Bæjarstjórn

Almenn erindi

• 2311350 – Straumhella 5, umsókn um lóð

  6.liður úr fundargerð bæjarráðs frá 30.nóvember sl.
  Lögð fram umsókn KB Verk ehf. um lóðina nr. 5 við Straumhellu.

  Samþykkt og vísað til bæjarstjórnar til staðfestingar.

  Samþykkt samhljóða.

• 2208659 – Fjárhagsáætlun Hafnarfjarðarkaupstaðar og fyrirtækja hans 2023 og 2024-2026

  2.liður úr fundargerð bæjarráðs frá 30.nóvember sl.
  Lagður fram viðauki II. Helga Benediktsdóttir sviðsstjóri fjármálasviðs mætir til fundarins.

  Bæjarráð samþykkir framlagðan viðauka og vísar í bæjarstjórn til staðfestingar.

  Til máls tekur Valdimar Víðisson. Til andsvars kemur Guðmundur Árni Stefánsson. Valdimar svarar andsvari. Guðmundur Árni svarar andsvari öðru sinni.

  Þá tekur Rósa Guðbjartsdóttir til máls. Guðmundur Árni kemur til andsvars sem Rósa svarar.

  Samþykkt samhljóða.

  Jón Ingi Hákonarson kemur að svohljóðandi bókun:

  Bæjarfulltrúi Viðreisnar bókar eftirfarandi
  Fulltrúi Viðreisnar hefur þungar áhyggjur af rekstri F.H. Það er ljóst að taka þarf út rekstur félagsins til að fá skýra mynd af vandanum. Stuðningur Viðreisnar við þennan björgunarpakka er háður því að óháður aðili taki út reksturinn og skili ítarlegri skýrslu til bæjarstjórnar ekki síðar en í maí 2024.

  Einnig telur bæjarfulltrúi það mikilvægt að farið verði í gagngera endurskoðun á leyfum og heimildum íþróttafélaga til byggingaframkvæmda. Við teljum það vera mikilvægt ef við ætlum að viðhafa ábyrga fjármálastjórn hér í Hafnarfirði

• 1502214 – Markaðsstofa Hafnarfjarðar

  Sjálfstæðisflokkur og Framsókn leggja fram eftirfarandi tillögu:
  Bæjarstjórn samþykkir að samningur við Markaðsstofu Hafnarfjarðar hækki um 1,2 milljónir króna á árinu 2024 og að gerður verði tveggja ára samningur við félagið.
  Tillögunni verði vísað til viðaukagerðar ársins 2024

  Til máls tekur Valdimar Víðsson. Guðmundur Árni Stefánsson kemur til andsvars. Valdimar svarar andsvari. Guðmundur Árni kemur til andsvars öðru sinni sem Valdimar svarar.

  Þá tekur Jón Ingi Hákonarson til máls. Einnig Árni Rúnar Þorvaldsson.

  Samþykkt samhljóða.

  Jón Ingi Hákonarson kemur að svohljóðandi bókun:

  Fulltrúi Viðreisnar bókar

  Viðreisn lagði til aukinn stuðning við Markaðsstofu Hafnarfjarðar. Við teljum mikilvægt að Markaðsstofan haldi úti einum starfsmanni í fullu starfi. Tengslanet fyrirtækja í hafnfirska efnahagssvæðinu skiptir miklu máli. Þetta er mikilvægur hlekkur þegar kemur að markaðsetningu bæjarins sem gott og aðlaðandi atvinnusvæði. Bærinn borgar 14 milljónir á ári í nýstofnaða Áfangastofu Höfuðborgarsvæðisisn án sýnilegs ávinnings. Því eru það vonbrigði að ekki sé hugað að markaðsstarfi í heimabyggð.

  Árni Rúnar Þorvaldsson kemur að svohlóðandi bókun:

  Bæjarfulltrúar Samfylkingarinnar leggja fram eftirfarandi tillögu:

  Bæjarfulltrúar Samfylkingarinnar styðja aukinn stuðning við Markaðsstofu Hafnarfjarðar þó hér sé alls ekki nógu langt gengið. Við lýsum hins vegar furðu sinni á því að meirihluti Framsóknar- og Sjálfstæðisflokks skuli leggja fram sérstaka tillögu á þessum fundi sem vísað er til viðaukagerðar á næsta ári. Á sama fundi er verið að afgreiða fjárhagsáætlun 2024 og því einkennilegt að tillagan sé ekki lögð fram við afgreiðslu fjárhagsáætlunar hér síðar á fundinum. Jafnaðarmenn munu leggja fram tillögu hér við afgreiðslu fjárhagsáætlunar á fundinum þar sem lagt er til að fjárveiting til Markaðsstofu Hafnarfjarðar verði aukin um 10 milljónir.

• 2312031 – Frístundastyrkur

  Sjálfstæðisflokkur og Framsókn leggja fram eftirfarandi tillögu:

  Bæjarstjórn samþykkir að frístundastyrkir til barna á aldrinum 6 til 18 ára verði hækkaðir um 5,6% og hækki úr 54.000 krónum í 57.000 krónur frá og með 1. janúar 2024.
  Tillögunni verði vísað til viðaukagerðar ársins 2024.

  Til máls tekur Kristín Thoroddsen og gerir grein fyrir því að tillagan kemur fram í fjárhagsáætlun og þarf því ekki að vera vísað til viðaukagerðar. Til andsvars kemur Guðmundur Árni Stefánsson.

  Fundarhlé kl. 14:41. Fundi framhaldið kl. 14:44.

  Kristín Thoroddsen svarar andsvari. Guðmundur Árni kemur til andsvars öðru sinni. Kristín svarar andsvari öðru sinni.

  Jón Ingi Hákonarson tekur til máls. Einnig Árni Rúnar Þorvaldsson. Til andsvars kemur Rósa Guðbjartsdóttir. Árni Rúnar svarar andsvari.

  Jón Ingi tekur til máls öðru sinni.

  Guðmundur Árni tekur til máls. Rósa kemur til andsvars. Guðmundur svarar andsvari. Jón Ingi kemur þá til andsvars. Kristín kemur einnig til andsvars.

  Árni Rúnar tekur til máls undir fundarstjórn forseta. Guðmundur Árni tekur einnig til máls undir fundarstjórn forseta.

  Þá tekur Árni Rúnar til máls.

  Samþykkt með 10 greiddum atkvæðum. Bæjarfulltrúi Viðreisnar situr hjá.

  Jón Ingi Hákonarson kemur að svohljóðandi bókun:

  Bæjarfulltrúi Viðreisnar bókar eftirfarandi
  Viðreisn lagði það til að frístundastyrkir yrðu útvíkkaðir og hækkaðir í takt við verðbólgu. Mikilvægi frístundastarfs er óumdeilt og hefði Viðreisn vilja ganga lengra. Því greiðir fulltrúi Viðreisnar ekki atkvæði með málinu þar sem hér er um raunlækkun að ræða. Hér er of skammt gengið. Hér hefði átt að hækka þetta um 9,9% eins og gjaldskrárhækkun hjá bænum verður fyrir árið 2024

  Árni Rúnar Þorvaldsson kemur að svohljóðandi bókun:

  Bæjarfulltrúar Samfylkingarinnar leggja fram eftirfarandi bókun:

  Bæjarfulltrúar Samfylkingarinnar styðja aukinn stuðning við börn og ungmenni þó hér sé alls ekki nógu langt gengið en þó hænuskref í rétta átt. Mikilvægi frístundastyrksins er óumdeilt og skiptir máli fyrir börn og ungmenni bæjarins og fjölskyldur þeirra. Með slíku framlagi er þess freistað að sem flestir geti tekið þátt í uppbyggilegri tómstunda- og/eða íþróttaiðkun. Þessi styrkur hefur ekki fylgt verðlagsþróun og það gerist ekki í tillögum Sjálfstæðisflokksins og Framsóknarflokksins hér í dag. Frístundastyrknum var komið á af jafnaðarmönnum á sínum tíma og það er mikilvægt að styðja við hann. Jafnaðarmenn munu leggja fram tillögu hér við afgreiðslu fjárhagsáætlunar á fundinum þar sem lagt er til að frístundastyrkurinn verði alls 65 þúsund krónur á hvern einstakling, börn og ungmenni, á árinu 2024 og hækki um 10 þúsund krónur milli ára. Bæjarstjórn hefur tækifæri til þess að samþykkja þessa tillögu síðar á fundinum og styðja þannig myndarlega við frístundaiðkun barna og ungmenna í bænum.

• 2307268 – Hringhamar 43, hjúkrunarheimili og heilsugæsla, tilboð

  Fulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að setja á stofn fimm manna starfshóp kjörinna fulltrúa, sem njóti stuðnings og aðstoðar sviðsstjóra fjölskyldusviðs, framkvæmdasviðs og stjórnsýslusviðs. Verkefni hópsins, er að halda áfram viðræðum við Sóltún, heilbrigðisráðuneyti, sjúkratryggingar ríkisins og aðra hagaðila verkefnisins. Starfshópurinn hafi samráð við aðra aðila, svo sem Öldungaráð og aðra þá sem geta miðlað þekkingu og sjónarmiðum í málinu. Starfshópurinn skili áfangaskýrslu og tillögum um verkefnið, s.s. varðandi aðferðafræði, fjármögnun og tímaramma um þessa mikilvægu uppbyggingu og rekstur. Fyrsti áfangi starfshópsins liggi fyrir eigi síðar en 1. mars næstkomandi.

  Greinargerð:
  Á síðasta kjörtímabili var samþykkt af öllum flokkum í bæjarstjórn Hafnarfjarðar að heilsugæslu og hjúkrunarheimili skyldi rísa í Hamranesi. Þetta var samþykkt á fundi bæjarstjórnar þann 23. júní 2021 og bæjarstjórn fól bæjarstjóra að fylgja málinu eftir. Auglýst var eftir áhugasömum aðilum til þess að koma að uppbyggingu og rekstri hjúkrunarheimilis og heilsugæslu og var Sóltún eini aðilinn sem sendi bænum erindi vegna auglýsingarinnar. Viðræður við Sóltún og aðra hagaðila eru ekki langt á veg komnar. Nú liggur fyrir að stefnt er að því að heilsugæslu verði fundinn annar vettvangur á Völlunum, þannig að verkefnið er bygging og rekstur hjúkrunarheimilis með fjölþættri stoðþjónustu. Hluti þeirrar stoðþjónustu yrði innt af hendi af hálfu Hafnarfjarðarbæjar. Mikilvægt er að halda þeirri þverpólitísku samstöðu sem verið hefur um málið og koma viðræðum við Sóltún, heilbrigðisráðuneytið, Sjúkratryggingar ríkisins og aðra hagaðila verkefnisins í formlegan farveg með aðkomu meiri- og minnihluta í bæjarstjórn. Hér er um gríðarstórt og mikilvægt málefni að ræða fyrir íbúa áðurnefndra hverfa í Hafnarfirði og þess vegna leggja fulltrúar jafnaðarfólks í bæjarstjórn fram þessa tillögu um formlegan samstarfsvettvang bæjarstjórnar.

  Guðmundur Árni Stefánsson tekur til máls. Rósa Guðbjartsdóttir kemur til andsvars og leggur jafnframt fram tillögu að fyrirliggjandi tillögu verði vísað frá. Guðmundur Árni svarar andsvari. Rósa kemur þá til andsvars öðru sinni. Guðmundur Árni svarar andsvari öðru sinni.

  Margrét Vala Marteinsdóttir kemur einnig til andsvars við ræðu Guðmundar Árna sem svarar andsvari. Margrét Vala kemur til andsvars öðru sinni.

  Þá tekur Árni RúnarÞorvaldsson til máls. Til andsvars kemur Guðmundur Árni sem Árni Rúnar svarar.

  Forseti ber upp fyrirliggjandi tillögu um að málinu verði vísað frá fundinum og er tillagan samþykkt þar sem sex fulltrúar Framsóknar og Sjálfstæðisflokks samþykkja frávísun málsins en fulltrúar Samfylkingar og Viðreisnar greiða atkvæði gegn frávísun málsin. Málinu er því vísað frá.

  Árni Rúnar Þorvaldsson kemur að svohljóðandi bókun:

  Bæjarfulltrúar Samfylkingarinnar leggja fram eftirfarandi bókun:
  Bæjarfulltrúar Samfylkingarinnar gagnrýna harðlega að tillagan hafi ekki verið send til umsagnar hjá Öldungaráði og Félagi eldri borgara á milli umræðna um fjárhagsáætlun eins og tillagan gerði ráð fyrir þegar hún var lögð fram í fyrri umræðu um fjárhagsáætlun 8. nóvember sl. Það er vitnisburður um áhugaleysi meirihluta Framsóknar – og Sjálfstæðisflokks á samráði við notendaráð bæjarins sem er gríðarlega mikilvægt í mikilvægum málum eins og þessu. Bæjarfulltrúar Samfylkingarinnar furða sig á því að fulltrúar meirihluta Framsóknar- og Sjálfstæðisflokks hafni samstarf um þetta brýna mál. Hér er risastórt hagsmunamál á ferðinni fyrir Hafnarfjörð og íbúa bæjarins. Það er því algjört grundvallaratriði að samstaða sé um það í bæjarstjórn Hafnarfjarðar varðandi m.a. aðferðafræði, fjármögnun og tímaramma þess. Þess vegna vekur það furðu að meirihluti Framsóknar- og Sjálfstæðisflokks hafni hófsamri tillögu jafnaðarmanna um stofnun starfshóps vegna málsins þar sem lagt er upp með að mynda samstöðu í bæjarstjórn vegna málsins.

• 2303899 – Biðlistar eftir félagslegum íbúðum í Hafnarfirði

  Fulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að mikilvægt sé að leitað verði leiða til þess að hraða fjölgun félagslegra íbúða í eigu Hafnarfjarðar. Mikilvægt er að Hafnarfjörður setji sér skýra stefnu í málaflokknum til framtíðar þar sem markmiðið er að fjölga um 15 íbúðir á ári í kerfinu á næstu fimm árum. Í því skyni verður settur á fót starfshópur skipaður fimm kjörnum fulltrúum sem hafi það verkefni að leita leiða til þess að ná áðurnefndu markmiði og leggja fram tillögur þar að lútandi. Með starfshópnum vinni sviðsstjóri umhverfis- og skipulagssviðs og sviðsstjóri fjölskyldu- og barnamálasviðs.

  Greinargerð:
  Á undanförnum árum hefur félagslegum íbúðum fjölgað hægt hjá Hafnarfjarðarbæ. Það kallar á kraftmeiri fjárfestingu í kerfinu. Árið 2023 hafa verið keyptar tvær íbúðir inn í kerfið og í greinargerð með fjárhagsáætlun kemur fram að til standi að kaupa tvær íbúðir af Íbúðalánasjóði í desember á þessu ári. Biðlistar eftir félagslegu húsnæði eru langir og margt fólk þar í mikilli neyð. Þess vegna er nauðsynlegt að fjölga markvisst félagslegum íbúðum sveitarfélagsins og setja aukinn kraft í þetta mikilvæga verkefni.

  Árni Rúnar Þorvaldsson tekur til máls. Margrét Vala Marteinsdóttir kemur til andsvars og leggur til að málinu verði vísað frá. Árni Rúnar svarar andsvari.

  Þá tekur Guðmundur Árni Stefánsson til máls. Margrét Vala kemur til andsvars sem Guðmundur Árni svarar. Orri Björnsson kemur til andsvars sem Guðmundur Árni svarar. Orri kemur þá til andsvars öðru sinni sem Guðmundur Árni svarar.

  Árni Rúnar tekur til máls öðru sinni. Þá tekur Jón Ingi Hákonarson til máls. Árni Rúnar kmeur til andsvars. Einnig kemur Orri Björnsson til andsvars.

  Forseti ber upp fyrirliggjandi tillögu um að málinu verði vísað frá fundinum og er tillagan samþykkt þar sem sex fulltrúar Framsóknar og Sjálfstæðisflokks samþykkja frávísun málsins en fulltrúar Samfylkingar og Viðreisnar greiða atkvæði gegn frávísun málsins. Málinu er því vísað frá.

  Árni Rúnar kemur að svohljóðandi bókun:

  Bæjarfulltrúar Samfylkingarinnar leggja fram eftirfarandi bókun:
  Bæjarfulltrúar Samfylkingarinnar harma það að fulltrúar meirihluta Framsóknar- og Sjálfstæðisflokks skuli hafna tillögu jafnaðarfólks um samvinnu um hraðari fjölgun félagslegra íbúða. Það er enn og aftur birtingarmynd þess áhugaleysis sem einkennir vinnubrögð meirihlutans í þessum málaflokki. Margt fólk er í brýnni þörf eftir húsnæði og það er algjört forgangsmál af hálfu jafnaðarfólks í bæjarstjórn að félagslegum íbúðum verði fjölgað með markvissum hætti hjá Hafnarfjarðarbæ.

• 2301427 – Opnun Bláfjallavegar

  Bæjarstjórn Hafnarfjarðar undirstrikar enn og aftur mikilvægi Bláfjallavegar sem tengingar Hafnfirðinga og Suðurnesjabúa að skíðasvæðinu í Bláfjöllum og einnig er vegurinn mikilvæg öryggisleið ef vá steðjar að. Heimild til lokunar var veitt tímabundið og allnokkrum sinnum hefur bæjarstjórn bókað um opnun vegarins, en ekkert hefur gerst. Kallað verði hið allra fyrsta eftir raunstöðu málsins og hvar málið er statt af hálfu veghaldarar, Vegagerð ríkisins og öðrum þeim sem komið hafa að málinu, svo sem SSH og Heilbrigðiseftirlitinu.

  Hildur Rós Guðbjargardóttir tekur til máls. Til andsvars kemur Valdimar Víðisson og leggur til að málinu verði vísað frá.

  Þá tekur Guðmundur Árni Stefánsson til máls. Valdimar kemur til andsvars sem Guðmundur Árni svarar.

  Einnig tekur Stefán Már Gunnlaugsson til máls. Til andsvars kemur Kristín Thoroddsen sem Stefán Már svarar.

  Guðmundur Árni tekur til máls öðru sinni. Kristín kemur til andsvars sem Guðmundur Árni svarar. Valdimar kemur til andsvars.

  Forseti ber upp fyrirliggjandi tillögu um að málinu verði vísað frá fundinum og er tillagan samþykkt þar sem sex fulltrúar Framsóknar og Sjálfstæðisflokks samþykkja frávísun málsins en fulltrúar Samfylkingar greiða atkvæði gegn frávísun málsins og fulltrúi Viðreisnar situr hjá. Málinu er því vísað frá fundinum.

  Hildur Rós kemur að svohljóðandi bókun:

  Bókun fulltrúa Samfylkingarinnar
  Óskiljanlegt er að fulltrúar meirihluta Framsóknar- og Sjálfstæðisflokks skuli vísa frá tillögu sem efnisleg samstaða er um í bæjarstjórn Hafnarfjarðar. Hér er verið að leggja til að kallað verði eftir raunstöðu málsins og hvar það er statt af hálfu veghaldara, Vegagerðinni og öðrum þeim sem hafa komið að málinu svo sem SSH og Heilbrigðiseftirlitinu. Þetta mikilvæga mál hefur alltof lengi verið til umræðu hér í bæjarstjórn án þess að nokkuð hafi gerst í málinu. Því er algjör forsenda þess að hægt sé að vinna málið áfram, eins og bæjarstjórn er sammála um að mikilvægt sé að gera og bæjarstjórn hefur margoft bókað um það, að við fáum greinargóðar upplýsingar um það hvar málið sé statt og hvenær líklegt sé að Bláfjallavegur muni opna á nýjan leik.

• 2206161 – Íbúðir fyrir eldra fólk

  Bæjarstjórn Hafnarfjarðar samþykkir að settur verði á fót starfshópur á næsta ári sem hafi það verkefni að vinna að undirbúningi uppbyggingar á íbúðum fyrir eldra fólk. Bæjarráð setji hópnum erindisbréf og skipi hópinn í upphafi næsta árs.

  Greinargerð:
  Í ályktun landsfundar Landssambands eldri borgara um húsnæðismál segir að mikilvægt sé að taka mið af fjölgun eldra fólks við uppbyggingu íbúðarhúsnæðis og gera því mögulegt að búa lengur í sjálfstæðri búsetu. Ennfremur þar sem því er beint til sveitarfélaga að þau tryggi uppbyggingu húsnæðis og þjónustu fyrir eldra fólk við skipulagningu nýrra byggingasvæða. Í ljósi þessa og mikillar eftirspurnar eftir hentugu húsnæði telja fulltrúar Samfylkingarinnar brýnt að sett verði í forgang að finna lóðir sem hentar þessum hópi. Langt er síðan íbúðir fyrir eldra fólk voru byggðar í Hafnarfirði og það er því löngu tímabært að hefjast handa við undirbúning og skipulagningu á uppbyggingu slíkra íbúða.

  Til máls tekur Árni Rúnar Þorvaldsson. Til andsvars kemur Valdimar Víðisson og leggur til að málinu verði vísað til bæjarráðs. Árni Rúnar svarar andsvari.

  Forseti ber næst upp framkomna tillögu um að málinu verði vísað til bæjarráðs og er það samþykkt samhljóða.

• 1512242 – Heimaþjónusta, heimahjúkrun

  Bæjarfulltrúar Samfylkingarinnar leggjar fram eftirfarandi tillögu:

  Bæjarstjórn Hafnarfjarðar felur bæjarstjóra að óska eftir viðræðum við heilbrigðisráðuneytið um samþættingu heimahjúkrunar og félagslegrar heimaþjónustu í Hafnarfirði.

  Greinargerð:
  Mikilvægt er að leita allra leiða til þess að bæta og styrkja þá nærþjónustu sem hið opinbera veitir íbúum bæjarins. Oft hefur umræða farið fram um hvort hægt sé að styrkja hvoru tveggja heimahjúkrun, sem er á hendi ríkisins og félagslega heimaþjónustu, sem er á hendi sveitarfélaganna með aukinn samþættingu. Ýmis tilraunaverkefni í þessa veru hafa átt sér stað t.d. á Akureyri með góðum árangri. Nýverið var því hafnað að Hafnarfjarðarbæ yrði hluti af tilraunaverkefni af þessum toga. Það breytir ekki því að mikilvægt er að ná samningi við ríkisvaldið og Heilsugæslu höfuðborgarsvæðisins um eflingu þjónustunnar, sem samþætting þessara þjónustuþátta mun sannarlega hafa í för með sér. Nú hefur Reykjavík með samningi við heilbrigðisráðuneytið tekið að sér að reka stóran hluta heimahjúkrunar fyrir ríkið. Mikilvægt er að Hafnarfjörður taki frumkvæði í þessum mikilvæga velferðarmáli og taki forystu þegar kemur að því að efla og bæta nærþjónustuna fyrir íbúa Hafnarfjarðar.

  Til máls tekur Árni Rúnar Þorvaldsson. Til andsvars kemur Margrét Vala Marteinsdóttir og leggur til að málinu verði vísað frá. Árni Rúnar svarar andsvari.

  Þá tekur Guðmundur Árni til máls. Rósa Guðbjartsdóttir kemur að andsvari sem Guðmundur Árni svarar.

  Forseti ber upp fyrirliggjandi tillögu um að málinu verði vísað frá fundinum og er tillagan samþykkt þar sem sex fulltrúar Framsóknar og Sjálfstæðisflokks samþykkja frávísun málsins en fjórir fulltrúar Samfylkingar og fulltrúi Viðreisnar greiða atkvæði gegn frávísun málsins. Málinu er því vísað frá fundinum.

• 2212001 – Málefni bókasafns Hafnarfjarðar

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að settur verði á stofn fimm manna starfshópur, sem hafi það verkefni að undirbúa flutning Bókasafns Hafnarfjarðar í hið nýja húsnæði við Fjarðargötu. Starfshópurinn fylgi eftir og gangi frá samkomulagi við verkaðila og eigendur að verslunarmiðstöðinni Firði um hlut Hafnarfjarðarbæjar í nýbyggingunni, sem tekin var skóflustunga að þann 29. nóvember 2022. Framkvæmdir eru þannig vel á veg komnar og verklok eru áformuð seint á næsta ári. Fyrir liggur viljayfirlýsing bæjar og eigenda/framkvæmdaaðila um að hlut Hafnarfjarðarbæjar í hinu nýja húsnæði; um 1500fm sem verði hið nýja Bókasafn Hafnarfjarðar. Mikilvægt er að undirbúningur þessa stórverkefnis hefjist nú þegar.

  Starfshópurinn hafi náið samstarf við menningar- og ferðamálanefnd og aðra hagaðila í starfi sínu.

  Greinargerð:
  Ljóst er að nú þegar þarf að ramma af og undirbúa til fullnustu byggingu nýs Bókasafns Hafnarfjarðar. Í fjárhagsáætlun Hafnarfjarðarbæjar er ekki gert ráð fyrir neinum fjárhæðum í verkefnið en gert ráð fyrir er ráð fyrir 382 milljónum í tekjur af sölu á Strandgötu 1. Því er brýnt að hefjast handa nú þegar að hefja undirbúning framkvæmdarinnar, m.t.t. kostnaðargreiningar, leigu eða kaup á nýju húsnæði og aðra þætti sem sem nauðsynlegt er að gaumgæfa. Til að flýta þeirri grunnvinnu verði skipaður starfshópur til þess að undirbúa og vinna málið.

  Til máls tekur Guðmundur Árni Stefánsson. Til andsvars kemur Rósa Guðbjartsdóttir og leggur fram tillögu um að málinu verði vísað frá. Guðmundur Árni svarar andsvari.

  Forseti ber upp fyrirliggjandi tillögu um að málinu verði vísað frá fundinum og er tillagan samþykkt þar sem sex fulltrúar Framsóknar og Sjálfstæðisflokks samþykkja frávísun málsins en fjórir fulltrúar Samfylkingar og fulltrúi Viðreisnar greiða atkvæði gegn frávísun málsins. Málinu er því vísað frá fundinum.

  Árni Rúnar kemur að svohljóðandi bókun:

  Bæjarfulltrúar Samfylkingarinnar leggja fram eftirfarandi bókun:
  Fulltrúar Samfylkingarinnar furða sig á því að meirihluti Framsóknar- og Sjálfstæðisflokks skuli ekki treysta sér til þess að samþykkja hófstillta tillögu Samfylkingarinnar um stofnun starfshóps sem hafi það verkefni að undirbúa flutning Bókasafns Hafnarfjarðar í hið nýja húsnæði við Fjarðargötu. Ljóst er að nú þegar þarf að ramma af og undirbúa til fullnustu byggingu nýs Bókasafns Hafnarfjarðar. Í fjárhagsáætlun meirihluta Framsóknar- og Sjálfstæðisflokks er ekki gert ráð fyrir neinum fjárhæðum í verkefnið á næsta ári. Mikilvægt er að vandað verði til verka í þessu máli og því brýnt að skipaður verði starfshópur til þess að undirbúa og vinna málið.

• 1811300 – Uppbygging á hagkvæmu húsnæði

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar leggja til að stofnaður verði starfshópur sem hefur það markmið að finna leiðir til að mæta fyrirsjáanlegum samdrætti í uppbyggingu íbúðarhúsnæðis, þá sérstaklega hvað varðar framboð fjölbýlishúsalóða, þar sem m.a. verði unnt að mæta óskum félagasamtaka á borð við samtök aldraða og stúdenta, svo dæmi séu nefnd. Horfa skal í því sambandi til rammaáætlunar ríkis og sveitarfélaga um uppbyggingu íbúða á hagkvæmu verði. Samkomulag sem brýnt er að koma í höfn hið allra fyrsta.

  Til máls tekur Stefán Már Gunnlaugsson. Til andsvars kemur Valdimar Víðisson og leggur til að málinu verði vísað frá. Stefán Már svarar andsvari. Einnig kemur Orri Björnsson til andsvars. Stefán Már svarar andsvari. Orri kemur þá til andsvars öðru sinni.

  Forseti ber upp fyrirliggjandi tillögu um að málinu verði vísað frá fundinum og er tillagan samþykkt þar sem sex fulltrúar Framsóknar og Sjálfstæðisflokks samþykkja frávísun málsins en fjórir fulltrúar Samfylkingar og fulltrúi Viðreisnar greiða atkvæði gegn frávísun málsins. Málinu er því vísað frá fundinum.

  Stefán Már Gunnlaugsson kemur að svohljóðandi bókun:

  Bæjarfulltrúar leggja fram eftirfarandi bókun:
  Enn og aftur vísa fulltrúar meirihluta Framsóknar- og Sjálfstæðisflokks frá tillögu jafnaðarmanna sem miðar að því að efla húsnæðisuppbyggingu í Hafnarfirði. Bæjarfulltrúar jafnaðarmanna telja gríðarlega mikilvægt að finna leiðir til að mæta fyrirsjáanlegum samdrætti í uppbyggingu íbúðarhúsnæðis, þá sérstaklega varðandi framboð fjölbýlishúsalóða. Þar þarf átak til að unnt verði að mæta óskum félagasamtaka á borð við samtök aldraðra og stúdenta svo dæmi séu tekin. Fulltrúar Samfylkingarinnar minna á að brýnt er að koma rammasamkomulagi Hafnarfjarðar og Húsnæðið- og mannvirkjastofnunar í höfn sem fyrst.

• 2004440 – Hreinsunarátak, iðnaðar- og nýbyggingarsvæði

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að farið verði í átak í hreinsun á iðnaðar- og nýbyggingarsvæðum. Mikilvægt er fyrir uppbygging atvinnulífs hér sem annars staðar sé snyrtilegt og umgengni góð. Sama má segja um nýbyggingarsvæði bæjarins eða þar sem framkvæmdir eru í byggðum hverfum. Snyrtilegt umhverfi bætir ímynd bæjarins sem verður eftirsóknarverðara sem valkostur fyrir rekstraraðila og íbúa bæjarins.

  Til máls tekur Stefán Már Gunnlaugsson. Rósa Guðbjartsdóttir kemur til andsvars og leggur til að málinu verði vísað til umhverfis og framkvæmdaráðs. Stefán Már svarar andsvari. Orri Björnsson kemur til andsvars sem Stefán Már svarar.

  Samþykkt samhljóða að vísa málinu til umhverfis- og framkvæmdaráðs.

• 2312015 – Aðstoð við ungt fólk sem ekki er í vinnu, námi eða starfsþjálfun

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn samþykkir að settur verði á fót starfshópur skipaður fimm kjörnum fulltrúum sem hafi það verkefni að útfæra með hvaða hætti Hafnarfjörður kemur best til móts við ungt fólk sem ekki er í vinnu, námi eða starfsþjálfun, NEET. Hópurinn skal móta tillögur um skipulag aðstoðarinnar og hvar henni er best komið innan stjórnsýslu bæjarins. Starfshópurinn vinni með sviðsstjóra mennta- og lýðheilsusviðs, sviðsstjóra fjölskyldu- og barnamálasviðs og deildarstjóra ungmennahúsa. Ungmennaráð skipar einn fulltrúa í starfshópinn.

  Greinargerð:
  Sú þróun hefur átt sér stað á undanförnum áratugum að dregið hefur úr atvinnuþátttöku ungmenna víðast hvar í nágrannaríkjum okkar. Samhliða því hefur orðið fjölgun í hópi ungmenna sem stunda hvorki nám né atvinnu (NEET). Hið sama gildir um Ísland. Margt bendir til þess að ákveðnir bakgrunnsþættir hafi áhrif á það hvort ákveðin ungmenni séu líklegri til þess en önnur að lenda í þessari stöðu. Vísbendingar eru t.d. um að börn og ungmenni af erlendum uppruna séu líklegri til þess að tilheyra NEET hópnum umfram aðra hópa. Mikilvægt er að grípa þennan hóp ungmenna eins fljótt og mögulegt er með markvissum og skilvirkum aðferðum til þess að valdefla þau og aðstoða til sjálfshjálpar.

  Til máls tekur Árni Rúnar Þorvaldsson. Til andsvars kemur Orri Björnsson. Árni Rúnar svarar andsvari. Einnig kemur Margrét Vala Marteinsdóttir að andsvari og leggur til að málinu verði vísað frá. Árni Rúnar svarar andsvari. Margrét Vala kemur þá til andsvars öðru sinni.

  Þá tekur Jón Ingi Hákonarson til máls. Árni Rúnar kemur að andsvari. Einnig kemur Margrét Vala til andsvars og í stað fyrri tillögu leggur þess í stað til að tillögunni verði vísað til umræðu í fjölskylduráði.

  Árni Rúnar tekur til máls.

  Samþykkt samhljóða að vísa málinu til umfjöllunar í fjölskylduráði.

• 2312017 – Vistvænar byggingar

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að áfram verði unnið að því að innleiða hvata til að hvetja framkvæmdaraðila til að draga úr umhverfisáhrifum framkvæmda og minnka kolefnisspori hvort heldur sem nýbyggingar, viðgerðir eða endurbætur á eldra húsnæði. Þetta á við um atvinnuhúsnæði, íbúðarhúsnæði, skrifstofur og frístundahúsnæði og framkvæmdir á vegum bæjarins. Ávinningurinn af því er mikill t.d. sporna hnattrænni hlýnun, verndar heilsu þeirra sem koma að verkinu á framkvæmdartíma og þeirra sem nota bygginguna eftir að hún er tekin í notkun

  Til máls tekur Stefán Már Gunnlaugsson. Til andsvars kemur Rósa Guðbjartsdóttir og leggur til að málinu verði vísað frá. Stefán Már svarar andsvari.

  Forseti ber upp fyrirliggjandi tillögu um að málinu verði vísað frá fundinum og er tillagan samþykkt þar sem sex fulltrúar Framsóknar og Sjálfstæðisflokks samþykkja frávísun málsins en fjórir fulltrúar Samfylkingar og fulltrúi Viðreisnar greiða atkvæði gegn frávísun málsins. Málinu er því vísað frá fundinum.

• 2312018 – Reykjanesbraut frá Lækjargötu að Álftanesvegi

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að áfram verði unnið að því í samstarfi við Vegagerðina að finna framtíðarlausn á vegkaflanum Reykjanesbrautar Lækjargötu-Álftanesveg. Umferðarþungi er mikill og umferðartalningar sýna að umferðin eykst með hverju árinu með fjölgun íbúa á Suðurnesjum og höfuðborgarsvæðinu og auknum ferðamannastraumi. Vegabætur heyra undir samgöngusáttmála höfuðborgarsvæðisins 2025-2028 og brýnt er að vinna hefjist sem fyrst að finna viðunandi lausn á þungri umferð og tilheyrandi töfum sem liggur í gegnum bæinn. Mikilvægt er að tímasetningar standist samkvæmt samgöngusáttmála hvað þennan vegkafla áhrærir.

  Til máls tekur Guðmundur Árni Stefánsson. Til andsvars kemur Rósa Guðbjartsdóttir og svarar Guðmundur Árni andsvari.

  Guðmundur Árni tekur til máls undir fundarstjórn forseta.

  Fundarhlé kl. 18:47. Fundi framhaldið kl. 18:56.

  Samþykkt samhljóða.

  Fulltrúar Framsóknar og Sjálfstæðisflokks koma að svohljóðandi bókun:

  Meirihluti Sjálfstæðisflokks og Framsóknar tekur undir tillöguna enda í algjöru samræmi við ályktun Umhverfis- og framkvæmdaráðs frá 18. október sl. og stefnu allra flokka í bæjarstjórn Hafnarfjarðar.

• 2312022 – Útivistar- og almenningssvæði á Völlunum

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir hafin verði vinna við skipulag Vallanna vegna útivistar og almenningssvæðis á Völlunum samanber tillögur starfshóps þess efnis sem var að störfum vorið 2022. Einnig að áfram verði unnið að grænkun Vallanna.

  Til máls tekur Stefán Már Gunnlaugsson. Til andsvars kemur Orri Björnsson og leggur til að málinu verði vísað frá. Stefán Már svarar andsvari. Orri kemur þá til andsvars öðru sinni.

  Forseti ber upp fyrirliggjandi tillögu um að málinu verði vísað frá fundinum og er tillagan samþykkt þar sem sex fulltrúar Framsóknar og Sjálfstæðisflokks samþykkja frávísun málsins en fjórir fulltrúar Samfylkingar og fulltrúi Viðreisnar greiða atkvæði gegn frávísun málsins. Málinu er því vísað frá fundinum.

  Stefán Már kemur að svohljóðandi bókun:

  Bæjarfulltrúar Samfylkingarinnar leggja fram eftirfarandi bókun:
  Bæjarfulltrúar Samfylkingarinnar telja mikilvægt að hefja strax vinnu við skipulag Vallanna vegna útivistar- og almenningssvæðis á Völlunum. Þetta mál hefur verið lengi í vinnslu og mikilvægt að setja kraft í þessa vinnu og láta verkin tala. Meirihluti Framsóknar- og Sjálfstæðisflokks hafnar því miður því tækifæri með því að vísa frá tillögu Samfylkingarinnar sem vekur furðu því þetta mál er að finna í meirihlutasamþykkt flokkanna.

• 2312024 – Skilvirkni og styttri biðtími, tillögur og erindi, úttekt

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að gerð verði úttekt á afgreiðslutíma tillagna og erinda hjá Hafnarfjarðarbæ til að finna leiðir til úrbóta til að auka skilvirkni og stytta afgreiðslutíma tillaganna og erinda.

  Til máls tekur Stefán Már Gunnlaugsson. Til andsvars kemur Valdimar Víðisson og leggur til að málinu verði vísað til umfjöllunar í bæjarráði.

  Samþykkt samhljóða að vísa málinu til umfjöllunar í bæjarráði.

• 2312020 – Óttarsstaðir, skipulag

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að hafin verði vinna við skipulag Óttarstaða vestan við Straumsvíkur í samvinnu við landeigendur. Í aðalskipulagi Hafnarfjarðar er það merkt sem óskipulagt svæði. Aukin eftirspurn eftir íbúðar- og atvinnuhúsalóðum og grænum svæðum og stækkandi byggð kallar á nauðsyn þess að hafin sé vinna við að móta framtíðarsýn svæðisins með gerð skipulags í samstarfi við íbúa og aðra hagaðila.

  Til máls tekur Guðmundur Árni Stefánsson. Orri Björnsson kemur að andsvari vísa málinu frá. Guðmundur Árni svarar andsvari. Orri kemur til andsvars öðru sinni sem Guðmundur svarar.

  Forseti ber upp fyrirliggjandi tillögu um að málinu verði vísað frá fundinum og er tillagan samþykkt þar sem sex fulltrúar Framsóknar og Sjálfstæðisflokks samþykkja frávísun málsins en fjórir fulltrúar Samfylkingar og fulltrúi Viðreisnar greiða atkvæði gegn frávísun málsins. Málinu er því vísað frá fundinum.

Fundargerðir

• 2301126 – Fundargerðir 2023, til kynningar í bæjarstjórn

  Fundargerð bæjarráðs frá 30.nóvember sl.
  a. Fundargerð hafnarstjórnar frá 15.nóvember sl.
  b. Fundargerð heilbrigðisnefndar Garðabæjar, Hafnarfjarðar, Kópavogs, Mosfellsbæjar og Seltjarnarness frá 27.nóvember sl.
  c. Fundargerð menningar- og ferðamálanefnar frá 22.nóvember sl.
  d. Fundargerð stjórnar Sambands íslenskra sveitarfélaga frá 12.nóvember sl.
  e. Fundargerð aðalfundar SSH og fundargerð ársfundar byggðasamlaganna frá 10.nóvember sl.
  f. Fundargerð Samtaka stjórnar orkusveitarfélaga frá 22.nóvember sl.
  Fundargerð fræðsluráðs frá 29.nóvember sl.
  a. Fundargerð íþrótta- og tómstundanefndar frá 21.nóvember sl.
  Fundargerð umhverfis- og framkvæmdaráðs frá 29.nóvember sl.
  Fundargerð fjölskylduráðs frá 28.nóvember sl.
  Fundargerð forsetanefndar frá 1.desember sl.

Áætlanir og ársreikningar

• 2308876 – Fjárhagsáætlun Hafnarfjarðarkaupstaðar og fyrirtækja hans 2024 og 2025-2027, síðari umræða

  7.liður úr fundargerð bæjarráðs frá 30.nóvember sl.
  20.liður úr fundargerð bæjarráðs frá 16.nóvember sl.
  11.liður úr fundargerð bæjarstjórnar frá 8.nóvember sl.
  1.liður úr fundargerð bæjarráðs frá 31.október sl.

  Lögð fram fjárhagsáætlun Hafnarfjarðarkaupstaðar og fyrirtækja hans fyrir 2024 og langtímaáætlun 2025-2027.
  Lagðar fram gjaldskrár Hafnarfjarðarkaupstaðar 2024.
  Helga Benediktsdóttir sviðsstjóri fjármálasviðs og Guðmundur Sverrisson rekstrarstjóri hagdeildar mæta til fundarins.

  Bæjarráð vísar fyrirliggjandi tillögu að fjárhagsáætlun Hafnarfjarðarkaupstaðar og fyrirtækja hans 2024 og 2025-2027 til fyrri umræðu í bæjarstjórn.

  Til máls taka Valdimar Víðisson einnig Guðmundur Árni Stefánsson. Valdimar kemur til andsvars sem Guðmundur Árni svarar.

  Þá tekur Jón Ingi Hákonarson og leggur fram svohljóðandi tillögur að viðbótum við fjárhagsáætlun:

  Tillögur Viðreisnar vegna fjárhagsáætlunar 2024

  Fræðsluráð

  Að taka frá fjármagn til að fara í markvissa vinnu er snýr að skólamáltíðum.

  Nú er samningurinn við fyrirtækið sem sér um þessa þjónustu í dag á tímamótum og gjaldskráin hefur hækkað umtalsvert á skömmum tíma. Hæst er umræðan í grunnskólum. Kallað hefur eftir endurskoðun á skólamáltíðum bæjarins, bæði frá fulltrúa Viðreisnar og um að þessi mál verði endurskoðuð með fjölbreytni i huga og skoðaðar nýjar leiðir. Því óskum við eftir því að settur verður á laggirnar starfshópur um skólamáltíðir. Í starfshópnum séu kjörnir fulltrúar frá öllum flokkum, starfsmaður frá sviðinu, fulltrúi frá ungmennaráði, og fulltrúi starfsmanna grunnskóla, kennara og skólastjórnenda og fulltrúi frá foreldraráði. Starfshópnum verði falið að kynna sér hvernig máltíðum er háttað í nærliggjandi sveitafélögum. Geti kallað eftir tölulegum gögnum. Fá upplýsingar um fjölbreyttar útfærslur að útboði. Geti unnið vel að tillögum fyrir skóla Hafnarfjarðarbæjar. Tillögurnar verði svo kynntar fyrir fræðsluráð. Einnig verði kannað hvort og hvar væri hægt að koma upp eldhúsi í skólum Hafnarfjarðar, líkt og í Áslandsskóla út frá kostnaði, gæðum matarins og matarsóun.

  Að fjölga sálfræðingum í grunnskólum bæjarins um einn

  Að frístudnarstyrkir hækki í takt við vísitöluhækkanir

  Að frístundaakstur bæjarins verði útvíkkaður til eldri aldurshópa með niðurgreiðslu á árskortum í strætó.

  Í dag er frístundabíllinn undir tómstundum og því hluta til í þessu ráði. Því leggur fulltrúi Viðreisnar til að í Fjárhagsáætlun Fræðsluráðs verði skoðaðar leiðir til þess að fjármagna niðurgreiðslu árskorta barna og ungmenna í strætó. Það sé bæði ávinningur fyrir strætó, til þess að halda áfram að geta þjónustað og ýtir undir að framtíðarkynslóðir nýti sér almenningsamgöngur.

  Hugmyndir um vinnuskóla Hafnarfjarðar og stefna í þeim málum sé endurskoðuð með fjölbreytni í huga.

  Markmiðið sé að mæta ungmennum sem eru að taka sín fyrstu skref á íslenska vinnumarkaðnum. Setti verði starfshópur á laggirnar til að endurskoða stefnu vinnuskólans. Hægt er að nýta sér niðurstöðu vinnuhóps Hafnarfjarðarbæjar sem skilaði af sér fyrir um 3- 4 árum.

  Umhverfis og framkvæmdaráð

  Að sett verði aukið fjármagn til að mæta uppsafnaðri viðhaldsþörf hjá grunn- og leikskólum bæjarins

  Áherslu á að nauðsynlegt fjármagn verði tryggt til að bæta loftgæði og hljóðvist ásamt því að bæta og laga grunn- og leikskólalóðir

  Fjölskylduráð

  Viðreisn leggja það til að fyrirhuguðum hækkunum á gjaldskrá bæjarins sé stillt í hóf. Þessar hækkanir munu leggjast einkar hart á Hafnfirðinga í því vaxta- og verðbólguumhverfi sem við búum við í dag og höfum gert undanfarnar vikur og mánuði

  Skipulags og byggingarráð

  Fulltrúi Viðreisnar leggur til að lagt verði fjármagn í það verkefni að auka skilvirkni og gæði í skipulagsvinnu og byggingareftirliti. Meðal þátta sem vert er að kanna eru: Hvort möguleikar séu til einföldunar á skipulagsferlum. Hvort hægt er að auka sjálfvirkni í afgreiðslu erinda varðandi skipulag og byggingarleyfi með breyttum verkefnastjórnunaraðferðum og aukinni notkun stafrænnar tækni. Hvort hægt er að innleiða stafrænar lausnir á borð við gervigreind og stór-gagnagreiningar við skipulagsgerð m.a. við mat á þörf á innviðauppbyggingu fyrir ný hverfi og mat á umhverfisáhrifum mismunandi skipulagskosta. Hvort hægt er að nota fyrrnefndar stafrænar lausnir við áhættumat og skipulag eftirlits með mannvirkjagerð. Auk þess verði kannaðir möguleikar á þáttöku í samevrópskum skipulagsverkefnum s.s. URBACT verkefnum um sjálfbæra byggðaþróun og Smart City verkefnum. Æskilegt væri að ráðstafa allt að 10 milljónum í þetta verkefni á árinu 2024.

  Bæjarráð

  Viðreisn leggur til að bæjarráð samþykki með formlegum hætti það að gatnagerðargjöld verði ekki bókfærð sem rekstrartekjur heldur séu dregin frá fjárfestingarlið eins og öll önnur sveitarfélög gera.

  Viðreisn leggur til hækkun framlaga til Markaðsstofu Hafnarfjarðar þannig að hægt verði að vera með framkvæmdastjóra í fullu starfi.

  Til andsvars kemur Kristín María Thoroddsen. Jón Ingi svarar andsvari.Kristín María kemur til andsvars öðru sinni sem Jón Ingi svarar.

  Þá tekur Kristín Thoroddsen til máls.

  Þá tekur Árni Rúnar Þorvaldsson til máls og leggur fram svohljóðandi tillögur að viðbótum við fjárhagsáætlun:

  Tillögur Samfylkingarinnar við fyrri umræðu fjárhagsáætlunar 2024

  1. Uppbygging heilsugæslu og hjúkrunarheimilis í Hamranesi

  Fulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að setja á stofn fimm manna starfshóp kjörinna fulltrúa, sem njóti stuðnings og aðstoðar sviðsstjóra fjölskyldusviðs, framkvæmdasviðs og stjórnsýslusviðs. Verkefni hópsins, er að halda áfram viðræðum við Sóltún, heilbrigðisráðuneyti, sjúkratryggingar ríkisins og aðra hagaðila verkefnisins. Starfshópurinn hafi samráð við aðra aðila, svo sem Öldungaráð og aðra þá sem geta miðlað þekkingu og sjónarmiðum í málinu. Starfshópurinn skili áfangaskýrslu og tillögum um verkefnið, s.s. varðandi aðferðafræði, fjármögnun og tímaramma um þessa mikilvægu uppbyggingu og rekstur. Fyrsti áfangi starfshópsins liggi fyrir eigi síðar en 1. mars næstkomandi.

  Bæjarstjórn samþykkir að vísa málinu til umfjöllunar í Fjölskylduráði, Umhverfis og framkvæmdaráði og bæjarráði milli fyrri og síðari umræðu fjárhagsáætlunar og komi til afgreiðslu í bæjarstjórn á fundi hennar 4.desember n.k. Auk þess verði tillagan send til umsagnar Öldungaráðs og Félags eldri borgara.

  Greinargerð:
  Á síðasta kjörtímabili var samþykkt af öllum flokkum í bæjarstjórn Hafnarfjarðar að heilsugæslu og hjúkrunarheimili skyldi rísa í Hamranesi. Þetta var samþykkt á fundi bæjarstjórnar þann 23. júní 2021 og bæjarstjórn fól bæjarstjóra að fylgja málinu eftir. Auglýst var eftir áhugasömum aðilum til þess að koma að uppbyggingu og rekstri hjúkrunarheimilis og heilsugæslu og var Sóltún eini aðilinn sem sendi bænum erindi vegna auglýsingarinnar. Viðræður við Sóltún og aðra hagaðila eru ekki langt á veg komnar. Mikilvægt er að halda þeirri þverpólitísku samstöðu sem verið hefur um málið og koma viðræðum við Sóltún, heilbrigðisráðuneytið, Sjúkratryggingar ríkisins og aðra hagaðila verkefnisins í formlegan farveg með aðkomu meiri- og minnihluta í bæjarstjórn. Hér er um gríðarstórt og mikilvægt málefni að ræða fyrir íbúa áðurnefndra hverfa í Hafnarfirði og þess vegna leggja fulltrúar jafnaðarfólks í bæjarstjórn fram þessa tillögu um formlegan samstarfsvettvang bæjarstjórnar.

  2. Samþætting heimahjúkrunar og félagslegrar heimaþjónustu

  Bæjarfulltrúar Samfylkingarinnar leggjar fram eftirfarandi tillögu:

  Bæjarstjórn Hafnarfjarðar felur bæjarstjóra að óska eftir viðræðum við heilbrigðisráðuneytið um samþættingu heimahjúkrunar og félagslegrar heimaþjónustu í Hafnarfirði.

  Lagt til að tillagan fari til umfjöllunar og umsagnar í fjölskylduráði og bæjarráði, Öldungaráði, Félagi eldri borgara, verkefnisstjórn hjúkrunarheimilisins á Sólvangi og stjórn Sólvangs.

  Greinargerð:
  Mikilvægt er að leita allra leiða til þess að bæta og styrkja þá nærþjónustu sem hið opinbera veitir íbúum bæjarins. Oft hefur umræða farið fram um hvort hægt sé að styrkja hvoru tveggja heimahjúkrun, sem er á hendi ríkisins og félagslega heimaþjónustu, sem er á hendi sveitarfélaganna með aukinn samþættingu. Ýmis tilraunaverkefni í þessa veru hafa átt sér stað t.d. á Akureyri með góðum árangri. Nú hefur Reykjavík með samningi við heilbrigðisráðuneytið tekið að sér að reka stóran hluta heimahjúkrunar fyrir ríkið. Mikilvægt er að Hafnarfjörður taki frumkvæði í þessum mikilvæga velferðarmáli og taki forystu þegar kemur að því að efla og bæta nærþjónustuna fyrir íbúa Hafnarfjarðar.

  3. Bókasafn

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að settur verði á stofn fimm manna starfshópur, sem hafi það verkefni að undirbúa flutning Bókasafns Hafnarfjarðar í hið nýja húsnæði við Fjarðargötu. Starfshópurinn fylgi eftir og gangi frá samkomulagi við verkaðila og eigendur að verslunarmiðstöðinni Firði um hlut Hafnarfjarðarbæjar í nýbyggingunni, sem tekin var skóflustunga að þann þann 29. nóvember 2022. Framkvæmdir eru þannig vel á veg komnar og verklok eru áformuð seint á næsta ári. Fyrir liggur viljayfirlýsing bæjar og eigenda/framkvæmdaaðila um að hlut Hafnarfjarðarbæjar í hinu nýja húsnæði; um 1500fm sem verði hið nýja Bókasafn Hafnarfjarðar. Mikilvægt er að undirbúningur þessa stórverkefnis hefjist nú þegar.

  Tillagan fari til umsagnar í menningar- og ferðamálanefnd og bæjarráði milli fyrri og síðari umræðu um fjárhagsáætlun.

  Greinargerð:
  Ljóst er að nú þegar þarf að ramma af og undirbúa til fullnustu byggingu nýs Bókasafns Hafnarfjarðar. Í fjárhagsáætlun Hafnarfjarðarbæjar er ekki gert ráð fyrir neinum fjárhæðum í verkefnið en gert ráð fyrir er ráð fyrir 382 milljónum í tekjur af sölu á Strandgötu 1. Því er brýnt að hefjast handa nú þegar að hefja undirbúning framkvæmdarinnar, m.t.t. kostnaðargreiningar, leigu eða kaup á nýju húsnæði og aðra þætti sem sem nauðsynlegt er að gaumgæfa. Til að flýta þeirri grunnvinnu verði skipaður starfshópur til þess að undirbúa og vinna málið.

  4. Opinn kynningarfundur – íbúafundur um fjárhagsáætlun 2024 og þriggja ára áætlun

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að á milli fyrri og síðari umræðu í bæjarstjórn verði haldinn opinn kynningarfundur fyrir íbúa þar sem fjárhagsáætlun 2024 og 2025-2027 verður kynnt fyrir íbúum.

  Greinargerð:
  Virkt íbúalýðræði á að vera í öndvegi við stjórnun sveitarfélagsins. Það er mikilvægt að íbúar hafi fjölbreytt tækifæri til þess að kynnast starfsemi sveitarfélagsins og möguleika til þess að koma sínum sjónarmiðum á framfæri milliliðalaust við bæjarstjórn og stjórnendur bæjarfélagsins. Fjárhagsáætlun er mikilvægasta stefnumótunartæki þess meirihluta sem situr hverju sinni. Því er mikilvægt að bæjarbúar fái góða og ítarlega kynningu á þeirri stefnumótun sem þar er að finna og hafi tækifæri til þess að leggja fram spurningar og koma með athugasemdir.

  5. Gjaldskrá vegna skólamáltíða

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að hlutdeild Hafnarfjarðarbæjar vegna skólamáltíða í leik – og grunnskólum verði hækkuð þannig að kostnaðarhlutdeild bæjarins verði 50% frá og með 1. janúar 2024.

  Tillagan fari til umsagnar í Fræðsluráði, bæjarráði, Foreldraráði Hafnarfjarðar, Leiskólaráði Hafnarfjarðar og hjá skólastjórnendum milli umræðna um fjárhagsáætlun.

  Greinargerð:
  Sú ákvörðun meirihluta Framsóknar- og Sjálfstæðisflokks að hækka gjaldskrá notenda vegna skólamáltíða í grunnskólum um 33% og um 19% í leikskólum frá og með 1. nóv. sl. bitnar verst á þeim sem búa við kröppustu kjörin í samfélaginu. Bæjarfulltrúar Samfylkingarinnar greiddu atkvæði gegn þessari ákvörðun í bæjarstjórn. Foreldraráð Hafnarfjarðar hefur mótmælt þessari hækkun harðlega og telur að þessi mikla hækkun ýti undir ójafnræði milli barna og að hún sé á skjön við Barnasáttmála Sameinuðu Þjóðanna og lög um farsæld. Það er því brýnt að meirihluti Framsóknar- og Sjálfstæðisflokks endurskoði þessa ákvörðun og dragi hana til baka. Vernda verður barnafjölskyldur í bænum gegn þessari miklu hækkun á gjaldskrá vegna skólamáltíða.

  Guðmundur Árni tekur til máls. Tekur einnig til máls undir fundarstjórn forseta.

  Forseti leggur næst til að fyrirliggjandi fjárhagsáætlun ásamt framlögðum tillögum að viðbótum verði vísað til þeirra ráða og nefnda sem við á. Er það samþykkt samhljóða.

  Einnig leggur forseti til að síðari umræða um fjárhagsáætlun fari fram 4. desember nk.

  Umræður um tillögur.

  Fulltrúar Samfylkingarinnar leggja fram eftirfarandi bókun:

  Vegna fjárhagsáætlunar Hafnarfjarðarbæjar 2024 og 2025, 2026.

  Eftirfarandi spurningum er vísað til hlutaðeigandi aðila í stjórnkerfi Hafnarfjaðarbæjar og óskað svara hið fyrsta, amk. viku fyrir síðari umræðu fjárhagsáætlunar 4.desember.

  1.Hver er hækkun fasteignaskatta og lóðaleigu (sundurliðað) á íbúðarhúsnæði /atvinnuhúsnæði (sundurliðað) í Hafnarfirði frá desember 2022 til desember 2023, í prósentuvís og krónum? Og hver verður upphæðin og hækkunin í desember 2024 (áætlun) miðað við forsendur fjárhagsáætlunar um 9,9% hækkun álagningar? Með og án aukningar í greiðendahópnum. Hver hefur vísitala neysluverðs verið til samanburðar á ofangreindu tímabili? Hver er krónutöluhækkun á íbúðarhúsnæði sem var í fasteignamati 2021 metin á 50 milljónir króna miðað við ofangreind tímabil og forsendur.? Hvað greiddi viðkomandi greiðandi í desember 2022 , desember 2023 og hvað mun hann greiða í desember 2024?

  2. Óskað er upplýsingar um er varðar áætlaða fjölgun greiðenda á komandi ári í útsvari og forsendur þar að baki. Einnig um fjölgun greiðenda í fasteignaskatti og forsendur þar að baki.

  3. Óskað er sundurliðunar á tekjum vegna gatnagerðargjalda, byggingarréttargjalda og innviðagjalda og forsendum þar að baki, svo sem varðandi hlutfall íbúðarlóða og atvinnulóða, hvaða svæði er um að ræða í bænum osfrv. Sundurliðun á við árið 2023 og svo skv. áætlun 2024

  4.Undirbúningur að nýjum skóla í Hamranesi. Í greinargerð með fjárhagsáætlun á bls.19 segir að „á árinu 2024 verð hafinn undirbúningur að grunnskóla í Hamranesi…“ Í sundurliðun fjárfestinga í sömu greinargerð undir heitinu Skólar, þá er er þetta verkefni ekki skráð. Hvað veldur? Undir safnheitinu er liður sem nefnist, Lagfæringar og uppbygging í skólum að upphæð 337 milljónir króna er þar að finna. Óskað er eftir sundurliðun á þeim lið.

  5. Undir safnheitinu, Fasteignaverkefni, óskilgreint, á bls. 57 í greinargerð með fjárhagsáætlun er að finna áætlun um útgjöld á árunum 2025-2028, samtals 1700 milljónir króna. Ekki er gert ráð fyrir útgjöldum á árinu 2024. Hvað er þarna að baki?

  6. Í greinargerð bæjarstjóra og bæjaryfirvalda með fjárhagsáætlun segir á bls.28, undir Menningarmál: „Samkomulag við Gaflaraleikhúsið gerir ráð fyrir leikhússtarfsemi með áherslu á sýningar fyrir börn við Víkingastræti….“. Er bæjaryfirvöldum ekki kunnugt um það, að húsnæðið var selt á árinu og leikhúsið hefur leitað að nýju húsnæði fyrir starfsemina og óskað aðstoðar bæjaryfirvalda í þeim efnum? Er annars eitthvað að frétta af vinnu við öflun viðunandi húsnæðis fyrir Gaflaraleikhúsið, sem er án húsnæðis eins og sakir standa?

  7. Óskað er greinargerðar frá Húsnæðisskrifstofu varðandi nýtingu fjárheimilda í fjárhagsáætlunum 202 og 2021, hversu margar íbúðir voru keyptar og á hvaða kjörum (áhvílandi lán, ný lán). Hvert er venjubundið verklag við kaup eigna. Eru íbúðir staðgreiddar eða sóst eftir hagkvæmri lántöku, sem leigjendur síðan standa undir með hóflegri leigu? Hverjar eru leigutekjur af útleigu félagslegra íbúða. Hversu mikil lán eru samtals áhvílandi á þeim 247 íbúðum sem eru reknar af Húsnæðisskrifstofu? Í greinargerð með fjárhagsáætlun segir á bls. 49 :“Fasteignamarkaðurinn hefur verið erfiður á þessu ári og lítið framboð af eignum sem hafa hentað Húsnæðisskrifstofunni.“ Hvernig kemur það heim og saman við gríðarlegt framboð íbúða, en lítil viðskipti á markaði? Hver er framtíðarstefnumörkun Húsnæðisskrifstofu varðandi fjölda íbúða á markaði? Hvernig metur Húsnæðisskrifstofa möguleika sína til að mæta eftirspurn í ljósi biðlista sem telur meira en 200 aðila í brýnni þörf?

  Eftirfarandi tillögum Viðreisnar er vísað til afgreiðslu í bæjarstjórn:

  1. Viðreisn leggur til að bæjarráð samþykki með formlegum hætti það að gatnagerðargjöld verði ekki bókfærð sem rekstrartekjur heldur séu dregin frá fjárfestingarlið eins og öll önnur sveitarfélög gera.

  2. Viðreisn leggur til hækkun framlaga til Markaðsstofu Hafnarfjarðar þannig að hægt verði að vera með framkvæmdastjóra í fullu starfi.

  Eftirfarandi tillögum Samfylkingar var vísað til umræðu í bæjarráði:

  1. Bæjarstjórn Hafnarfjarðar samþykkir að setja á stofn fimm manna starfshóp kjörinna fulltrúa, sem njóti stuðnings og aðstoðar sviðsstjóra fjölskyldusviðs, framkvæmdasviðs og stjórnsýslusviðs. Verkefni hópsins, er að halda áfram viðræðum við Sóltún, heilbrigðisráðuneyti, sjúkratryggingar ríkisins og aðra hagaðila verkefnisins. Starfshópurinn hafi samráð við aðra aðila, svo sem Öldungaráð og aðra þá sem geta miðlað þekkingu og sjónarmiðum í málinu. Starfshópurinn skili áfangaskýrslu og tillögum um verkefnið, s.s. varðandi aðferðafræði, fjármögnun og tímaramma um þessa mikilvægu uppbyggingu og rekstur. Fyrsti áfangi starfshópsins liggi fyrir eigi síðar en 1. mars næstkomandi.
  Bæjarstjórn samþykkir að vísa málinu til umfjöllunar í Fjölskylduráði, Umhverfis og framkvæmdaráði og bæjarráði milli fyrri og síðari umræðu fjárhagsáætlunar og komi til afgreiðslu í bæjarstjórn á fundi hennar 4.desember n.k. Auk þess verði tillagan send til umsagnar Öldungaráðs og Félags eldri borgara.

  2. Samþætting heimahjúkrunar og félagslegrar heimaþjónustu
  Bæjarstjórn Hafnarfjarðar felur bæjarstjóra að óska eftir viðræðum við heilbrigðisráðuneytið um samþættingu heimahjúkrunar og félagslegrar heimaþjónustu í Hafnarfirði.
  Lagt til að tillagan fari til umfjöllunar og umsagnar í fjölskylduráði og bæjarráði, Öldungaráði, Félagi eldri borgara, verkefnisstjórn hjúkrunarheimilisins á Sólvangi og stjórn Sólvangs.

  3. Bæjarstjórn Hafnarfjarðar samþykkir að settur verði á stofn fimm manna starfshópur, sem hafi það verkefni að undirbúa flutning Bókasafns Hafnarfjarðar í hið nýja húsnæði við Fjarðargötu. Starfshópurinn fylgi eftir og gangi frá samkomulagi við verkaðila og eigendur að verslunarmiðstöðinni Firði um hlut Hafnarfjarðarbæjar í nýbyggingunni, sem tekin var skóflustunga að þann þann 29. nóvember 2022. Framkvæmdir eru þannig vel á veg komnar og verklok eru áformuð seint á næsta ári. Fyrir liggur viljayfirlýsing bæjar og eigenda/framkvæmdaaðila um að hlut Hafnarfjarðarbæjar í hinu nýja húsnæði; um 1500fm sem verði hið nýja Bókasafn Hafnarfjarðar. Mikilvægt er að undirbúningur þessa stórverkefnis hefjist nú þegar.
  Tillagan fari til umsagnar í menningar- og ferðamálanefnd og bæjarráði milli fyrri og síðari umræðu um fjárhagsáætlun. Tillagan fari til umsagnar í menningar- og ferðamálanefnd og bæjarráði milli fyrri og síðari umræðu um fjárhagsáætlun.

  Tillögum Samfylkingar vísað til afgreiðslu í bæjarstjórn.

  Fulltrúar Samfylkingarinnar óska bókað:
  Gerð er alvarleg athugasemd við það, að tillögur Samfylkingarinnar sem lagðar fram á bæjarstjórnarfundi 8.nóvember sl. um nýtt hjúkrunarheimili og samþætting þjónustu vegna heimahjúkrunar og heimilishjálpar skuli ekki hafa verið sendar til umsagnar hjá Öldungaráði og Félagi eldri borgara. Sama gildir um tillögu vegna matarkostnaðar í skólum og leikskólum; hún barst ekki Foreldraráð Hafnarfjarðarbæjar. Í báðum tilfellum var lagt til í tillögunum sjálfum að þær færu þangað til umfjöllunnar. Í afgreiðslubæjarstjórnar var samþykkt sú málsmeðferð. Þrátt fyrir eftirfylgni af hendi kjörinna fulltrúa Samfylkingarinnar, þá fór tillagan ekki til nefndra aðila. Það er með ólíkindum og sýnir áhugaleysi og skilningsleysi meirihluta bæjarstjórnar á mikilvægi aðkomu hagaðila og sérfræðinga utan bæjarkerfis. Það skal tekið fram að bæjarfulltrúar Samfylkinginnar sendu síðan í gær erindið beint á nefnda aðila, þegar lá fyrir neitun bæjaryfirvalda á að leita ráðgjafar þessara öflugu hagsmunasamtaka, sem tillagan mælti fyrir um.

  Fulltrúar Sjálfstæðisflokks og Framsóknar leggja fram svohljóðandi bókun:

  Bæjarstjórn vísaði tillögum varðandi fjárhagsáætlun til ráða og nefnda eins og venja er við vinnslu fjárhagsáætlunar. Þar fer frekari vinnsla og umræða fram, þar sem kjörnir fulltrúar geta fylgt eftir frekari umsögnum og til þess voru gefnar fjórar vikur milli umræðna.

  Fulltrúar Samfylkingarinnar óska bókað:

  Samþykkt bæjarstjórnar kvað á um það, að nefndar tillögur færu til umfjöllunar í ráðum og nefndum. Öldungarráð, Félag eldri borgara og Foreldraráð Hafnarfjarðar eru „ráð og nefndir“ og því bar að senda þeim nefndar tillögur milliliðalaust. Það var ekki gert þrátt fyrir eftirrekstur. Það er gagnrýnt.

  1.liður úr fundargerð fjölskylduráðs frá 28.nóvember sl.
  Tillögur ásamt uppfærðri kostnaðaráætlun lagt fram.

  Tillögum vegna fjárhagsáætlunar vísað til afgreiðslu í bæjarstjórn.

  Meirihluti Framsóknar og Sjálfstæðisflokks bóka:

  Afar góð vinna hefur átt sér stað við gerð fjárhagsáætlunar fyrir árið 2024 meðal kjörinna fulltrúa og starfsfólks á Fjölskyldu-og barnamálasviði.

  Meirihluti fjölskylduráðs hefur ábyrga fjármálastjórnun að leiðarljósi við gerð fjárhagsáætlunar og leitast jafnframt ávallt við að halda góðu þjónustustigi.

  Tillögur meirihlutans sem hafa verið samþykktar eru meðal annars að aukið verður við stöðuhlutfall sálfræðings í barnavernd úr hálfu stöðugildi í heilt. Markmiðið er að veita meiri og markvissari ráðgjöf ásamt meðferðarviðtölum, handleiðslu og fleira.

  Þá verður aukið um tvö stöðugildi í heimaþjónustu við eldra fólk.

  Einnig verður fjölgað ferðum í akstursþjónustu eldra fólks úr 8 í 16 ferðir. Breyttar verða forsendur um tekjutengingu og kostnað notenda þar sem tekjulágir munu áfram greiða fullt strætógjald en aðrir greiði tvöfalt gjald fyrir ferð.

  Þá verður hafin vinna við uppbyggingu á nýjum búsetukjarna fyrir fatlað fólk að Smyrlahrauni.

  Við gerð fjárhagsáætlunar 2024 var skoðuð hækkun á gjaldi notanda vegna heimaþjónustu. Þróun síðustu ára hefur verið sá að hlutur sveitafélagsins í kostnaði hefur hækkað umfram hlut notenda til að mæta launahækkunum og hækkun á hráefniskostnaði.

  Samþykkt er að gjald verði hækkað um 9.9 % hækkun og áfram verði tekjutenging en vert er að taka fram að tekjuviðmið hækkar einnig sem grípur viðkvæmustu hópana.

  Hér er um að ræða nokkrar af tillögum meirihlutans en betur verður gert grein fyrir samþykktum tillögum frá Fjölskylduráði við síðari umræðu vegna fjárhagsáætlunar í bæjarstjórn.

  Fulltrúar Samfylkingarinnar leggja fram eftirfarandi bókun:

  Fulltrúar Samfylkingarinnar árétta fyrri bókun sína í fjölskylduráði frá 27.10.2023. Við teljum rétt að stilla gjaldskrárhækkunum í hóf og að þær verði ekki umfram þróun ársverðbólgu, þ.e. tólf mánaða breytingu vísitölu neysluverðs. Einnig er áréttað mikilvægi þess að hækkun bóta- og stuðningsgreiðslna verði þær hinar sömu og hækkun gjaldskrár. Einnig teljum við rétt að nýleg ákvörðun um hækkun á gjaldskrám vegna skólamáltíða um 33% í grunnskólum og 19% í leikskólum verði endurskoðuð. Á sama tíma hlífir meirihluti Framsóknar- og Sjálfstæðisflokks tekjuhæsta hópi samfélagsins með því að fullnýta ekki útsvarið. Það er sýndarmennska á meðan þjónustugjöld eru hækkuð um tæp 10% og sýndarmennskan birtist hvað skýrast í 9,9% hækkun fasteignaskatta, þegar verðhjöðnun hefur átt sér stað á fasteignamarkaði. Hafnarfjarðarbær er einfaldlega að hækka álögur á bæjarbúa.

  Fulltrúar Samfylkingarinnar leggja áherslu á að félagslegum íbúðum í eigu sveitarfélagsins verði fjölgað á næsta ári. Skortur er á félagslegum íbúðum og fjölgun þeirra er mikilvægur liður í að bregðast við vanda á húsnæðismarkaði.

  Því miður hefur samráð við Öldungaráð, ráðgjafaráð í málefnum fólks og fjölmenningarráð bæjarins ekki verið nógu markvisst við gerð þessarar fjárhagsáætlunar og nauðsynlegt að bragarbót verði gerð á því fyrir gerð næstu fjárhagsáætlunar.

  Fulltrúar Samfylkingarinnar hafa við gerð fjárhagsáætlunar lagt fram nokkrar skýrar og málefnalegar tillögur sem lúta að því að bæta hag bæjarbúa m.a. um hjúkrunarheimili og heilsugæslu í Hamranesi og á Völlum. Einnig tillögur sem varða samþættingu heimahjúkrunar og heimaþjónustu sem og tillögur varðandi aðstoð við ungmenni í viðkvæmri stöðu og fjölgun félagslegra íbúða.

  Ljóst er að snúin sigling er framundan í rekstri bæjarins eins og nýleg niðurstaða árshlutauppgjörs bæjarsjóðs sýnir. Nú sem fyrr leggur Samfylkingin áherslu á að staðinn verði vörður um velferðarþjónustu sveitarfélagsins og forgangsraðað í þágu hennar.

  Fulltrúi Viðreisnar óskar bókað: Viðreisn vísar í fyrri bókun um málið og ítrekar mikilvægi þess að gjaldskrárhækkunum sé stillt í hóf.

  9.liður úr fundargerð skipulags- og byggingaráðs frá 16.nóvember sl.
  Lögð fram bókun bæjarstjórnar frá 8. nóvember sl.

  Meirihluti skipulags- og byggingarráðs bendir á að á síðustu misserum hefur verið unnið að sjálfvirknivæðingu og móttöku umsókna og eyðublaða með rafrænum hætti í nánu samstarfi við þjónustu- og þróunarsvið, HMS og Skipulagsstofnun. Til að mynda er móttaka umsókna um byggingarleyfi og fylgiskjala orðin rafræn. Hins vegar eru enn atriði í meðferð skipulagsmála sem bundin eru í lög og ekki hægt að vinna með öðrum hætti.

  Fulltrúi Viðreisnar leggur fram eftirfarandi bókun: Bókun meirihluta um tillöguna bendir til þess að ekki sé vilji til þess að gera frekari úrbætur. Það eru vissulega vonbrigði að meirihlutinn hafi ekki meiri vilja til að nútímavæða vinnubrögð og bæta þjónustu.

  Fulltrúar Samfylkingarinnar bóka eftirfarandi:

  Gjaldskrárhækkanir
  Fulltrúar Samfylkingarinnar leggja áherslu á að þær tillögur sem vísað var til ráða og nefnda við fyrri umræðu um fjárhagsáætlun á 1920. fundi bæjarstjórnar 08.11. sl. fái vandaða og ítarlega umfjöllun á milli umræðna um fjárhagsáætlun 2024 og 2025-2027. Ljóst er að þjónustugjöld, gjaldskrár og álögur á bæjarbúa á að hækka langt umfram áætlaðar verðlagsbreytingar, eða tæp 10%. Það er íþyngjandi fyrir fyrirtæki og einstaklinga sem nýta sér þjónustu framkvæmda- og skipulagssviðs. Óábyrgar gjaldskrárhækkanir eru verðbólguhvetjandi í sjálfu sér. Á sama tíma kalla aðilar vinnumarkaðarins og opinberir aðilar, svo sem Seðlabankinn og ríkisstjórn eftir því að sveitarfélög haldi að sér höndum gagnvart verðlagshækkunum. Því ákalli ætlar meirihlutinn í Hafnarfirði, Sjálfstæðisflokkurinn og Framsóknarflokkurinn, ekki að svara. Á sama tíma hlífir meirihluti Framsóknar- og Sjálfstæðisflokks tekjuhæsta hópi samfélagsins með því að fullnýta ekki útsvarið. Það er sýndarmennska á meðan meirihlutinn fullnýtir heimildir sínar og rúmlega það til að hækka gjaldskrár og þjónustugjöld. Það birtist hvað skýrast í 9,9% hækkun fasteignaskatta, þegar verðhjöðnun hefur átt sér stað á fasteignamarkaði. Hafnarfjarðarbær er einfaldlega að hækka álögur á bæjarbúa.

  Tillögur

  Vistvænar byggingar
  Fulltrúar Samfylkingarinnar leggja til að áfram verði unnið að því að innleiða hvata til að hvetja framkvæmdaraðila til að draga úr umhverfisáhrifum framkvæmda og minnka kolefnisspori hvort heldur sem nýbyggingar, viðgerðir eða endurbætur á eldra húsnæði. Þetta á við um atvinnuhúsnæði, íbúðarhúsnæði, skrifstofur og frístundahúsnæði og framkvæmdir á vegum bæjarins. Ávinningurinn af því er mikill t.d. sporna hnattrænni hlýnun, verndar heilsu þeirra sem koma að verkinu á framkvæmdartíma og þeirra sem nota bygginguna eftir að hún er tekin í notkun

  Reykjanesbraut
  Fulltrúar Samfylkingarinnar leggja til að hafin verði vinna í samstarfi við Vegagerðina að finna framtíðarlausn á vegakaflnaum Reykjanesbrautar Lækjargötu-Álftanesveg. Umferðarþungi er mikill og umferðartalningar sýna að umferðin eykst með hverju árinu með fjölgun íbúa á Suðurnesjum og höfuðborgarsvæðinu og auknum ferðamannastraumi. Vegabætur heyra undir samgöngusáttmála höfuborgarsvæðinsins 2025-2028 og brýnt er að vinna hefjist sem fyrst að finna viðunandi lausn á þungri umferð og tilheyrandi töfum sem liggur í gegnum bæinn.

  Óttarsstaðir
  Fulltrúar Samfylkingarinnar leggja til að hafin verði vinna við skipulag Óttarstaða vestan við Straumsvíkur í samvinnu við landeigendur. Í aðalskipulagi Hafnarfjarðar er það merkt sem óskipulagt svæði. Aukin eftirspurn eftir íbúðar- og atvinnuhúsalóðum og grænum svæðum og stækkandi byggð kallar á nauðsyn þess að hafin sé vinna við við að móta framtíðarsýn svæðisins með gerð skipulags í samstarfi við íbúa og aðra hagaðila.

  Bláfjallavegur
  Fulltrúar Samfylkingarinnar minna á mikilvægi Bláfjallavegar sem tengingar Hafnfirðinga og Suðurnesjabúa að skíðasvæðinu í Bláfjöllum og einnig er vegurinn mikilvæg öryggisleið ef vá steðjar að. Heimild til lokunar var veitt tímabundið og all nokkrum sinnum hefur bæjarstjórn bókað um opnun vegarins, en ekkert hefur gerst. Fulltrúar Samfylkingarinnar óska eftir úttekt á stöðu mála og tímaáætlun fyrir opnun vegarins.

  Hagkvæmar íbúðir
  Fulltrúar Samfylkingarinnar leggja til að stofnaður verði starfshópur sem hefur það markmið að finna leiðir til að mæta fyrirsjáanlegum samdrætti í uppbyggingu íbúðarhúsnæðis og horfi í því sambandi til rammaáætlunar ríkis og sveitarfélaga um uppbyggingu íbúða á hagkvæmu verði.

  Hreinsunarátak
  Fulltrúar Samfylkingarinnar leggja til að farið verði í átak í hreinsun á iðnaðar- og nýbyggingarsvæðum. Mikilvægt er fyrir uppbygging atvinnulífs hér sem annars staðar sé snyrtilegt og umgengni góð. Sama má segja um nýbyggingarsvæði bæjarins eða þar sem framkvæmdir eru í byggðum hverfum. Snyrtilegt umhverfi bætir ímynd bæjarins sem verður eftirsóknarverðara sem valkostur fyrir rekstraraðila og íbúa bæjarins.

  Útivistar og almenningssvæði
  Fulltrúar Samfylkingarinnar leggja til að hafin verði vinna við skipulag Vallanna vegna útivistar og almenningssvæðis á Völlunum samanber tillögur starfshóps þess efnis sem var að störfum vorið 2022. Einnig að áfram verði unnið að grænkun Vallanna.

  Skilvirkni og styttri biðtími
  Fulltrúar Samfylkingarinnar leggja til að gerð verði úttekt á afgreiðslutíma tillagna og erinda hjá Hafnarfjarðarbæ til að finna leiðir til úrbóta til að auka skilvirkni og stytta afgreiðslutíma tillagana og erinda.

  6.liður úr fundargerð fræðsluráðs frá 29.nóvember sl.

  Lagðar fram tillögur fulltrúa Samfylkingarinnar, Viðreisnar og Foreldraráðs Hafnarfjarðar.

  Tillögur foreldraráðs Hafnarfjarðar

  Meirihluti fræðsluráðs fagnar því öfluga foreldrastarfi sem fram fer í Hafnarfirði og þeim tillögum sem ráðinu hefur borist á árinu.

  Almenningssamgöngur
  Að bærinn leiti leiða til að auka aðgengi barna á aldrinum 13 – 18 ára til tómstunda- og íþróttaiðkunar með því að niðurgreiða strætókort fyrir þau sem ekki hafa aðgang að frístundaakstri. Strætó hefur átt undir högg að sækja en með þessu er verið að auka líkurnar á að notendum fjölgi.
  Meirihluti fræðsluráðs tekur undir mikilvægi þess að aðgengi barna sé gott að tómstunda- og íþróttaiðkunar en fellst ekki á fyrir sitt leiti tillögu um að niðurgreiða strætókort fyrir 13-18 ára börn og ungmenni.

  Skólalóðir
  Að farið verði í víðtækar endurbætur og viðhald á skólalóðum bæjarins sem margar þurfa á yfirhalningu að halda og stuðlað verði að samræmi milli skólalóða hvað varðar leiktæki, aðstöðu og leikvelli. Einnig að bætt verði úr lýsingu í og við skóla ásamt eftirliti með myndavélum.
  Meirihluti fræðsluráðs vísar til þess að í framkvæmdaáætlun fyrir árið 2024 er gert ráð fyrir fjármagni í endurbætur og viðhald skólalóða. Tillögu þessari er því vísað til sviðsstjóra framkvæmdasviðs.

  Betri félagsmiðstöðvar
  Að farið verði í vinnu við að bæta aðstöðu félagsmiðstöðva sem þess þurfa til þess að öll börn vilji sækja sína félagsmiðstöð þar sem þær þjóna mikilvægu félagslegu- og forvarnar hlutverki hjá börnum.
  Meirihluti fræðsluráðs tekur undir tillögu foreldraráðs grunnskólabarna og bendir á að einmitt í dag, þann 29. nóvember voru samþykktar tillögur frá starfshópi sem unnið hefur á árinu við að bæta enn frekar starf tómstundamiðstöðva. Mikilvægt er að meta tillögur þegar reynsla er komin á þær en innleiðing hefst á árinu 2024. Megin markmið tillagnanna er að efla starf með börnum og ungmennum á miðstigi og ungingastigi, að stjórnun tómstundamiðstöðva (frístund- og félagsmiðstöðva) verði efld með það fyrir augum að leggja enn frekari áherslu á forvarnargildi öflugs félagslífs og gildi þess að börn og ungmenni upplifi sig tilheyra félagsmiðstöð sem horfir til þarfa hvers hóps fyrir sig.

  Músík og mótor
  Að leitað verði leiða til að Músík og mótor fái betra húsnæði. Um afar mikilvægt starf er að ræða sem hefur fyrir löngu sannað sig. Starfsemina þarf gott og vandað húsnæði með aðgengi fyrir alla sem hentar starfseminni. Það er úrelt hugsun að það sé í lagi að félags- og tómstundastarf unglinga fari fram í lélegu húsnæði.
  Meirihluti fræðsluráðs vísar tillögu til skoðunar hjá sviðsstjóra mennta- og lýðheilsusviðs.

  Samstarf heimilis og skóla
  Að farið verði í átak í að efla samstarf heimilis og skóla. Á vormánuðum skilaði starfshópur skýrslu með tillögum um aukið samstarf og lágmarksviðmið til að efla samstarf heimilis og skóla. Þar kemur m.a. fram tillaga um að skipa fulltrúa í ákveðnu starfshlutfalli á skólaskrifstofu sem sinnir samstarfi heimilis og skóla. Einnig er ljóst að aukið fjármagn þarf til skólanna og skólaskrifstofu varðandi eflingu foreldrasamstarfs.
  Meirihluti fræðsluráðs vísar tillögu til sviðsstjóra mennta- og lýðheilsusviðs þar sem honum er falið að greina þá vinnu sem mennta- og lýðheilsusvið hefur farið í er tengist tillögum frá starfshóp. Í skýrslu sem lögð var fram þegar tillögur voru samþykktar segir: Á skrifstofu mennta- og lýðheilsusviðs skal vera starfsmaður sem er tengill við foreldrafélög og styður við starfsemi þeirra. Tryggja skal að skólastjórnandi skipi tengilið milli heimilis og skóla.

  Fulltrúi Viðreisnar og Samfylkingar vilja bóka undir tillögum Foreldraráðs. Foreldraráð er málsvari foreldra Grunnskólabarna, í því ljósi þá teljum við mikilvægt að þessar raddir fái að heyrast og það sé tekið jákvætt undir þessar tillögur, hvort sem þeim sé komið áfram í hugmyndavinnu, rýndar eða lagt fjármagn í að byrja að vinna að þeim. Hér er um að ræða lýðræðislegar raddir sem verði að fá að heyrast.

  Tillögur Samfylkingarinnar
  Gjaldskrá vegna skólamáltíða Bæjarfulltrúar Samfylkingarinnar leggja fram eftirfarandi tillögu: Bæjarstjórn Hafnarfjarðar samþykkir að hlutdeild Hafnarfjarðarbæjar vegna skólamáltíða í leik – og grunnskólum verði hækkuð þannig að kostnaðarhlutdeild bæjarins verði 50% frá og með 1. janúar 2024. Tillagan fari til umsagnar í Fræðsluráði, bæjarráði, Foreldraráði Hafnarfjarðar, Leikskólaráði Hafnarfjarðar og hjá skólastjórnendum milli umræðna um fjárhagsáætlun. Greinargerð: Sú ákvörðun meirihluta Framsóknar- og Sjálfstæðisflokks að hækka gjaldskrá notenda vegna skólamáltíða í grunnskólum um 33% og um 19% í leikskólum frá og með 1. nóv. sl. bitnar verst á þeim sem búa við kröppustu kjörin í samfélaginu. Bæjarfulltrúar Samfylkingarinnar greiddu atkvæði gegn þessari ákvörðun í bæjarstjórn. Foreldraráð Hafnarfjarðar hefur mótmælt þessari hækkun harðlega og telur að þessi mikla hækkun ýti undir ójafnræði milli barna og að hún sé á skjön við Barnasáttmála Sameinuðu Þjóðanna og lög um farsæld. Það er því brýnt að meirihluti Framsóknar- og Sjálfstæðisflokks endurskoði þessa ákvörðun og dragi hana til baka. Vernda verður barnafjölskyldur í bænum gegn þessari miklu hækkun á gjaldskrá vegna skólamáltíða.
  Meirihluti fræðsluráðs hafnar tillögu fyrir sitt leiti varðandi breytingu á greiðsluþátttöku vegna skólamáltíða. Meirihluti leggur áherslu á að vinna við nýtt útboð fyrir skólamáltíðir í leik- og grunnskólum er í vinnslu þar sem þjónustuþættir og verðlag verður lagt til grundvallar í töku tilboðs og áhersla á að ekki falli frekari hækkanir á barnmargar fjölskyldur. Þá er vakin athygli á því að í Hafnarfirði er systkinaafsláttur nær til barnafjölskyldna með fleiri en eitt barn á heimili.

  Tillögur Viðreisnar
  Að taka frá fjármagn til að fara í markvissa vinnu er snýr að skólamáltíðum. Nú er samningurinn við fyrirtækið sem sér um þessa þjónustu í dag á tímamótum og gjaldskráin hefur hækkað umtalsvert á skömmum tíma. Hæst er umræðan í grunnskólum. Kallað hefur eftir endurskoðun á skólamáltíðum bæjarins, bæði frá fulltrúa Viðreisnar og um að þessi mál verði endurskoðuð með fjölbreytni i huga og skoðaðar nýjar leiðir. Því óskum við eftir því að settur verður á laggirnar starfshópur um skólamáltíðir. Í starfshópnum séu kjörnir fulltrúar frá öllum flokkum, starfsmaður frá sviðinu, fulltrúi frá ungmennaráði, og fulltrúi starfsmanna grunnskóla, kennara og skólastjórnenda og fulltrúi frá foreldraráði. Starfshópnum verði falið að kynna sér hvernig máltíðum er háttað í nærliggjandi sveitafélögum. Geti kallað eftir tölulegum gögnum. Fá upplýsingar um fjölbreyttar útfærslur að útboði. Geti unnið vel að tillögum fyrir skóla Hafnarfjarðarbæjar. Tillögurnar verði svo kynntar fyrir fræðsluráð. Einnig verði kannað hvort og hvar væri hægt að koma upp eldhúsi í skólum Hafnarfjarðar, líkt og í Áslandsskóla út frá kostnaði, gæðum matarins og matarsóun.
  Tillaga Viðreisnar sem snýr að skólamat er hafnað þar sem vinna við útboð er þegar hafin.

  Að fjölga sálfræðingum í grunnskólum bæjarins um einn.
  Meirihluti fræðsluráðs hafnar fyrir sitt leiti tillögu Viðreisnar um fjölgun sálfræðinga og bendir á að þjónusta við börn með sem þurfa frekari stuðning er unnin í gegnum verklag Brúarinnar með áherslu á samþættingu innan og milli kerfa. Öflugt þverfaglegt starf ólíkra sérfræðinga í skólaþjónustu er áhersla á sviðinu í samvinnu við F&B og tilkomu deildar fjölskyldu og skólaþjónustu. Reynt er að halda jafnvægi milli úrræða og leiða í samræmi við stöðumat, þarfir nemenda og skóla í bland við greiningar. Meirihluti fræðsluráðs vekur athygli á því að aðgengi barna að sálfræðingum er ekki hluti af lögbundinni þjónustu grunnskóla.

  Frístundarstyrkir hækki í takt við vísitöluhækkanir.
  Meirihluti fræðsluráðs hafnar tillögu Viðreisnar um hækkun frístundastyrks tengda vísitöluhækkun. Meirihluti fræðsluráðs leggur til að frístundastyrkir verði hækkaðir um 5,6% og hækki því úr 54.000 í 57.000 frá og með ágúst 2024.

  Að frístundaakstur bæjarins verði útvíkkaður til eldri aldurshópa með niðurgreiðslu á árskortum í strætó. Í dag er frístundabíllinn undir tómstundum og því hluta til í þessu ráði. Því leggur fulltrúi Viðreisnar til að í Fjárhagsáætlun Fræðsluráðs verði skoðaðar leiðir til þess að fjármagna niðurgreiðslu árskorta barna og ungmenna í strætó. Það sé bæði ávinningur fyrir strætó, til þess að halda áfram að geta þjónustað og ýtir undir að framtíðarkynslóðir nýti sér almenningsamgöngur.
  Meirihluti fræðsluráðs tekur undir mikilvægi þess að aðgengi barna sé gott að tómstunda- og íþróttaiðkunar en fellst ekki á tillögu um að niðurgreiða strætókort fyrir börn og ungmenni.

  Til máls tekur Rósa Guðbjartsdóttir. Til andsvars kemur Guðmundur Árni Stefánsson.

  Þá tekur Kristín Thoroddsen til máls. Einnig Margrét Vala Marteinsdóttir, Orri Björnsson og Valdimar Víðisson.

  Þá tekur Guðmundur Árni Stefánsson til máls og leggur fram eftirfarandi tillögur að breytingum á fjárhagsáætlun:

  1. Útsvar

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að útsvarsprósenta ársins 2024 verði 14,74.

  Greinargerð:
  Með því að nýta fyrirliggjandi lagaheimildir í fjárhagsáætlun ársins 2024 gefst fjárhagsauki að upphæð 50 til 60 milljónir króna. Þær fjárhæðir nýtast m.a. til þeirrar mikilvægu verkefna á sviði aukinnar velferðar í bænum, sem finna má í margháttuðum tillögum bæjarfulltrúa Samfylkingarinnar. Hækkunin frá fyrirliggjandi tillögu, frá 14.70 í 14.74 er 0,0027%.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar greiða atkvæði með tillögunni. Fulltrúi Viðreisnar situr hjá.

  2. Sparnaður og hagræðing

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að fela bæjarstjóra að draga saman kostnað á stjórnsýslusviði í aðkeyptri þjónustu bæjarins á árinu, sem nemur 100 milljónum króna á komandi fjárhagsári.

  Greinargerð:
  Öll stærri sveitarfélög landsins og ríkissjóður er jafnan með hagræðingarkröfur á stofnanir viðkomandi aðila, þar sem þeim er falið hagræða og spara. Í fjárhagsáætlun ársins 2023 samþykkti meirihluti Framsóknarflokks og Sjálfstæðisflokks að hagræðingarkrafan væri 500 milljónir. Ekkert var gert í málinu og þrátt fyrir ítrekaðar fyrirspurnir um sundurliðaðar aðgerðir á þessu sviði, þá komu engin svör. Hér er lagt til þrengri aðkomu að verkefninu og það miði einkanlega að sviði stjórnsýslu og aðkeyptrar þjónustu af ólíkum toga, sem skiptir milljörðum hvað útgjöld varðar í bæjarkerfinu.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar greiða atkvæði með tillögunni. Fulltrúi Viðreisnar situr hjá.

  3. Leyfisgjald/flýtigjöld vegna rannsóknarborana HS Orku í Krýsuvík.

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að innheimt verði leyfisgjald/flýtigreiðsla/aðstöðugjald vegna væntanlegra jarðborana af hálfu HS Orku í Krýsuvík, að upphæð 500 milljónir króna.

  Greinargerð:
  Fyrir liggur að HS Orka mun á komandi misserum ráðast í umsvifamiklar tilraunaboranir í Krýsuvík. Bæjarstjórn Hafnarfjarðar, sem landeigandi hefur fyrir sitt leyti, samþykkt að í þetta verkefni verði ráðist, enda standa vonir til þess að á þessu svæði finnist umtalsvert magn af heitu vatni sem mun hafa jákvæð áhrif á orkubúskapinn á Stór – Hafnarfjarðarsvæðinu, varðandi heitt og kalt vatn, sem og rafmagnsframleiðslu. Málið er umfangsmikið og margs þarf að gæta, ekki síst varðandi umhverfismál og umgengni. Fyrirliggjandi samkomulag aðila gerir ráð fyrir ítarlegri kynningu gagnvart bæjarbúum. Ekkert hefur orðið að því, þrátt fyrir margar ítrekanir jafnaðarmanna, Samfylkingarinnar, í þá veru. Nýtingarsamningur verður að óbreyttu gerður á næsta ári og þarf bæjarstjórn að fjalla um hann og taka ákvarðanir um gjaldtöku og fleira. Ekki er óvarlegt að áætla að leyfishafinn, HS Orka greiði landeiganda, Hafnarfjarðarbæ á fyrstu stigum aðstöðugjald eða leyfisgjald til að ráðast í þessar boranir sem munu óhjákvæmilega kalla á jarðrask. Þess vegna er er gengið út frá því að HS Orka greiði a.m.k. 500 milljónir í aðstöðugjald til Hafnarfjarðarbæjar á árinu 2024 vegna þessara rannsóknarborana. Það verði síðan metið í hvernig þær greiðslur komi inn í nýtingarsamning aðila áður en eiginlega framkvæmdir hefjast. Vissulega er nokkur óvissa til staðar vegna jarðhræringa ekki fjarri Krýsuvík, nú síðast í nágrenni Grindavíkur. Áhrif þeirra eru ekki að fullu fram komin. Hins vegar gætu afleiðingar þeirra aukið enn frekar á mikilvægi þess að afla jarðvarma frá Krýsuvík, auk neysluvatns og rafmagna, enda er orkuskortur framundan að óbreyttu. Nýtingarheimild er um orkuöflun í Krýsuvík samkvæmt samþykktri rammaáætlun Alþingis.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar greiða atkvæði með tillögunni. Fulltrúi Viðreisnar situr hjá.

  4. Lóðasala/ aðstöðugjald /flýtigreiðsla Carbfix

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að tekjufæra 600 milljónir á næsta ári vegna lóðasölu/lóðavilyrðis/aðstöðugjalds til Carfbix /Coda Terminal vegna lóða og aðstöðu á svæðinu ofan Reykjanesbrautar gegnt Álverinu í Straumsvík.

  Greinargerð:
  Ljóst er að hið umfangsmikla verkefni sem er í virkum undirbúningi vegna Carbfixverkefnisins svokallað kallar á útgjöld af hálfu Hafnarfjarðarbæjar og ekki síst Hafnarfjarðarhafnar. Þá liggur fyrir að fyrirtækið þarf á stórum lóðum að halda á næstu misserum og stefnir í umfangsmikla úthlutun fyrirtækinu til handa á næstu mánuðum. Bæði ofan Reykjanesbrautar sem og á nýrri uppfyllingu við nýja hafnargerð. Ennfremur kallar starfsemin á sérstakar aðgerðir af hálfu Hafnarfjarðarbæjar, m.a. gerð nýrrar stórskipahafnar. Í þessari tillögu er aðeins hluti þeirra verðmæta tekjufærður á næsta ári og sérstaklega eyrnamerktur Carbfixverkefninu og hefur ekki áhrif á áætlaðar tekjur bæjarins af annarri lóðasölu. Carbfixverkefnið er enn á byrjunar- og rannsóknarstigi, sem og í umhverfismati. Vanda skal til verka. En ekki er óeðlilegt að fyrirtækið greiði stofngjald í þessa veru, sem gæti m.a. að hluta nýst til undirbúnings hafnargerðar og annarrar aðstöðusköpunar af hálfu bæjarins skv. frekari ákvörðunum. Frekari samningar bæjarins og Carbfix þarf að ráðast í á næsta ári. Þar er í mörg horn að líta.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar greiða atkvæði með tillögunni. Fulltrúi Viðreisnar situr hjá.

  5. Hækkun þjónustugjalda vegna fráveitu og móttöku frárennslis frá Garðabæ.

  Bæjarfulltrúar Hafnarfjarðar leggja fram eftirfarandi tillögu:

  Bæjarstjórn Hafnarfjarðar samþykkir að þjónustugjöld/tekjur vegna fráveitu hækki um 60 milljónir króna vegna þjónustusamnings bæjarins við Garðabæ.

  Greinargerð:
  Fyrir liggur að fráveitukerfi Hafnarfjarðarbæjar tekur við umtalsverðu magni frárennslis frá Garðabæ. Samningur bæjarfélaganna um þau efni kvað á um árlega greiðslu frá Garðabæ til Hafnarfjarðar að upphæð 12,5 milljónir króna. Sú upphæð er allt of lág og stenst enga skoðun. Sá samningur er útrunninn og þarf að ganga frá nýjum til næstu ára, eða þar til Garðabær hefur lokið stórum framkvæmdum við eigið lagnakerfi. Lagt er til að þessi upphæð verði um 70 milljónir á ári.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  6. Lækkun gjaldskrár og þjónustugjalda

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að 700 milljónum króna verði ráðstafað til lækkunar gjaldskrár og þjónustugjalda bæjarins á komandi ári, þannig að Hafnarfjarðarbær leggi sitt að mörkum til að ná niður verðbólgu, bæta kjör launafólks og liðka fyrir farsælli niðurstöðu kjarasamninga á komandi ári. Útfærsla verði unnin af bæjarráði og tillögur um skiptingu þessarar útgjaldaldalækkunar gagnvart bæjarbúum verði síðan staðfestar í bæjarstjórn í byrjun árs 2024.

  Greinargerð:
  Í tekjuöflunar- og sparnaðartillögum Samfylkingarinnar er að finna nýja tekjuöflun að upphæð 1320 milljónir króna. Útgjöld til fjölþættra verkefna er um 600 milljónir króna samkvæmt tillögum jafnaðarmanna. Þær 700 milljónir sem eftir standa af tekjuaukanum verði nýttar til lækkunar gjaldskrár og þjónustugjalda gagnvart bæjarbúum skv. nánari útfærslu og tillögum bæjarráðs og verði síðan staðfestar í bæjarstjórn á fyrstu vikum ársins 2024.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  6. Gjaldskrá vegna skólamáltíða

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að hlutdeild Hafnarfjarðarbæjar vegna skólamáltíða í leik – og grunnskólum verði hækkuð þannig að kostnaðarhlutdeild bæjarins verði 50% frá og með 1. janúar 2024. Kostnaðarauki verði um 103 milljónir króna á árinu 2024.

  Greinargerð:
  Sú ákvörðun meirihluta Framsóknar- og Sjálfstæðisflokks að hækka gjaldskrá notenda vegna skólamáltíða í grunnskólum um 33% og um 19% í leikskólum frá og með 1. nóv. sl. bitnar verst á þeim sem búa við kröppustu kjörin í samfélaginu. Bæjarfulltrúar Samfylkingarinnar greiddu atkvæði gegn þessari ákvörðun í bæjarstjórn. Foreldraráð Hafnarfjarðar hefur mótmælt þessari hækkun harðlega og telur að þessi mikla hækkun ýti undir ójafnræði milli barna og að hún sé á skjön við Barnasáttmála Sameinuðu Þjóðanna og lög um farsæld. Það er því brýnt að meirihluti Framsóknar- og Sjálfstæðisflokks endurskoði þessa ákvörðun og dragi hana til baka. Vernda verður barnafjölskyldur í bænum gegn þessari miklu hækkun á gjaldskrá vegna skólamáltíða. Bæjarfulltrúar jafnaðarmanna leggja hér til að hækka framlag til verkefnisins um 100 milljónir, sem fyrsta skref í þá átt að gera skólamáltíðir fyrir ungmenni bæjarins aðgengilegar fyrir alla – burtséð frá afkomu foreldra.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  Til andsvars kemur Orri Björnsson. Guðmundur Árni svarar andsvari. Orri kemur þá að andsvari öðru sinni sem Guðmundur Árni svarar.

  Þá tekur Jón Ingi Hákonarson til máls.

  Fundarhlé kl. 20:47 – Fundi framhaldið kl. 21:31.

  Til máls tekur Árni Rúnar Þorvaldsson og leggur fram eftirfarandi tillögur að breytingum á fjárhagsáætlun:

  1. Húsnæðisskrifstofa – fjölgun félagslegra íbúða

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að framlag til fjárfestingar í félagslega íbúðakerfinu verði aukið um 200 milljónir, verði 400 milljónir á árinu 2024. Gert er ráð fyrir að Húsnæðisskrifstofa geti gengið frá kaupum á ca 15 íbúðum á næsta ári, enda er gert ráð fyrir því, að fasteignalán fylgi íbúðunum, sem staðið verði skil á að verulega leyti með leigugreiðslum notenda.

  Greinargerð:
  Á undanförnum árum hefur félagslegum íbúðum fjölgað afar hægt hjá Hafnarfjarðarbæ. Það kallar á kraftmeiri fjárfestingu í kerfinu. Á yfirstandandi ári hafa 2 íbúðir verið keyptar inn í kerfið og sömu sögu er að segja frá síðasta ári. Biðlistar eftir félagslegu húsnæði eru langir, hlaupa á hundruðum einstaklinga og fjölskyldna og margt fólk þar í mikilli neyð. Þess vegna er nauðsynlegt að fjölga markvisst félagslegum íbúðum sveitarfélagsins og setja aukinn kraft í þetta mikilvæga verkefni. Í Reykjavík er gert ráð fyrir að fjölga félagslegum íbúðum um 90 á næsta ári. Ef Hafnarfjörður ætlaði sér að fjölga hlutfallslega jafn mikið og Reykjavík þá þyrfti fjölgunin að nema um 16 íbúðum á ári. Hér er gert ráð fyrir átaki í þessum efnum og einnig breyttri nálgun og horfið verði frá því fyrirkomulagi að staðgreiða keyptar íbúðir, en þess í stað verði hagkvæm lán látin fylgja íbúðunum; lán sem greidd verða niður með hófstilltum greiðslum leigjenda. Ljóst er að bærinn hefur tekið lán sem eru eyrnamerkt Húsnæðisskrifstofu. Mikilvægt er að koma þeim málum í fastari skorður og að árlegt sjálfstætt uppgjör fylgi Húsnæðisskrifstofu (eignir, lán, tekjur, framlag Hafnarfjarðarbæjar), þannig að heildstætt yfirlit sé fyrirliggjandi. Það mikilvægt í þessum mikilvæga málaflokki. Einnig að aðgengi upplýsinga verði þannig tryggara gagnvart kjörnum fulltrúum, ekki síst í Fjölskylduráði.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  2. Brettafélag – húsnæðismál

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að framlag kaup/leiga á nýju húsnæði fyrir starfsemi Brettafélagsins verði 50 milljónir króna á árinu 2024.

  Greinargerð:
  Ljóst er að húsnæði Brettafélagsins við Flatahraun er alls óviðunandi. Húsnæðið er komið til ára sinna og viðhaldi lítt verið sinnt. Mygla er í hluta hússins, sem gerir þann hluta ónothæfan. Mikilvægt er að þetta vaxandi og kraftmikla íþróttafélag fái þann stuðning sem því ber, enda hafa forsvarsmenn þess ítrekað óskað eftir endurbótum á húsnæðinu eða ný húsakynni fyrir hina virku starfsemi. Bæjarráð samþykkti á fundi þann 31.11.2023 að taka á leigu húsnæði við Selhellu 7 sem að stærstum hluta verður nýtt af Brettafélagi Hafnarfjarðar. Fulltrúar Samfylkingarinnar telja eðlilegt að gert sé ráð fyrir fjármunum í verkefnið við afgreiðslu fjárhagsáætlunar 2024.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  3. Markaðsstofa Hafnarfjarðar

  Bæjarfulltrúar Hafnarfjarðar leggja fram eftirfarandi tillögu:

  Bæjarstjórn Hafnarfjarðar samþykkir að viðbótarframlag til Markaðsstofu Hafnarfjarðar verði 10 milljónir króna.

  Greinargerð:
  Markaðsstofa Hafnarfjarðar er mikilvægt tæki til að efla stöðu Hafnarfjarðar hvað varðar verslun og viðskipti. Þessa starfsemi þarf að styrkja myndarlega, en eins og sakir standa er henni þröngur stakkur skorinn. Með þessu viðbótarframlagi er styrkari stoðum skotið undir starfsemina. Með þeirri aukningu sem hér er lögð til getur Markaðsstofa Hafnarfjarðar aukið starfshlutfall starfsmanns og aukið þann enn frekar kraftinn í starfi Markaðsstofunnar. Einnig er mikilvægt að það verði skoðað í samstarfi við Markaðsstofu Hafnarfjarðar hvort æskilegt sé að gerður verði samningur um rekstur Markaðsstofunnar til lengri tíma með það að markmiði að tryggja enn betur festu og fyrirsjáanleika í starfseminni til framtíðar.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  4. Opinn kynningarfundur – íbúafundur um fjárhagsáætlun 2024 og þriggja ára áætlun

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að á milli fyrri og síðari umræðu í bæjarstjórn verði haldinn opinn kynningarfundur fyrir íbúa þar sem fjárhagsáætlun 2024 og 2025-2027 verður kynnt fyrir íbúum.

  Greinargerð:
  Virkt íbúalýðræði á að vera í öndvegi við stjórnun sveitarfélagsins. Það er mikilvægt að íbúar hafi fjölbreytt tækifæri til þess að kynnast starfsemi sveitarfélagsins og möguleika til þess að koma sínum sjónarmiðum á framfæri milliliðalaust við bæjarstjórn og stjórnendur bæjarfélagsins. Fjárhagsáætlun er mikilvægasta stefnumótunartæki þess meirihluta sem situr hverju sinni. Því er mikilvægt að bæjarbúar fái góða og ítarlega kynningu á þeirri stefnumótun sem þar er að finna og hafi tækifæri til þess að leggja fram spurningar og koma með athugasemdir.

  Er framangreind tillaga um opinn kynningarfund – íbúafund um fjárhagsáætlun 2024 og þriggja ára áætlun, dregin til baka, þar sem hún gerir ráð fyrir því að kynningarfundurinn hefði átt að vera haldinn milli umræðna í bæjarstjórn.

  Þá tekur Hildur Rós Guðbjargardóttir til máls og leggur fram svohljóðandi tillögur að breytingum á fjárhagsáætlun:

  1. Leikfélag Hafnarfjarðar

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að framlag vegna starfsemi og húsaleigu Leikfélags Hafnarfjarðar verði 9 milljónir á árinu 2023.

  Greinargerð:
  Leikfélag Hafnarfjarðar hefur verið á hrakhólum hvað húsnæði varðar undanfarin ár og nú síðast frá áramótunum 2021/2022 hefur félagið verið húsnæðislaust. Það er mikilvægt að bærinn styðji mikilvægt grasrótarstarf í menningarmálum bæjarins eins og Leikfélag Hafnarfjarðar er. Þar hefur i gegn um tíðina verið unnið mikilvægt starf í þágu blómlegs menningarlífs og margt ungt fólk fengið þar tækifæri til að stíga sín fyrstu spor á leiklistarbrautinni. Mikilvægt er að styðja við þau til að tryggja að svo verði áfram. Framlag þetta er sem næst í samræmi við óskir félagsins.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  2. Frístundarstyrkur

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að frístundastyrkur verði alls 65 þúsund krónur á hvern einstakling, börn og ungmenni, á árinu 2024 og hækki um 10 þúsund krónur milli ára. Lágmarksaldur miðist við 5 ára aldur. Viðbótarkostnaður verði um 60 milljónir á komandi fjárhagsári.

  Greinargerð:
  Mikilvægi frístundastyrksins er óumdeilt og skiptir máli fyrir börn og ungmenni bæjarins og fjölskyldur þeirra. Með slíku framlagi er þess freistað að sem flestir geti tekið þátt í uppbyggilegri tómstunda- og/eða íþróttaiðkun. Þessi styrkur hefur ekki fylgt verðlagsþróun og það gerist ekki í tillögum Sjálfstæðisflokksins og Framsóknarflokksins skv. fyrirliggjandi fjárhagsáætlun. Við þessu er brugðist í tillögu Samfylkingarinnar, auk þess sem styrkurinn er hækkaður ríflega umfram verðlagsþróun. Jafnframt er ráð fyrir því gert að 5 ára aldur njóti einnig styrksins.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  3. Skólalóðir; endurgerð skóla- og leikskólalóða

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að framlag til endurgerðar skóla- og leikskólalóða hækki um 30 milljónir króna frá fyrirliggjandi tillögum í fjárhagsáætlun..

  Greinargerð:
  Uppsöfnuð þörf er á átaki í endurgerð skóla- og leikskólalóða vegna vanrækslu umliðinna ára. Í þessari tillögu er lagt til að taka stærri skref í þessum efnum en tillaga meirihluta Sjálfstæðisflokks og Framsóknarflokks gerir ráð fyrir. Mikilvægt er að metnaður verði lagður í að gera skólalóðir í Hafnarfirði að eftirsóknarverðum leiksvæðum og til þess að svo megi verða er mikilvægt að samráð sé haft við ungmennaráð, Foreldraráð og starfsfólk skólanna ásamt starfsfólki umhverfis og fræðslusviðs.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  4. Aðgengismál

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að sérstakt aukaframlag upp á 40 milljónir króna verði eyrnamerkt nýju átaki í aðgengismálum í almenningsrýmum, s.s. á göngustígum, vegna lýsingar og hljóðmerkinga við gangbrautir.

  Greinargerð:
  Tillagan lýsir sér sjálf. Mikil þörf er á átaki í þessum efnum, sem tengist aðgengi fólks innan- og utanhúss. Sérstaklega ber að gaumgæfa umferðaröryggi í þessu sambandi, svo sem lýsingu, hljóðmerki við gangbrautir. Þarna er þörf á átaki. Þetta er skref í þá átt.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  5. Úttekt vegna raka- og mygluskemmda.

  Bæjarfulltrúar Hafnarfjarðar leggja fram eftirfarandi tillögu:

  Bæjarstjórn Hafnarfjarðar samþykkir að fela fræðsluráði að gera sérstaka úttekt á mögulegri myglu í leik- og grunnskólum bæjarins. Hér er um fyrsta skref að ræða og kostnaður er áformaður 5 milljónir króna.

  Greinargerð:
  Fyrir liggja rannsóknir og upplýsingar, sem leitt hafa í ljós að vaxandi vandamál vegna myglu er að finna í opinberum byggingum, m.a. þeim sem þjónustu börn og ungmenni í leik- og grunnskólum. Hafnarfjarðarbær er þar ekki undanskilinn. Nauðsynlegt er að leita af sér allan grun í þessum efnum. Sérstaklega er sjónum hér beint að leik- og grunnskólum. Venjubundnar ráðstafanir á borð við loftsíur, snögg viðbrögð við sjáanlegum lekavandamálum eru góðra gjalda verðar, en reynslan sýnir að þær duga ekki alltaf til. Áætlun um heildarúttekt liggur fyrir og kostnaður við slíka úttekt er umtalsverður, enda mygla oft ekki sýnileg við yfirlitsskoðun, en jafn mikil ógn eftir sem áður gagnvart heilsu og vellíðan starfsfólk og nemenda. Tillagan gerir ráð fyrir að nokkrar stofnanir verði teknar í slíka úttekt á komandi ári.

  Til andsvars kemur Guðmundur Árni Stefánsson.

  Þá tekur Stefán Már Gunlaugsson til máls og leggur fram eftirfarandi breytingar á fjárhagsáætlun:

  1. Dansíþróttafélag Hafnarfjarðar

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að framlag til Dansíþróttafélag Hafnarfjarðar verði 8 milljónir á árinu 2024 vegna öflunar nýs húsnæðis til starfseminnar; kaup eða leiga.

  Greinargerð:
  Dansíþróttafélagið hefur verið á hrakhólum hvað húsnæði varðar og þarf þak yfir höfuðið vegna kraftmikillar starfsemi sinnar. Í þessari tillögu er lagt til hófstillt stofnframlag í þessa veru.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  2. Frítt í Strætó fyrir börn 12-15 ára

  Bæjarfulltrúar Samfylkingarinnar leggja fram eftirfarandi tillögu:

  Bæjarstjórn Hafnarfjarðar samþykkir að börn í Hafnarfirði á aldrinum 12-15 ára fái frítt í strætó. Árlegur viðbótarkostnaður vegna þessa er um 40 milljónir kr.

  Greinargerð:
  Bæði ungmennaráð og Foreldraráð Hafnarfjarðar hafa lagt til að hækka aldur barna sem fá frítt í strætó. Í því er fólgin bæði tímasparnaður og fjárhagslegur ávinningur fyrir foreldra og forráðafólk. Að auki dregur það úr umferð og hefur jákvæð umhverfisáhrif. Árlegur kostnaður er 40 milljónir.

  Þá tekur Jón Ingi Hákonarson til máls öðru sinni og leggur fram eftirfarandi tillögur að breytingum á fjárhagsáætlun:

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar greiða atkvæði með tillögunni og fulltrúi Viðreisnar situr hjá.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  Fræðsluráð

  1. Að taka frá fjármagn til að fara í markvissa vinnu er snýr að skólamáltíðum.

  Nú er samningurinn við fyrirtækið sem sér um þessa þjónustu í dag á tímamótum og gjaldskráin hefur hækkað umtalsvert á skömmum tíma. Hæst er umræðan í grunnskólum. Kallað hefur eftir endurskoðun á skólamáltíðum bæjarins, bæði frá fulltrúa Viðreisnar og um að þessi mál verði endurskoðuð með fjölbreytni i huga og skoðaðar nýjar leiðir. Því óskum við eftir því að settur verður á laggirnar starfshópur um skólamáltíðir. Í starfshópnum séu kjörnir fulltrúar frá öllum flokkum, starfsmaður frá sviðinu, fulltrúi frá ungmennaráði, og fulltrúi starfsmanna grunnskóla, kennara og skólastjórnenda og fulltrúi frá foreldraráði. Starfshópnum verði falið að kynna sér hvernig máltíðum er háttað í nærliggjandi sveitafélögum. Geti kallað eftir tölulegum gögnum. Fá upplýsingar um fjölbreyttar útfærslur að útboði. Geti unnið vel að tillögum fyrir skóla Hafnarfjarðarbæjar. Tillögurnar verði svo kynntar fyrir fræðsluráð. Einnig verði kannað hvort og hvar væri hægt að koma upp eldhúsi í skólum Hafnarfjarðar, líkt og í Áslandsskóla út frá kostnaði, gæðum matarins og matarsóun.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  2. Að fjölga sálfræðingum í grunnskólum bæjarins um einn

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  3. Að frístudnarstyrkir hækki í takt við vísitöluhækkanir

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  4. Að frístundaakstur bæjarins verði útvíkkaður til eldri aldurshópa með niðurgreiðslu á árskortum í strætó. Í dag er frístundabíllinn undir tómstundum og því hluta til í þessu ráði. Því leggur fulltrúi Viðreisnar til að í Fjárhagsáætlun Fræðsluráðs verði skoðaðar leiðir til þess að fjármagna niðurgreiðslu árskorta barna og ungmenna í strætó. Það sé bæði ávinningur fyrir strætó, til þess að halda áfram að geta þjónustað og ýtir undir að framtíðarkynslóðir nýti sér almenningsamgöngur.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  5. Hugmyndir um vinnuskóla Hafnarfjarðar og stefna í þeim málum sé endurskoðuð með fjölbreytni í huga. Markmiðið sé að mæta ungmennum sem eru að taka sín fyrstu skref á íslenska vinnumarkaðnum. Setti verði starfshópur á laggirnar til að endurskoða stefnu vinnuskólans. Hægt er að nýta sér niðurstöðu vinnuhóps Hafnarfjarðarbæjar sem skilaði af sér fyrir um 3- 4 árum.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  Umhverfis og framkvæmdaráð

  6. að sett verði aukið fjármagn til að mæta uppsafnaðri viðhaldsþörf hjá grunn- og leikskólum bæjarins

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  7. áherslu á að nauðsynlegt fjármagn verði tryggt til að bæta loftgæði og hljóðvist ásamt því að bæta og laga grunn- og leikskólalóðir

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  Fjölskylduráð

  8. Viðreisn leggja það til að fyrirhuguðum hækkunum á gjaldskrá bæjarins sé stillt í hóf. Þessar hækkanir munu leggjast einkar hart á Hafnfirðinga í því vaxta- og verðbólguumhverfi sem við búum við í dag og höfum gert undanfarnar vikur og mánuði

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  Skipulags og byggingarráð

  9. Fulltrúi Viðreisnar leggur til að lagt verði fjármagn í það verkefni að auka skilvirkni og gæði í skipulagsvinnu og byggingareftirliti. Meðal þátta sem vert er að kanna eru: Hvort möguleikar séu til einföldunar á skipulagsferlum. Hvort hægt er að auka sjálfvirkni í afgreiðslu erinda varðandi skipulag og byggingarleyfi með breyttum verkefnastjórnunaraðferðum og aukinni notkun stafrænnar tækni. Hvort hægt er að innleiða stafrænar lausnir á borð við gervigreind og stór-gagnagreiningar við skipulagsgerð m.a. við mat á þörf á innviðauppbyggingu fyrir ný hverfi og mat á umhverfisáhrifum mismunandi skipulagskosta. Hvort hægt er að nota fyrrnefndar stafrænar lausnir við áhættumat og skipulag eftirlits með mannvirkjagerð. Auk þess verði kannaðir möguleikar á þáttöku í samevrópskum skipulagsverkefnum s.s. URBACT verkefnum um sjálfbæra byggðaþróun og Smart City verkefnum. Æskilegt væri að ráðstafa allt að 10 milljónum í þetta verkefni á árinu 2024.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  Bæjarráð

  10. Viðreisn leggur til að bæjarráð samþykki með formlegum hætti það að gatnagerðargjöld verði ekki bókfærð sem rekstrartekjur heldur séu dregin frá fjárfestingarlið eins og öll önnur sveitarfélög gera.

  Samþykkt samhljóða að vísa málinu til bæjarráðs util umfjöllunar.

  11. Viðreisn leggur til hækkun framlaga til Markaðsstofu Hafnarfjarðar þannig að hægt verði að vera með framkvæmdastjóra í fullu starfi.

  Tillagan er felld þar sem sex fulltrúar Framsóknar og Sjálfstæðisflokks greiða atkvæði gegn tillögunni. Fjórir fulltrúar Samfylkingar og fulltrúi Viðreisnar greiða atkvæði með tillögunni.

  Þá tekur Guðmundur Árni til máls öðru sinni.

  Guðmundur Árni tekur til máls undir fundarstjórn forseta.

  Næst ber forseti upp til atkvæða fyrirliggjandi fjárhagsáætlun 2024 með áorðnum breytingum. Óskað eftir nafnakalli:

  1. Jón Ingi Hákonarson Nei
  2. Kristín María Thoroddsen Já
  3. Margrét Vala Marteinsdóttir Já
  4. Orri Björnsson Já
  5. Rósa Guðbjartsdóttir Já
  6. Stefán Már Gunnlaugson Situr hjá
  7. Valdimar Víðisson Já
  8. Árni Rúnar Þorvaldsson Situr hjá
  9. Guðmundur Árni Stefánsson Situr hjá.
  10. Hildur Rós Guðbjargardóttir Situr hjá
  11. Kristinn Andersen Já

  Er fjárhagsáætlun því samþykkt.

  Næst ber forseti upp til atkvæða langtímaáætlun fyrir árin 2025-2027 og er hún samþykkt með sex atkvæðum frá fulltrúum Framsóknar og Sjálfstæðisflokks. Fulltrúi Viðreisnar greiðir atkvæði á móti. Fulltrúar Samfylkingar sitja hjá.

  Orri Björnsson kemur að svohljóðandi bókun fyrir hönd meirihluta:

  Traust fjármálastjórn skilar árangri

  Fjárhagsáætlun Hafnarfjarðarbæjar, sem samþykkt var í bæjarstjórn í dag, ber þess glöggt merki að fjárhagur bæjarins styrkist með hverju árinu sem líður og að aðhald og ábyrgð í rekstri er að skila árangri. Þrátt fyrir afar krefjandi efnahagsaðstæður í þjóðfélaginu er gert ráð fyrir ríflegum rekstrarafgangi á komandi ári og að skuldaviðmið haldi áfram að lækka.

  Álagningarhlutföll fasteignaskatts eru lækkuð og útsvarsprósenta verður óbreytt.

  Fjárhagsáætlunin gerir ráð fyrir 1.725 milljóna króna afgangi á A- og B-hluta sveitarfélagsins á næsta ári. Rekstur A-hluta verður jákvæður um 861 milljón króna á árinu 2024 samkvæmt áætlun. Gert er ráð fyrir að veltufé frá rekstri verði 5,4% af heildartekjum eða 2.619 milljónir króna.

  Fjárhagsleg staða Hafnarfjarðarbæjar er góð og er áætlað að skuldaviðmið sveitarfélagsins haldi áfram að lækka og verði komið niður í um 86% í árslok 2024, sem er vel undir 150% skuldaviðmiði samkvæmt reglugerð um fjárhagsleg viðmið og eftirlit með fjármálum sveitarfélaga.

  Álagningarprósenta fasteignaskatts á íbúða- og atvinnuhúsnæði verður lækkuð úr 0,223% í 0,217% til þess að koma til móts við hækkun fasteignamats. Þá verður álagningarprósenta fasteignaskatts á atvinnuhúsnæði lækkuð úr 1,400% í 1,387%.

  Hafnarfjörður er þriðja stærsta sveitarfélag landsins með áætluð heildarútgjöld sem nema um 43,0 milljörðum króna og áætlaðan launakostnað upp á 24,7 milljarða króna. Útkomuspá þessa árs gerir ráð fyrir 680 milljón króna afgangi árið 2023.

  Helstu tölur úr fjárhagsáætlun 2024

  -Rekstrarniðurstaða A- og B-hluta jákvæð um 1.725 milljónir króna

  -Rekstrarniðurstaða A-hluta jákvæð um 861 milljón króna

  -Skuldaviðmið áætlað um 86% í árslok 2024

  -Áætlað veltufé frá rekstri A- og B-hluta 2.619 milljónir króna eða 5,4% af heildartekjum

  -Útsvarsprósenta óbreytt eða 14,7%

  -Álagningarprósenta fasteignaskatts á íbúða- og atvinnuhúsnæði lækkuð til þess að koma til móts við hækkun fasteignamats

  -Gert er ráð fyrir almennri hækkun gjaldskrár um 9,9% til þess að mæta verðlags- og launahækkunum umfram áætlanir þessa árs og væntanlegri verðbólgu næsta árs. Komið getur til endurskoðunar á gjaldskrám gefi niðurstöður kjarasamninga tilefni til þess. Gjaldskrá vegna sorphirðu er almennt að hækka um 9,9% en breytt samsetning sorpíláta hjá íbúum getur dregið talsvert úr þeirri hækkun

  -Frístundastyrkir til ungmenna hækka úr 54.000 í 57.000 krónur

  -Áætlaðar fjárfestingar nema tæplega 8,5 milljörðum króna

  Nokkrar helstu fjárfestingar í nýrri fjárhagsáætlun

  Fjárheimild til framkvæmda fyrir árið 2024 er um 8,5 milljarðar króna. Í nýrri fjárhagsáætlun er lögð áhersla á forgangsröðun í þágu grunnþjónustu, svo sem umhverfismála, samgangna, íþróttaaðstöðu, húsnæðis og fráveitumála.

  -Frágangur á nýbyggingarsvæðum víðs vegar um bæinn
  -Endurgerð gatnamóta, gangstétta og gönguleiða og efling hjólreiðaleiða
  -Endurnýjun eldri leiksvæða
  -Fjölgun á grenndarstöðvum
  -Áhersla á aukinn gróður í hverfum bæjarins
  -Endurbætur og viðhald á skólahúsnæði og -lóðum
  -Framkvæmdir við byggingu leikskóla við Áshamra hefst
  -Hafinn undirbúningur að nýjum leik- og grunnskóla í Hamranesi
  -Endurbætur á aðstöðu Suðurbæjarlaugar og undirbúningur að hönnun á útisvæði við Ásvallalaug
  -Bygging knatthúss á félagssvæði Hauka sem áætlað er að taka í notkun í lok árs 2024
  -Bygging reiðhallar á félagssvæði hestamannafélagsins Sörla
  -Lokið við gerð hybrid-grasvallar Fimleikafélags Hafnarfjarðar
  -Unnið verður að undirbúningi nýs búsetukjarna að Smyrlahraun
  -Endurbætur aðstöðu í íþróttahúsinu við Strandgötu

  Áfram verður lögð áhersla á að efla þjónustu sveitarfélagsins og gera sífellt skilvirkari, byggja upp innviði, halda við eignum bæjarins og að álögur á íbúa og fyrirtæki séu hóflegar. Á sama tíma er mikilvægt að halda lántökum í lágmarki og bera virðingu fyrir fjármunum skattgreiðenda. Um þá stefnu stendur meirihluti Sjálfstæðisflokks og Framsóknar vörð.

  Árni Rúnar Þorvaldsson kemur að svohljóðandi bókun:

  Bæjarfulltrúar Samfylkingarinnar – jafnaðarflokks Íslands leggja fram eftirfarandi bókun við lokaafgreiðslu bæjarstjórnar vegna fjárhagsáætlunar fyrir árið 2024 og 2025-2027:

  Í 32 fjölbreyttum og að fullu fjármögnuðum breytingartillögum Samfylkingarinnar er horft til framtíðar og þess freistað að tryggja hag og velsæld íbúa með stórfelldri eflingu velferðarþjónustu, stórlækkun þjónustugjalda á bæjarbúa og fasteignaskattur á íbúðareigendur lækkaður. Við lögðum til að markvisst skref yrði tekið varðandi gjaldfrjálsar skólamáltíðir og ákvörðun meirihluta Framsóknar- og Sjálfstæðisflokks um 33% hækkun á skólamáltíðum í grunnskólum og 19% í leikskólum gagnvart börnum og foreldrum verði að fullu afnumin. Þá verði ráðist í stórátak í uppbyggingu félagslegra íbúða til að mæta löngum biðlistum í þeim efnum. Þá verði undirbúin markviss uppbygging þjónustuíbúða gagnvart eldri borgurum og námsmönnum. Beinar tillögur eru um fjármögnun húsnæðis fyrir Brettafélagið, Leikfélag Hafnarfjarðar, Dansíþróttafélagið og fleiri íþrótta- og tómstundafélög sem eru á hrakhólum hvað húsnæði áhrærir. Þetta eru aðeins dæmi um áherslur jafnaðarmanna, en tillögurnar tala fyrir sig sjálfar.

  Tillögurnar eru að fullu fjármagnaðar með raunhæfum tillögum og koma umtalsverðar tekjur frá verkefnum sem eru að hefjast, m.a. orkurannsóknum í Krýsuvík og uppbyggingu vegna Carbfix, sem og hagræðingaraðgerðum í æðstu stjórn bæjarfélagsins og hækkun þjónustugjalda gagnvart Garðabæ vegna móttöku frárennslis frá sveitarfélaginu.

  Líkt og við afgreiðslu síðustu fjárhagsáætlunar þá hafnar meirihluti Framsóknar- og Sjálfstæðisflokks öllum tillögum jafnaðarmanna við afgreiðslu fjárhagsáætlunar. Það er greinilegt að meirihlutinn þorir ekki að samþykkja hófstilltar og málefnalegar tillögur okkar jafnaðarfólks og að meirihlutinn treystir sér ekki til þess að samþykkja tillögurnar vegna þess að þær koma frá fulltrúum Samfylkingarinnar, jafnaðarflokks Íslands. Það er ekki styrkleikamerki hjá meirihlutanum heldur merki um veikleika.

  Ljóst er að áherslur jafnaðarmanna eru allt aðrar en nálgun helmingaskiptaflokkanna, meirihluta Framsóknar- og Sjálfstæðisflokks, sem hækka skatta, auka álögur á bæjarbúa, en tekst þó ekki að viðhalda nauðsynlegri þjónustu gagnvart bæjarbúum, atvinnulífi og frjálsum félagasamtökum í bænum. Jafnaðarmenn vilja mæta ákalli verkalýðshreyfingarinnar og aðila vinnumarkaðarins um hófstilltar hækkanir þjónustugjalda og skatta til að hægja á verðbólgu og bæta hag launafólks – stuðla að stöðugleika í efnahagsmálum til hagsbóta fyrir land og þjóð.

  Jafnaðarmenn horfa til framtíðar með bjartsýni og uppbyggingu að leiðarljósi á meðan meirihlutaflokkarnir spóla í farinu og troða marvaðann.

  Jón Ingi Hákonarson kemur að svohljóðandi bókun:

  Bæjarfulltrúi Viðreisnar bókar eftirfarandi:
  Árið 2024 verður krefjandi ár í rekstri sveitarfélaga. Verðbólga er mikil og vaxtastig hátt og kjarasamningar lausir. Það er því mikilvægt að gæta aðhalds og finna allar mögulegar leiðir til hagræðingar í rekstri. Afstaða Viðreisnar mótast af þessu ástandi þar sem kröfum um útgjaldaaukningu er haldið í algjöru lágmarki. Enda er ljóst að enn og aftur munu reglulegar tekjur ekki standa undir grunnrekstri bæjarins. Áfram verður bilið brúað með eignarsölu og gatnagerðargjaldi. Áætlað handbært fé frá rekstri eru 107 milljónir en það er sú upphæð sem standa á undir fjármagnskostnaði og fjárfestingu. Fjármunagjöld eru aftur á móti ríflega 2 milljarðar og fjárfest verður fyrir tæplega 7 milljarða. Það er ljóst að slíkt verður einungis brúað með lántöku og sölu lóða og gatnagerðargjöldum. Gjaldskrárhækkanir eru áætlaðar tæp 10% sem er töluvert umfram verðbólguvæntingar. Þetta er gjaldahækkun sem jafnframt er verðbólgu hvetjandi og slæmt innlegg inn í komandi kjaraviðræður. Einnig er ljóst að fasteignaskattar munu hækka umfram verðbólguspá, sem er miður.

  Það er ljóst að fjárhagsáætlun næsta árs er nokkuð bjartsýn, gert er ráð fyrir sölu byggingaréttar upp á ríflega 3 milljarða. Í núverandi efnahagsumhverfi er það vel í lagt. Tillögur Viðreisnar snéru að stórum hluta að því að styðja við þær aðgerðir að koma hér niður verðbólgu og vöxtum með hóflegri hækkun gjalda á fjölskyldufólk í Hafnarfirði. Því miður var ekki orðið við því. Tillögum okkar um að fjárfesta í meiri sjálfvirkni og snjallvæðingu í skipulags og byggingarmálum var hafnað. Það er miður þar sem ljóst er að skortur á framleiðni byggingarframkvæmda heldur m.a. fasteignaverði háu. Það er upp á sveitarfélög að auka skilvirkni og gæði til að stytta byggingartímann og þar með byggingarkostnað.

  Hækkun matarkostnaðar um 33% í grunnskólum bæjarins ætti að leiða til nýrrar nálgunar. Sú leið að velta þessum kostnaði beint á barnafjölskyldur er metnaðarlaust. Viðreisn vill leita leiða til að fjölga mötuneytum í skólum bæjarins með það að leiðarljósi að auka valfrelsi og styrkja samningsstöðu bæjarins. Því var hafnað.
  Vellíðan barna í skólum er og hefur alltaf verið Viðreisnarfólki hjartans mál. Við viljum fjárfesta í velferð og vellíðan barna okkar og því eru það vonbrigði að tillögu okkar um fjölgun sálfræðings hjá Skólaskrifstofu Hafnarfjarðar um einn, hafi verið hafnað.
  Einnig eru það vonbrigði að tillögur okkar um útvíkkun á frístundastyrk hafi verið hafnað. Slíkt eykur valfrelsi fólks án kostnaðarauka fyrir bæinn.
  Viðreisn lagði til að viðhald yrði aukið á skólahúsnæði bæjarins. Það er gríðarlega mikilvægt að vinna að viðhaldi á grunn og leikskólum bæjarins jafnt og þétt. Það er freistnivandi að ýta slíku á undan sér með tilheyrandi kostnaðarauka inn í framtíðinni. Hér er uppsöfnuð viðhaldsþörf og hefur verið lengi.
  Einnig er það miður að ekki hafi verið vilji til að taka undir tillögu Viðreisnar er snéri að hljóðvist og loftgæðum sem er gríðarlega mikilvæg fjárfesting í heilsu fólks.

  Það þarf lítið út af að bregða þegar kemur að kjarasamningum, verðbólgu og vaxtaþróun. Því er mikilvægt að hér verði gerð aðhaldskrafa og allra leiða leitað í þeirri viðleitni að gera starfsemina eins skilvirka og frekast er kostur.

  Það er einnig áhugavert að ekki er gert ráð fyrir komu Tækniskólans til Hafnarfjarðar. Það ekki gert ráð fyrir uppkaupum á lóðum á hafnarsvæðinu sem er grunnforsenda þess að Tækniskólinn hefji framkvæmdir við nýjan skóla. Þau uppkaup munu kosta töluverða fjármuni.
  Þessi fjárhagsáætlun er á ábyrgð meirihluta Framsóknar og Sjálfstæðisflokks. Fulltrúi Viðreisnar greiðir þessari fjárhagsáætlun ekki atkvæði sitt.

  Valdimar Víðisson kemur að svohljóðandi bókun:

  Meirihluti Framsóknar og Sjálfstæðisflokks hafnaði tillögum minnihlutans þar sem margar þeirra eru um mál og verkefni sem eru þegar í vinnslu hjá bæjarfélaginu eða koma til framkvæmda síðar á kjörtímabilinu samkvæmt meirihlutasáttmála. Tillögur um töluvert aukin fjárútlát er óábyrgt að samþykkja nú við lokaafgreiðslu fjárhagsáætlunar, en vinna við áætlunina hefur staðið yfir í margar vikur og allir kjörnir fulltrúar fengið að koma að á fyrri stigum. Einnig eru tillögur Samfylkingar um að sækja tekjur til HS Orku og Carbfix sem nemur 1100 milljónir óábyrgar. Fulltrúar Samfylkingar gera ráð fyrir að þeir peningar verði nýttir í stóran hluta af þeirra tillögum. Slík tillaga um ráðstöfun fjármuna, sem ekkert er fast í hendi með, er til þess fallin að slá ryki í augu íbúa.