Gerum Vellina græna

Gullfalleg græn svæði, hverfagarðar, göngustígar og líf verða kynnt á fundi í fyrirlestrarsal Hraunvallaskóla, mánudaginn 31. mars 2025 kl. 17. Markmiðið er Grænkun Valla. Íbúar fá þá að sjá þær hugmyndir sem liggja á borðinu til að gera hverfið enn betra.

Landslag arkitektar hafa unnið að góðum hugmyndum. Þar fær óhreyft hraunið að njóta sín en inn á milli gert ráð fyrir göngustígum, sleðabrekkum, rennibrautum, sem og svæðum þar sem hægt er að leggjast í stórmöskva net með bók í hönd. Já, sjón er sögu ríkari.

• Hvert er fundarefnið? Grænkun Valla
• Hvar? Hraunvallaskóli, fyrirlestrarsal
• Hvenær? 31. mars 2025 kl. 17
• Hver tekur til máls? Inga Rut Gylfadóttir, landslagsarkitekt frá Landslagi ehf, kynnir tillögurnar og Guðbjörg Oddný Jónasdóttir, formaður umhverfis- og framkvæmdaráðs, stýrir fundi.