Áhersla lögð á svörun í síma, með netspjalli og tölvupósti

Notum rafrænar leiðir í samskiptum við sveitarfélagið þessa dagana

Í ljósi neyðarstigs almannavarna sem nú er í gildi vegna COVID-19 veirunnar eru íbúar og aðrir viðskiptavinir sem eiga erindi í þjónustuver Hafnarfjarðarbæjar að Strandgötu 6 og þjónustumiðstöð Hafnarfjarðarbæjar að Norðurhellu 2 hvattir til að senda tölvupóst á hafnarfjordur@hafnarfjordur.is, spjalla við starfsfólk í netspjalli af vef okkar www.hafnarfjordur.is eða hringja í s. 585-5500. Með þessu vill sveitarfélagið takmarka umferð á starfsstöðvar til að tryggja áfram mikilvæga þjónustu og öryggi allra hlutaðeigandi. Starfsstöðvarnar verða áfram opnar á hefðbundnum opnunartíma fyrir nauðsynleg erindi. 

ATH að frá og með miðvikudeginum 7. október 2020 verður þjónustuverið að Strandgötu 6 lokað í hádeginu eða frá kl. 12-13. Áfram er opið fyrir síma og rafræna þjónustu á þessum tíma. 

Rafræn þjónusta er opin alla daga frá kl. 8-16

Við bendum íbúum og öðrum viðskiptavinum á að ítarlegar upplýsingar um starfsemi sveitarfélagsins er að finna á vef Hafnarfjarðarbæjar www.hafnarfjordur.is auk umsókna og gagna á MÍNUM SÍÐUM . Þar er jafnframt að finna netspjallið sem er opið á sama tíma og þjónustuverið frá kl. 8-16 alla virka daga. 

Hafnarfjarðarbær heldur einnig úti Facebook-síðu  og þar geta íbúar og viðskiptavinir sent inn skilaboð sem svarað er á afgreiðslutíma þjónustuversins.