Föstudaginn 4. september kl. 20:00 

Komdu og syngdu með undir berum himni í Hellisgerði þegar Guðrún Árný leiðir sannkallað HamingjuSöngpartý á Hamingjudögum í Hafnarfirði. 

Söngur, samvera og gleði fara vel saman og á þessu kvöldi gefst tækifæri til að sleppa fram af sér beislinu, syngja af hjartans lyst og njóta góðrar stemningar í einstöku umhverfi. Rannsóknir hafa sýnt að söngur getur aukið vellíðan, dregið úr streitu og styrkt samfélagsandann og því er söngpartýið tilvalin leið til að fylla á orkuna og gleðina. 

Hvort sem þú syngur alla daga eða aðeins í sturtunni þá ertu hjartanlega velkomin(n) að taka þátt. 

Komdu með góða skapið, taktu lagið með okkur og njóttu kvöldstundar fullrar af söng, gleði og samveru í Hellisgerði!