Stofnframlag til Brynju til kaupa á 10 íbúðum

Brynja og Hafnarfjarðarbær undirrita samning um íbúðir í
Hafnarfirði

Brynja, hússjóður Öryrkjabandalags Íslands, og
Hafnarfjarðarbær hafa undirritað samning um stofnframlag til kaupa á íbúðum í
Hafnarfirði. Samningurinn gildir um kaup á allt að tíu almennum íbúðum.
Stofnvirði kaupáætlunar Brynju nemur alls 562 milljónum króna og nemur stofnframlag
Hafnarfjarðarbæjar ríflega 67 milljónum króna.

^{Rósa Guðbjartsdóttir, bæjarstjóri Hafnarfjarðar, og Guðbrandur Sigurðsson, framkvæmdastjóri Brynju, undirrituðu samninginn.}

Brynja á og rekur íbúðir fyrir öryrkja

Hlutverk Brynju er að eiga og reka íbúðir fyrir öryrkja.
Almennum íbúðum Brynju er úthlutað til leigjenda sem eru undir skilgreindum
tekju- og eignarmörkum og er farið eftir því hversu lengi viðkomandi aðili
hefur verið á biðlista eftir íbúð.

Sjá lið 8 í fundargerð bæjarstjórnar Hafnarfjarðar 4. maí 2022