Tónlistarskólar

Í Tónlistarskóla Hafnarfjarðar er hægt er að læra á:

• píanó
• hljómborð
• orgel
• harmóniku
• gítar
• bassa
• slagverk
• öll helstu strengja-, tréblásturs- og málmblásturshljóðfæri

Í skólanum er einnig starfandi söngdeild.

Samhliða hljóðfæranámi læra nemendur tónfræði, tónheyrn, hljómfræði og tónlistarsögu. Áhersla er lögð á samspil og í skólanum starfar sinfóníuhljómsveit, strengjasveitir, tvær lúðrasveitir, stórsveit og margir minni samspilshópar.

Yngstu börnin

Í Tónlistarskólanum er forskóladeild fyrir börn á aldrinum 6–9 ára. Markmiðið er að búa nemendur undir hljóðfæranám með markvissri þjálfun í hryn-, nótnalestri og almennri tónfræði. Í kennslustundum er sungið, dansað og leikið á ýmis ásláttarhljóðfæri og kennt á blokkflautu.

Í skólanum er einnig kennt Suzuki-nám þar sem börn byrja 3–6 ára. Hver nemandi sækir 30 mínútna einkatíma einu sinni í viku og 60 mínútna hóptíma einu sinni í viku þar sem 5 nemendur spila saman.

Rytmísk deild

Tónkvísl er rytmískur deild innan Tónlistarskóla Hafnarfjarðar þar sem mikil áhersla er lögð á spuna og samspil. Auk þess að fá hljóðfæratíma sækja nemendur samspilstíma. Í Tónkvísl læra nemendur helst á rafgítar, rafbassa, hljómborð, djasspíanó, slagverk og einstök blásturshljóðfæri.