Áhrif hertra aðgerða á þjónustu Hafnarfjarðarbæjar

Hlusta

Vegna hópsmita sem komið hafa upp nú í vikunni hefur heilbrigðisráðuneytið gefið út reglugerð með hertum aðgerðum til að hindra að Covid19 smit breiðist út. Reglugerðin tók gildi á miðnætti.

Hertar lokanir og takmarkanir vegna Covid19
Áhrif á þjónustu Hafnarfjarðarbæjar

Mikilvægar upplýsingar er hægt að nálgast hér:

Aðgerðirnar eru tilkomnar vegna hópsmita sem hafa verið greind sem breska afbrigði kórónuveirunnar. Það er talið meira smitandi en þau sem áður hafa greinst hér á landi. Vegna þessa hefur skólahaldi í grunnskólum og tónlistarskóla sveitarfélagsins verið aflýst. Leikskólar munu starfa áfram með takmörkunum sem hljótast af reglugerðinni en hún heimilar aðeins að tíu fullorðnir einstaklingar séu samankomnir í hverju sóttvarnarhólfi. Börn sem fædd eru fyrir 2015 eru undanskilin reglunum. Á fjölskyldu- og barnamálasviði verður reynt að halda upp eins óskertri þjónustu og unnt er. Grímuskylda er á öllum starfsstöðvum sveitarfélagsins og mikilvægt að halda fjarlægðarmörkum. Mikil áhersla er lögð á hreinlæti og persónubundnar sóttvarnir.

Hafnarfjarðarbær grípur til eftirfarandi ráðstafana samkvæmt reglugerðinni.

Allir grunnskólar í Hafnarfirði loka
Tónlistarskóli lokar
Félagsmiðstöðvar unglinga loka
Frístundaheimili loka
Skólahljómsveitir munu ekki starfa
Leikskólar verða opnir
Sundlaugar loka – heilbrigðisráðuneytið hefur samþykkt undanþágu fyrir sundþjálfun og æfingar afreksfólks í Ásvallalaug að uppfylltum ákveðnum skilyrðum
Byggðasafn Hafnarfjarðar og Hafnarborg halda úti hefðbundnum opnunartíma með 10 einstaklinga fjöldatakmörkunum. Bókasafn Hafnarfjarðar verður opið frá kl. 10-17 mánudaga – fimmtudaga, föstudaga frá kl. 11-17 og laugardaga frá 11-15. Auglýstum viðburðum er aflýst
Íþróttastarf inni og úti sem krefst snertingar verður óheimilt
Þjónustuver og þjónustumiðstöð verða opin á hefðbundnum tíma með takmörkunum. Lokað er í þjónustuveri frá kl. 12-13
Hafnarfjarðarhöfn er opin fyrir nauðsynlega umferð

Þjónusta fjölskyldu- og barnamálasviðs

Barnavernd er hluti af grunnþjónustu sem helst opin á öllum viðbragðsstigum. Engin breyting er á þjónustu barnaverndar
Hraunsel er opið en með skertri starfsemi. Hægt er að koma í óformlega samveru en nauðsynlegt er að láta vita af komu í síma 555-0142 áður en mætt er
Öll skipulögð hópastarfsemi svo sem píla, línudans, dansleikfimi, bingó, bridge, félagsvist, handverk, bókmenntaklúbbur og Qi gong fellur niður í félagsstarfi eldri borgara þar til annað verður ákveðið
Mötuneyti fyrir eldri borgara að Hjallabraut og Sólvangsvegi eru lokuð en hægt er að panta mat heim. Til skoðunar er hvort mögulegt sé að opna mötuneytin í ljósi þess að einhver hluti er þegar kominn með mótefni. Heimsendur matur er í boði fyrir alla þá eldri borgara sem það vilja
Starfssemi Geitunga og Vinaskjóls er opin með takmörkunum
Frístundaklúbburinn Kletturinn er opinn með takmörkunum
Hæfingarstöðin á Bæjarhrauni er opin með takmörkunum
Dagdvöl á Hrafnistu er opin sem og dagþjálfun í Drafnarhúsi og á Sólvangi
Engin breyting verður á heimaþjónustu til þeirra sem eru með skráða þjónustu
Starfssemi Lækjar er opin með takmörkunum

Í annarri almennri starfsemi Hafnarfjarðarbæjar verður farið eftir áður settum viðbragðsáætlunum og hólfunum til að tryggja að fleiri en 10 manns séu ekki saman í rými og hægt að tryggja tveggja metra regluna. Þjónustuver Hafnarfjarðarbæjar að Strandgötu 6 verður áfram opið en gestir verða að vera með grímur og virða 2 metra fjarlægðarmörk. Íbúar og aðrir gestir eru hvattir til að nýja rafrænar þjónustuleiðir, lágmarka komur í þjónustuver við nauðsynleg erindi og lágmarka afhendingu gagna. Gögn eru ekki afgreidd fyrr en í fyrsta lagi eftir 48 klukkustundir. Ráðhúsið verður opið en grímuskylda og reynt að halda allri umferð í lágmarki.

Hafnarfjarðarbær bendir á þjónustu í síma 585-5500, netspjall á www.hafnarfjordur.is og gegnum netfangið: hafnarfjordur@hafnarfjordur.is