Skapandi sumarstörf – Magnús

MAGNÚS TREVENEN DAVÍÐSSON / “Kids on Holiday”

Magnús Trevenen Davíðsson er lagahöfundur, gítarleikari og söngvari sem kallar sig listamannsnafninu “Kids on Holiday”. Verkefni Magnúsar í sumar var að leggja lokahönd á stuttskífu eða svo kallaða “EP” plötu þar sem hann semur öll lögin og tekur upp sjálfur. 

Götutónlist víðsvegar um bæinn

Magnús var áberandi í miðbæ Hafnarfjarðar þann 17. júní á Austurgötuhátíðinni þar sem hann söng og spilaði víðsvegar fyrir gesti og gangandi og sló í gegn þegar hann kom fram í kvöld dagskránni sama kvöld. Að auki hefur hann haldið um klukkutíma tónleika nokkrum sinnum í  sumar á Bókasani Hafnarfjarðar, við góðar viðtökur. 

Útgáfutónleikar í Ungmennahúsi Hamarsins

Útgáfutónleikar „Kids on Holiday“ voru svo haldnir á sviði Hamarsins síðastliðinn miðvikudag, 10. ágúst. Þar sem hann frumflutti lögin sem hann hefur unnið að allt í sumar fyrir gesti og aðdáendur, sem hluti af verkefni Skapandi Sumarstarfa Hamarsins og Hafnarfjarðar 2022 og verða lögin hluti af jómfrúarplötu hans sem kemur út í haust. 

 
Spennandi tímar framundan
Tónlistarmaðurinn heldur nú á vit ævintýranna, er hann flytur til Þýskalands þar sem hann mun hefja nám í virtum tónlistarskóla Berlínar, BIMM institute. 

Hann á því svo sannarlega framtíðina fyrir sér og verður spennandi að fylgjast með.