Kammerkór Hafnarfjarðar, Ungmennakórinn Bergmál, Unglingakór Hafnarfjarðarkirkju og Kór Öldutúnsskóla ásamt einsöngvurum, píanóleikurum og slagverkssveit flytja stórvirkið Carmina Burana á tónleikum í íþróttahúsinu við Strandgötu í Hafnarfirði sunnudaginn 6. apríl kl. 17:00.
Carmina Burana er kvæðasafn sem safnað er saman í tónaflokk um fallvaltleika gæfunnar. Kvæðin eru úr handriti frá 13. öld og eru eftir mörg skáld, sem er öll eru nafnlaus eins og höfundar Íslendingasagna. Sum eru kvæðin á latínu, önnur á þýsku og ljóst að höfundar verið stundum léttir á bárunni ef marka má innihald kvæðanna. Tónskáldið Carl Orff (1895-1982), raðaði saman kvæðum úr þessu safni og tónsetti. Verkið verður sett upp í uppfærslu fyrir 2 píanó, slagverkssveit, einsöngvara, barnakór, og kór.
Flytjendur í þessari uppfærslu eru Kammerkór Hafnarfjarðar, Ungmennakórinn Bergmál, Unglingakór Hafnarfjarðarkirkju, Kór Öldutúnsskóla og einsöngvararnir Bryndís Guðjónsdóttir sópran, Þorsteinn Freyr Sigurðsson tenór og Jón Svavar Jósefsson baritón, ásamt píanó og slagverkssveit. Stjórnandi er Kári Þormar.
Tónlistarskólinn á 75 ára afmæli Tvennir 75 ára afmælistónleikar. Tónlistarskóla Hafnarfjarðar verða haldnir 5. apríl í íþróttahúsinu við Strandgötu. Annars…
