Automatic translation by Google Translate. We cannot guarantee that it is accurate.

Heitir pottar, sundlaug og rennibrautir í Suðurbæjarlaug

Ákveðnar takmarkanir eru eins og stendur á útisvæði vegna framkvæmda við laugina. Opið er í inni- og útilaug ásamt þremur heitum pottum, en lokað í útiklefa, rennibrautir og útivaðlaug.

Suðurbæjarlaug er gamalgróin laug með fallegum sundlaugargarði á besta stað í bænum.

Laugin og aðstaðan

Í Suðurbæjarlaug er 12,5 x 25 metra útisundlaug sem er samtengd við sérhannaða kennslulaug innandyra sem er einnig góð barnalaug. Úti eru þrír heitir pottar, vatnsgufa, bunusveppur í vaðlaug, tvær vatnsrennibrautir og tvö köld kör með mismunandi hitastigi. Vinsæll göngustígur liggur um sundlaugargarðinn.

Í kjallara Suðurbæjarlaugar eru búningsklefar og Gym heilsa líkamsrækt. Sérstakir búningsklefar með sánaklefum fyrir karla annars vegar og konur hins vegar eru við hlið hefðbundinna búningsklefa. Á útisvæði eru einnig búningsklefar undir berum himni.

Í lauginni er hefðbundið skólasund, sundæfingar SH, ungbarnasund og vatnsleikfimi. Í húsnæði laugarinnar starfa þrír nuddarar.

Saga Suðurbæjarlaugar

Suðurbæjarlaug hefur notið mikilla vinsælda frá fyrsta degi, en hún var var formlega tekin í notkun þann 28. október 1989. Hönnuður sundlaugarinnar er Sigurþór Aðalsteinsson arkitekt.

Fjöldi fastagesta á öllum aldri nýtur þess allt árið um kring að mannvirkið var hannað í upphafi  af vandvirkni og framsýni ásamt því að stór garður með mikið af sígrænum trjám umlykur sundlaugarsvæðið og veitir skjól allt árið um kring.

Sundlaugar

Sundlaugar í Hafnarfirði kr.
Eitt skipti barna (0–17 ára) Frítt
Eitt skipti eldra fólks (67 ára og eldri) Frítt
Eitt skipti fullorðinna (18–66 ára) 850
Eitt skipti í sánaklefa 1000
Sánaklefi fyrir korthafa 170
Leiga á sundfötum eða handklæði 750
Leiga á sundfötum og handklæði 1000
Punktakort (gilda í 2 ár)
10 punkta sundkort fullorðinna 4.200
10 punkta kort í sund- og sána 4.950
30 punkta sundkort fullorðinna 11.340
6 mánaða kort
Sundkort fullorðinna 16.425
Kort í sund og sánaklefa 19.685
Árskort
Árskort fullorðinna 29.000
Árskort í sund og sánaklefa 34.422
Ábendingagátt