Styrkir vegna náms og tækjakaupa fatlaðs fólks

Styrkir vegna námskostnaðar og búnaðar

Hafnarfjarðarbær vekur athygli á möguleika fatlaðs fólks sem þarfnast sértæks stuðnings vegna fötlunar sinnar til að sækja um styrki skv. 25. grein laga nr. 38/2018 um þjónustu við fatlað fólk með langvarandi stuðningsþarfir.

Opið er fyrir umsóknir frá 1. september

Styrkurinn er ætlaður til félagslegrar hæfingar og endurhæfingar sem miði að því að auðvelda fötluðu fólki að skapa sér atvinnu. Forsendur fyrir styrknum eru að eiga lögheimili í Hafnarfirði, hafa náð 18 ára aldri og vera með varanlegt örorkumat. Umsóknarfrestur er þrjár vikur og skulu umsóknir afgreiddar innan þriggja vikna að loknum umsóknarfresti.

Sveitarfélögum er heimilt að veita styrk til greiðslu námskostnaðar sem ekki er greiddur samkvæmt ákvæðum annarra laga. Einnig er heimilt að veita styrk til verkfæra- og tækjakaupa vegna heimavinnu eða sjálfstæðrar starfssemi að endurhæfingu lokinni enda teljist starfssemin hafa gildi sem félagsleg hæfing eða endurhæfing sem miði að því að auðvelda fötluðu fólki að skapa sér atvinnu.

Hér er sótt um styrk fyrir námskostnaði.

Styrkur vegna verkfæra- og tækjakaupa hér.