Opið fyrir haustinnritun í grunnskóla og frístundaheimili

Fréttir

Opnað hefur verið fyrir innritun barna sem fara í 1. bekk grunnskóla í Hafnarfirði haustið 2026. Fyrsta viðmið um umsóknarfrest er til 1. mars. Samhliða hefur verið opnað fyrir skráningu nemenda í frístund á frístundaheimili hvers og eins skóla. Sótt er um frístundaheimili í gegnum Völu en um skólavist í gegnum Mínar síður á vef bæjarins.

Fyrsta viðmið um umsóknarfrest er 1. mars

Opnað hefur verið fyrir innritun barna sem eru að fara í 1. bekk grunnskóla í Hafnarfirði haustið 2026 og er fyrsta viðmið um umsóknarfrest 1. mars.

Samhliða hefur verið opnað fyrir skráningu nemenda í frístund á frístundaheimili hvers og eins skóla. Sótt er um frístundaheimili í gegnum Völu en um skólavist í gegnum Mínar síður á vef bæjarins.

Hafnarfjörður er eitt skólaumdæmi skipt í skólahverfi

Grunnskólar Hafnarfjarðarbæjar eru opnir öllum börnum óháð búsetu í bænum. Foreldrar eru hvattir til að kynna sér starfsemi skólanna. Hafnarfjörður er eitt skólaumdæmi skipt upp í skólahverfi og ræður lögheimili nemenda því í hvaða hverfisskóla þeir eiga vísa skólavist. Við vekjum athygli ykkar á því að yngsta stig Skarðshlíðarskóla er fullsetið.

Hægt að sækja um skóla í öðrum hverfum og getur umsókn fyrir 1. mars skipt þar máli hvort möguleiki sé að fara í skóla utan eigin skólahverfis. Innritun barna í grunnskóla og frístund er á ábyrgð foreldra/forsjáraðila.

Umsókn um frístundaheimili í Völu

Umsókn um skólavist á Mínum síðum

Innritun í grunnskóla fer fram rafrænt í gegnum Mínar síður undir: Umsóknir – Grunnskólar – Skólavist í grunnskóla.

Athugið að einungis er hægt að sækja um grunnskóla Hafnarfjarðarbæjar á vef bæjarins. Umsóknir um aðra grunnskóla í sveitarfélaginu og í grunnskóla í öðrum sveitarfélögum þurfa að berast beint til viðkomandi skóla og ef/þegar sú skólavist er samþykkt þarf að sækja um greiðsluþátttöku Hafnarfjarðarbæjar vegna skólavistarinnar. Sótt er um rafrænt í gegnum Mínar síður undir:

Greiðsluþátttaka fyrir skóla utan Hafnarfjarðar 

Greiðsluþátttaka fyrir Barnaskóla Hjallastefnunnar

Greiðsluþátttaka fyrir NÚ

Ítarlegri upplýsingar sendar frá skóla þegar nær dregur 

Sá skóli þar sem barn fær skólavist sendir foreldrum/forsjáraðilum allar mikilvægar upplýsingar um skólastarfið þegar nær dregur vori. Sendar verða upplýsingar m.a. um mataráskrift og sérstök leikjanámskeið sem haldin eru í ágúst ár hvert fyrir 6 ára nemendur. Það undirbýr þau áður en grunnskólinn hefst.

Skráning á 6 ára námskeið fer fram á vormánuðum og er auglýst sérstaklega.

Upplýsingar um að hefja nám í grunnskóla

Upplýsingar um grunnskóla Hafnarfjarðarbæjar

Reglur um skólavist í grunnskólum Hafnarfjarðarbæjar

Ábendingagátt