Leikskólinn Víðivellir er fjögurra deilda skóli sem tók til starfa 28. febrúar 1977 og er fyrsti leikskólinn sem Hafnarfjarðarbær byggir og rekur. Heilbrigði og hollir lífshættir eru einkunnar orð skólans en einnig hefur skóli án aðgreiningar hefur verið eitt af sérkennum Víðivalla frá stofnun hans og er stór þáttur í uppeldismarkmiðum skólans.

Áhersla er lögð á að hvert barn fái að njóta sín sem einstaklingur. Öllum börnum er gefinn kostur á að þroskast og dafna hlið við hlið í leik og starfi óháð líkamlegu og andlegu atgervi þar sem þau læra hvert af öðru.  Einnig er lagt mikið upp úr markvissri hreyfingu sem og heilbrigðu líferni. Öll börn fara í skipulagðar íþróttir einu sinni í viku þar sem boðið er upp á alhliða æfingar auk þess sem rúmur tími er gefinn til útiveru.