Teboð fyrir bæjarstjórn

Ungmennaráð Hafnarfjarðar hélt teboð fyrir bæjarstjóra og bæjarstjórn fyrir bæjarstjórnarfund á miðvikudaginn. Í teboði voru viðraðar þær tillögur sem komu fram á Ungmennaþingi 2017 ásamt því að ræða um stöðu ungs fólks í Hafnarfirði en Ungmennaráð hélt ungmennaþingið í lok janúar undir yfirskriftinni: Nýtt ár! Nýr Hafnarfjörður. Markmið með teboði var að fá betri tilfinningu fyrir þeim hugmyndum sem fram komu á þinginu, ræða möguleika þeirra og leiðir með það fyrir augum að vinna þær betur áður en hugmyndir verða formlega lagðar fyrir bæjarstjórn og í framhaldinu fjölbreytt ráð Hafnarfjarðarbæjar. Formleg kynning á tillögur og hugmyndum fer fram í Hafnarborg í byrjun júní.

Í urðu þrjú umræðuefni sérstaklega fyrir valinu: Skólamál, forvarnir og skipulag/umhverfi og að lokum félagslíf og menning. Meðfylgjandi eru hugmyndir sem fram komu á þingi hafnfirskra ungmenna og verið er að ræða og ramma betur inn fyrir frekari kynning.

Forvarnir og umhverfi

• fleiri ruslatunnur
• kolefnisskattur á stóriðju
• skólabíll
• eitthvað fyrir unglingadeildina
• fyrirlestrar. Fólk sem kemur og fræðir okkur (kynlíf, fíkniefni)
• hjúkka að gefa smokka frítt
• hafa lokaður ruslatunnur inná KVK klósettum til að setja dömubindi og túrtappa
• hafa dömubindi og túrtappa til staðar
• fá skólahreystibraut á skólalóðina
• láta bæði kynin vera saman í smiðjum
• meira námsefni sem byggist á persónulegum skoðunum frekar en staðreyndum
• tala meira um kvíða og þunglyndi. Fá einhvern sem hefur reynslu til að koma í skólana
• wi-fi í strætó
• tala meira um kynþroskaskeiðið!
• hafa meiri smokkafræðslu
• henda í ruslið!
• fyrirlestrar um forvarnir
• frí dömubindi og túrtappar á almenningsbaðherbergi
• frí dömubindi, túrtappa og smokka!
• dömubinda og túrtappa sjálfsali
• fría smokka
• frí dömubindi í alla skóla. Karfa af dömubindum, túrtappasjálfsali, túrkort, 10 kr
• tala meira um kvíða og þunglyndi við krakkana
• lokaðir básar á skólaklósett
• skautasvell bakvið fjörðinn
• láta leiðir 43 og 44 ganga lengur. Tala við Strætó
• fleiri strætó stoppistöðvar á holtið
• vantar fleiri ljósastaura

Skólamál

• hollari matur í skólanum
• að hafa ávaxtabar í frímínútum
• hvíldartími
• hætta með Skólaask
• læra meira í tölvum
• nýja bolta
• Ipadar í skólann
• hvíldarstund
• mega spila tónlist í frímínútum/mat
• betri stóla
• minna heimanám
• uppfæra klósettin
• betra félagslíf í skólum
• gera eitthvað varðandi plássleysi í Hraunvallarskóla
• betri sófa í Lækjó
• skólasund val eftir 8. bekk
•  færri próf ! Fleiri verkefni !
• sjálfsvörn kennd í skóla
• farið betur yfir prófefni !
• þægilegri sófa
• fjölbreyttari salatbar
• betri kennsla í tímum
• tónlistargerð sem val
• grunnskólar kenni það sem þarf, actually að nota í lífinu. T.d. að versla í matinn
• hætta með a,b,c kerfið. Einkunnir frekar
• fjölbreyttari skólaíþróttir
• fleiri ferðalög
• betri aðstaða fyrir unglinga í Hraunvallaskóla
• vera með tyggjó í tíma
• bekki fyrir utan stofur svo við þurfum ekki að sitja á gólfinu

Félagslíf og menning

• skólarnir gera meira saman
• skemmtilegar ferðir með öðrum skólum
• fara í Sirkus Íslands
• betri borðtennisborð + spaða og kúlur
• fleiri böll
• lækka verð á strætómiðum
• hærri laun fyrir unglinga
• ódýrara í strætó og sund
• bæta samgöngur í Bláfjöllum
• fleiri stoppistöðvar í Hvömmunum
• gera fleiri rampa fyrir hjólabretti
• fara á Hvaleyrarvatn árlega til að grilla
• fara í skíðaferðalag
• skautasvell í Hafnarfirði
• fleiri viðburði
• sápurennibraut á sumrin
• betri böll
• hvað er ást
• rampa fyrir hjóla og hjólabretti
• kvikmynda, listgreinar, klúbbar, skólagreinar
• bíó í Hafnarfjörð