Opið hús verður miðvikudaginn  20. ágúst nk. frá kl. 9 til 15 að Norðurhellu 2, 221 Hafnarfirði. Þar verður hægt að kynna sér tillögu að breyttu deiliskipulagi Suðurhafnar vegna lóðanna Óseyrarbraut 1 og 3. Frestur til að skila inn athugasemdum er til 1. september 2025.

Nálgast má gögn deiliskipulagsbreytingarinnar á vef skipulagsgáttar mál nr.1007/2025 (skipulagsgatt.is) Athugasemdir eða ábendingar skulu berast með rafrænum hætti í gegnum skipulagsgátt.

Bæjarráð Hafnarfjarðar í umboði bæjarstjórnar samþykkti á fundi sínum þann 10. júlí 2025 að auglýsa tillögu að breytingu á deiliskipulagi Suðurhafnar vegna lóðanna Óseyrarbraut 1 og 3.

Tillagan gerir ráð fyrir að á lóðunum rísi 3-6 hæða byggingum fyrir 123 íbúðir ásamt leikskóla og rými fyrir verslun og þjónustu.