Fjölbreytileiki er forsenda framfara og styrkur samfélagsins
Fjölbreytileiki er forsenda framfara og með því að fagna fjölbreytileikanum sköpum við heilbrigðara samfélag fyrir okkur öll. Hafnarfjarðarbær fagnar fjölbreytileikanum og mun halda áfram að ryðja veginn í átt að fullu jafnrétti og virðingu. Hafnarfjarðarbær mun, líkt og oft áður, taka þátt í hápunkti Hinsegin daga, sjálfri Gleðigöngunni þar sem hinsegin fólk sameinast í ákalli um litríkara samfélag og fram fer laugardaginn 10. ágúst kl. 14. Hinsegin hittingar í Hafnarfirði og jafningjafræðsla Vinnuskóla Hafnarfjarðar standa að framkvæmdinni og hvetja íbúa, starfsfólk Hafnarfjarðarbæjar og öll áhugasöm til að fjölmenna og taka þátt í göngunni undir merkjum Hafnarfjarðarbæjar.
Frelsi til að elska. Frelsi til að vera. Frelsi til að blómstra í sínu. Frelsi til að fagna
Gengið verður frá Hallgrímskirkju kl. 14 en mæting fyrir þau sem vilja ganga í hópi Hafnarfjarðarbæjar er kl. 12:30. Á staðnum verða fánar og skraut í takmörkuðu magni þannig að fyrstir koma, fyrstir fá!
Er hjólið klárt fyrir sumarið? Hjólreiðafélagið Bjartur í samvinnu við Heilsubæinn Hafnarfjörð verður með viðgerðardag á Thorsplani þar sem Hafnfirðingum…
