Hraunvallaleikskóli hefur sex deildir og er staðsettur á Völlunum í Hafnarfirði þar sem stutt er í ósnortna náttúru. Mjög gott samstarf er við Hraunvallaskóla en leikskólinn er í sama húsnæði og grunnskólinn. Sem dæmi fer elsti árgangur leikskólans reglulega í heimsóknir í fyrsta bekk og tekur þátt í starfinu þar. Skólabókasafnið er samnýtt af báðum skólum og elstu börnin okkar borða hádegismat með nemendum í matsal grunnskólans.
Leiðarljós í starfi leikskólans eru virðing, jöfn tækifæri og fjölmenning
Leikskólinn vinnur eftir hugmyndafræði John Dewey og einkennist leikskólastarfið af fjölmenningu þar sem lögð er áhersla á að sýna öllum virðingu; einstaklingnum, óháð kynjum, menningu og uppruna, þannig að allir hafi jöfn tækifæri til náms.
Hraunvallaleikskóli vann að þróunarverkefni um snemmtæka íhlutun síðastliðinn vetur og heldur það góða starf áfram hjá okkur. Í framhaldi af því erum við að innleiða vinnuferla sem kveðið er á um í nýjum lögum um samþættingu þjónustu í þágu farsældar barna. Tengiliður við foreldra vegna farsældarlaganna er Gréta Ýr Jóngeirsdóttir sérkennslustjóri.
Hraunvallaleikskóli hefur dyggðir í hávegum í öllu starfi og eru einkunnarorð okkar „Vinátta, samvinna og ábyrgð“ – gullnar reglur sem gilda í öllum samskiptum starfsfólks, barna og foreldra og endurspeglast í öllu skólastarfinu. Það samrýmist vel dyggðunum okkar að í vetur munum við stíga fyrstu skrefin í að innleiða „Barnvænt samfélag“ en það byggir á Barnasáttmála Sameinuðu þjóðanna og nýju farsældarlögunum. Í vetur stefnum við einnig að því að verða Heilsueflandi leikskóli sem er ákaflega spennandi verkefni.
Hagi
Holt
Hóll
Höfði
Norðurhlíð
Suðurhlíð
Stjórnendur
Guðbjörg Hjaltadóttir – Leikskólastjóri
Þorhildur Sif Þórmundsdóttir – Aðstoðarleikskólastjóri
Margrét Jensína Þorvaldsdóttir – Aðstoðarleikskólastjóri
Gréta Ýr Jóngeirsdóttir – Sérkennslustjóri
Eva Karen Ómarsdóttir – Deildarstjóri Hagi
Auður Huld Gunnarsdóttir – Deildarstjóri Holt
Gunnþórunn Elísa Eyjólfsdóttir – Deildarstjóri Hóll
Kristjana Ósk Ægisdóttir – Deildarstjóri Höfði
Róberta Sól Bragadóttir – Deildarstjóri Norðurhlíð
Íris Róbertsdóttir – Deildarstjóri Suðurhlíð
Svanhildur Ýr Sigþórsdóttir
Dagbjört Helga Daníelsdóttir
Sólveig Eirný Sveinsdóttir