Þekkingardagurinn 2025 – Hafnfirsk fyrirtæki opna dyrnar 

Þekkingardagurinn 2025

„Ég er mjög spennt fyrir þessum fyrsta Þekkingardegi,“ segir Þóra Hrund Guðbrandsdóttir, framkvæmdastjóri Markaðsstofunnar, um það þegar fjöldi hafnfirskra fyrirtækja tekur á móti gestum og gangandi á fyrsta Þekkingardeginum sem Markaðsstofan heldur á laugardaginn næsta á milli kl. 11-15.

„Markmiði með deginum er að kynna þau fjölmörgu flottu og frábæru fyrirtæki sem eru með starfsemi hér í Hafnarfirði. Eins listamenn og sjálfstætt starfandi. Þetta er öll flóran, frá þeim sem starfa sjálfstætt og yfir í stærri fyrirtæki,“ leggur hún áherslu á.

Meðal þátttakenda eru:

• Bjarni Sig sem opnar keramik-vinnustofuna sína
• Feel Iceland með pop-up á Thorsplani
• Íshestar bjóða í heimsókn
• Kvennastyrkur bíður á opna æfingu
• Herjólfsgufan verður með gusu fyrir gesti
• Margt fleira er í boði eins og dagskráin sýnir

„Við viljum sýna fjölbreytileikann í atvinnulífinu og hve mörg fyrirtæki eru að gera frábæra og spennandi hluti,“ segir Þóra. „Það er svona gaman að fá tækifæra til að skyggnast á bakvið tjöldin og sjá hvernig fyrirtæki vinna, kynnast eigendunum og fólkinu á bakvið fyrir fyrirtækin.“

Þóra segir flesta viðburði opna öllum en mikilvægt sé að skrá sig til dæmis til að taka þátt í gusunni í Herjólfsgufunni.

„Hver og einn mun finna eitthvað við sitt hæfi,“ segir Þóra Hrund.

• Finndu dagskrána hér.