Um jólatré og flugeldarusl

Jólatré

Af gefnu tilefni vill Hafnarfjarðarbær vekja athygli á því að starfsfólk bæjrins hirðir ekki jólatré frá íbúum eftir jólahátíðina. Bent er á að íþróttafélög og félagasamtök eru í dag farin að bjóða upp á þá þjónustu að sækja jólatré heim að dyrum á ákveðnum degi gegn gjaldi sem lið í fjáröflun sinni.

• Körfuknattleiksdeild Hauka sækir jólatréð heim að dyrum í Hafnarfirði eftir kl. 18 föstudaginn 6. janúar 2024. Körfuknattleiksdeild Hauka býður Hafnfirðingum upp á að láta sækja jólatréð heim að dyrum eftir jólin og láta endurvinna það um leið í samvinnu við Terra. Til að skrá sig þarf að panta þjónustuna og greiða fyrir hana á körfubolti.is fyrir miðnætti 5. janúar. Tréð er sett út fyrir lóðarmörk / út í garð um kl. 18 þann 6. janúar og Haukar sækja það seinna sama kvöld. Nánari upplýsingar gefur Stefán í síma: 525-8703 á skrifstofutíma.
• ÍH býður einnig upp á þessa þjónustu og íbúar eru beðnir um að setja inn upplýsingar við Facebook færslu. Tvær dagsetningar eru í boði 6. janúar frá 12-16 og 7. janúar 12-16.

Upplýsingar um önnur íþróttafélög sem sinna þessari þjónustu eru vel þegin. Sendið upplýsingar á hafnarfjordur@hafnarfjordur.is.

Sorpa tekur einnig á móti öllum trjám eftir hátíðarnar – opnunartíma Sorpu er að finna hér

Flugeldarusl

Eftir áramótin er flugeldarusl oft áberandi í bænum. Brýnt er fyrir bæjarbúum að koma þessu rusli á endurvinnslustöðvar en það má ekki fara í tunnurnar. Sama gildir með ósprungna flugelda, þeir eiga að fara í spilliefnagáminn á Sorpu. Upplýsingar um flokkun efna frá jólahátíðinni má finna á vef Sorpu.