Umhverfisnefnd/Staðardagskrá 21

Almenn erindi

• 0803116 – Fráveita, reglugerð/samþykktir

  Lögð fram drög að reglugerð/samþykktum fyrir fráveituna. Umsjónarmaður fráveituframkvæmda gerði grein fyrir drögunum. Framkvæmdaráð óskaði eftir umsögn umverfisnefndar/Staðardagskrár 21, á fundi þann 17.03.2008.

  UHN/SD 21 þakkar Kristjáni fyrir kynninguna. Umsögn verður lögð fram á næsta fundi.

• 0702097 – Hamranesnáma, mat á umhverfisáhrifum

  Úrskurður Skipulagsstofnunar vegna fyrirspurnar um matskyldu aukinnar efnistöku úr Hamranesnámu lagður fram.

  Lagt fram.%0DNefndin hvetur Hafnarfjarðarbæ og aðra þá sem að framkvæmdinni koma að viðhafa þá verktilhögun og mótvægisaðgerðir sem kynnt hafa verið við meðferð málsins og vöktun á aðgerðum og áhrifum þannig að framkvæmdin sé ekki líkleg til að valda verulegum og óafturkræfum áhrifum á umhverfið.

• 0803060 – Setberg, íbúðagötur verði vistgötur

  Árni Gunnarsson óskar eftir því með bréfi dags. 06.03.2008, að íbúðargötur í Setbergi verði breytt í vistgötur með 15km hraðatakmörkum.%0DSkipulags- og byggingarfulltrúi vísaði erindinu til umsagnar framkvæmdasviðs og umhverfisnefndar/staðardagskrár 21.

  Umsögn Umhverfisnefndar/Staðardagskrá 21:%0D%0DVistgötur eru skilgreindar í umferðarlögum nr. 50/1987 sem götur þar sem dveljast má og vera að leik, þar skal aka mjög hægt, að jafnaði ekki hraðar en 15 km á klst. Ökumaður skal sýna gangandi vegfarenda sérstaka tillitsemi og víkja fyrir honum en að sama skapi má gangandi vegfarandi ekki hindra för ökutækis að óþörfu. Eigi má leggja ökutækjum nema á sérstaklega merktum svæðum.%0DMiðað við þessa skilgreiningu verður ekki annað séð en að vistgötur falli vel að hugmyndafræði sjálfbærrar þróunar. Hér eru nefnd nokkur atriði til frekari stuðnings.%0D%0DVistgötur stuðla að lægri umferðarhraða sem leiðir af sér að minni brennslu á eldsneyti við akstur bifreiða um göturnar. Af því leiðir að útblástur frá bílum minnkar og hefur það jákvæð áhrif á loftgæði í nærumhverfi, m.a. vegna minni losunar sóts og agna. Betri loftgæði eru tvímælalaust jákvæð fyrir íbúa og gesti þeirra. Ennfremur þýðir minni útblástur að minna er losað af lofttegundum sem valda gróðurhúsaáhrifum á heimsvísu.%0D%0DHægari umferð eykur öryggi allra, gangandi, hjólandi og akandi. Ökumenn eiga að geta metið aðstæður betur og hafa einnig rýmri tíma til að bregðast við og afstýra hættu. Þá minnkar stöðvunarvegalengd bifreiða. Aukið öryggi hefur jákvæð áhrif fyrir íbúa. %0D%0DHægari umferð um vistgötur opna göturnar fyrir gangandi og hjólandi umferð. Það ætti að hvetja íbúa til að fara meira um gangandi eða hjólandi og gera þær samgöngur jafnrétt háar akandi.%0D%0DÍ vistgötum er ennfremur heimilt að nýta göturnar til leiks. Í síðustu árum virðist sem dregið hafi úr hreyfingu og útiveru hjá börnum og þykir það slæm þróun. Ef færi gefst til að nýta nærumhverfi íbúa/barna til leikja verður það vonandi til að hvetja til aukinnar útiveru og hreyfingar og er því jákvætt. Auk þess kallar útivera íbúa og leikur barna útivið á samskipti þeirra í millum sem styður við félagslegan þroska og félagfærni sem einnig er jákvætt. Vistgötur geta þannig ýtt undir aukin samskipti íbúa sem aftur ýtir undir myndun hverfasamfélags sem getur haft ýmis jákvæð áhrif t.d. félagslega, með aukinni samstöðu íbúa og e.t.v. íbúavakt. %0D%0DEkki verður betur séð en að það falli ágætlega að hverfinu sjálfu að þar verði vistgötur, botnlangar yfirleitt stuttir, hverfið nokkuð vel afmarkað og aðrar aðstæður virðast ágætar, út frá þeim sjónarmiðum sem horft er til hér.%0D%0DUmhverfisnefnd/Staðardagskrá tekur því jákvætt í að húsagötur í Setbergshverfi verði gerðar að vistgötum. %0DNefndin leggur einnig til að unnar verði tillögur að vistgötum í öðrum hverfum bæjarins.%0D