Lýðræðis- og jafnréttisnefnd

Almenn erindi

• 0701205 – Nýbúaútvarp.

  Halldór Árni, forstöðumaður fjölmiðladeildar mætti til fundarins og gerði grein fyrir stöðu verkefnisins.%0D%0D

  Lýðræðis- og jafnréttisnefnd felur lýðræðis- og jafnréttisfulltrúa að kalla eftir afstöðu Alþjóðahúss vegna aðkomu þeirra að verkefninu fyrir næsta fund.

• 0802001 – Barnaverndarmál, framkvæmdaáætlun

  Lögð fram drög að framkvæmdaáætlun í barnaverndarmálum en óskað hefur verið eftir umsögn lýðræðis- og jafnréttisnefndar um áætlunina.

  Frestað til næsta fundar.

• 0802095 – Þjónustuver, þjónusta við innflytjendur.

  Lýðræðis- og jafnréttisnefnd samþykkir að vísa eftirfarandi tillögu til bæjarráðs: %0D“Bæjarráð samþykkir að í þjónustuveri Hafnarfjarðarbæjar starfi þjónustufulltrúi sem sinnir sérstaklega málefnum innflytjenda og þjónustu við þá.“

• 0802004 – Alþjóðahús, þjónustusamningur 2008

  Lýðræðis- og jafnréttisfulltrúi upplýsti um samþykkt fjölskylduráðs fyrir framlengingu þjónustusamnings við Alþjóðahús til eins árs. Jafnframt lagði ráðið til að lýðræðis- og jafnréttisfulltrúi yrði fulltrúi Hafnarfjarðarbæjar í samstarfsráði skv. samningnum.

• 0802124 – Grundtvig verkefni, umsókn.

  Lögð fram umsókn um þátttöku lýðræðis- og jafnréttisnefndar í evrópska Grundtvig-verkefninu.