Hafnarfjarðarbær í samstarfi við Ungmennahús bæjarins, Hamarinn, að endurvekja verkefnið “Skapandi sumarstörf” sem hafði verið starfrækt sumarið 2017. Þá bauðst einstaklingum og hópum á aldrinum 18-25 ára að koma með hugmyndir að skapandi verkefnum í Hafnarfirði. Valdir hópar fengu tækifæri til að starfa við ýmis skapandi verkefni á ýmsum sviðum lista sem einnig myndu lífga upp á mannlífið í bænum, gleðja ferðamenn og íbúa með einum eða öðrum hætti. Starfsfólki Skapandi sumarstarfa, sem rekið er sem hluti af Vinnuskóla Hafnarfjarðar er ætlað að glæða bæinn lífi, gera hann skemmtilegri, fallegri og fjölbreyttari með listrænum og skapandi uppákomum. Verkefnin eru fjölbreytt og höfða til mismunandi aldurshópa og áhugasviða. Klara Ósk Elíasdóttir er verkefnastýra Skapandi sumarstarfa.

Í ár eru sjö fjölbreyttir hópar og einstaklingar sem starfa á vegum skapandi sumarstarfa og verða þau kynnt vikulega í sumar.