Umsjón og rekstur Bæjarbíós

Hafnarfjarðarbær auglýsir eftir áhugasömum aðilum til að taka að sér rekstur Bæjarbíós undir lifandi menningarstarfsemi og annað sem styrkir rekstur hússins. 

Umsóknir verða metnar á grundvelli eftirfarandi þátta:

• Að starfsemin efli menningarlíf í Hafnarfirði
• Að fjölþætt menningarstarfsemi sé í húsinu árið um kring og að skipuleggjendur menningarstarfs geti nýtt sér aðstöðuna á sanngjörnum kjörum
• Rekstraráforma þar sem saman geta farið veitingasala, samkomur og annað sem styrkir rekstrarforsendur hússins
• Að starfsemin samræmist stefnu bæjarins um varðveislu hússins

Með umsókn bjóðenda skal fylgja greinagerð um:

• Fyrirhugaða menningarstarfsemi og framtíðarsýn um Bæjarbíó
• Reynslu umsækjanda af menningarstarfsemi og skyldum rekstri
• Viðskiptamódel þar sem fram kemur fjármögnun
• Upplýsingar um markhóp og markaðssetningu

Umsækjendur sem sækjast eftir því að taka rekstur Bæjarbíós að sér þurfa að vera skuldlausir við Hafnarfjarðarbæ, í skilum með opinber gjöld og greiðslur til lífeyrissjóða.  Menningar- og ferðamálanefnd leggur mat á umsóknir og gerir tillögu að niðurstöðu til bæjarráðs. Samið verður til þriggja ára með möguleika á framlengingu í allt að þrjú ár til viðbótar.

Skilmála og útboðslýsingu er að finna hér

Nánari upplýsingar verða veittar á kynningarfundi í Bæjarbíó miðvikudaginn 5. október kl. 11:00.

Skilafrestur umsókna er til og með 12. október 2016 kl. 12:00.

Umsóknarform á MÍNUM SÍÐUM