Menntastefna
Hafnarfjarðar
Í skóla- og frístundastarfi er lögð áhersla á vellíðan, félagslegt öryggi og sjálfstæði. Borin er virðing fyrir ólíkum lífsháttum og fjölbreytni. Hvetjandi aðstæður séu til frístunda og náms sem styðja við frumkvæði, samvinnu og skapandi hugsun. Börn fái tækifæri til þess að þróa hæfileika sína í gegnum leik og störf á eigin forsendum og njóta stuðnings til að þroskast og dafna.
Leiðarljós menntastefnu eru í grunninn fjögur. Það eru sköpun, fjölbreytileiki, vellíðan og samvinna og búið að marka áherslur fyrir hvert og eitt leiðarljós sem eiga beina skírskotun í bæði Heimsmarkmið Sameinuðu þjóðanna og Barnasáttmála Sameinuðu þjóðanna.
Leiðarljós menntastefnu eru í grunninn fjögur. Það eru sköpun, fjölbreytileiki, vellíðan og samvinna og búið að marka áherslur fyrir hvert og eitt leiðarljós sem eiga beina skírskotun í bæði Heimsmarkmið Sameinuðu þjóðanna og Barnasáttmála Sameinuðu þjóðanna.
Forsagan
Undirbúningur við mótun menntastefnu Hafnarfjarðar hófst í janúar 2019 með tilnefningu menntaleiðtoga úr hverjum leik- og grunnskóla og stofnun starfshóps sem hafði það hlutverk að skilgreina verkefnið, tímalínu þess, skipulag, bjargir, framkvæmd og uppbyggingu.
Í stýrihópi sátu einn kjörinn fulltrúi frá hverjum flokki í bæjarstjórn, sviðsstjóri mennta- og lýðheilsusviðs, þróunarfulltrúi leikskóla, þróunarfulltrúi grunnskóla og íþrótta- og tómstundafulltrúi. Ráðgert var að hefja vinnu við gerð stefnunnar sjálfrar á árinu 2020 en heimsfaraldur hafði þar mikil áhrif. Aðkallandi verkefni skólanna umbreyttust og starfsumhverfið í heild sinni sem seinkaði vinnu við menntastefnu
Stefnan var unnin í víðtæku samráði á tímabilinu 2019-2024 með þátttöku starfsfólks, nemenda, foreldra/forsjáraðila og hagsmunahópa. Þátttakendur voru um 700 talsins.
Í stýrihópi sátu einn kjörinn fulltrúi frá hverjum flokki í bæjarstjórn, sviðsstjóri mennta- og lýðheilsusviðs, þróunarfulltrúi leikskóla, þróunarfulltrúi grunnskóla og íþrótta- og tómstundafulltrúi. Ráðgert var að hefja vinnu við gerð stefnunnar sjálfrar á árinu 2020 en heimsfaraldur hafði þar mikil áhrif. Aðkallandi verkefni skólanna umbreyttust og starfsumhverfið í heild sinni sem seinkaði vinnu við menntastefnu
Stefnan var unnin í víðtæku samráði á tímabilinu 2019-2024 með þátttöku starfsfólks, nemenda, foreldra/forsjáraðila og hagsmunahópa. Þátttakendur voru um 700 talsins.
Innihald stefnu
Lagt var upp með að stefnan skyldi taka mið af verkefnum alls mennta- og lýðheilsusviðs í víðum skilningi og tæki m.a. til forvarna og vellíðan, lýðheilsu, íþrótta og tómstunda. Stefnan á að ná til allra barna og ungmenna hjá dagforeldrum, í leik- og grunnskólum, tónlistarskóla, frístundaheimilum, tómstundamiðstöðvum og félagsmiðstöðvum. Stefnan er leiðbeinandi grunnur fyrir ákvarðanatökur á sviði menntunar og lýðheilsu í Hafnarfirði. Markhópurinn er öll börn og ungmenni í Hafnarfirði á aldrinum 0-18 ára, foreldrar þeirra og forsjáraðilar og starfsfólk sveitarfélagsins.
Barnvænt sveitarfélag
Barnvænt sveitarfélag er verkefni sem styður við innleiðingu Barnasáttmála Sameinuðu þjóðanna í alla stjórnsýslu og starfsemi sveitarfélagsins. Innleiðing Barnasáttmálans Hjá Hafnarfjarðarbæ felur í sér samþykki sveitarfélagsins til að hafa sáttmálann að leiðarljósi í starfi sínu og að grunnþættirnir fimm gangi sem rauður þráður í gegnum stjórnsýslu og starfsemi þess. Barnvæn sveitarfélög stuðla að virkri þátttöku barna í málefnum sem snerta þau og eiga sveitarfélögin markvisst samráð við börn og ungmenni til að bæta þjónustu sína.
Heildarstefna Hafnarfjarðar til 2035
Heildarstefna Hafnarfjarðar er byggð upp í kringum níu meginmarkmið. Hvert og eitt þeirra á að stuðla að langtímaumbótum, jákvæðum breytingum til þess að framtíðarsýn stefnunnar verði að veruleika. Menntun fyrir alla er eitt markmiðanna, vellíðan íbúa, hreyfing og heilsa og markviss þátttaka dæmi um önnur. Meginmarkmiðin eru tengd heimsmarkmiðum Sameinuðu þjóðanna og Barnasáttmála sem ásamt meginmarkmiðum marka grunn fyrir val á áherslum í sértækum málum til 2-3ja ára í senn. Í stefnunni er meðal annars lögð áhersla á að viðmið Barnasáttmálans séu notuð í þjónustu við börn og ungmenni.
Leiðarljós menntastefnu
Vellíðan
Við leggjum áherslu á öruggt námsumhverfi og aðstæður til leiks og starfs svo börn öðlist trú á eigin getu , eflist og byggi upp seiglu. Snemmbær stuðningur, forvarnir og valdefling leggi grunn að vellíðan og velferð allra.
Áherslur- Að skólasamfélagið vinni að inngildingu með því að styðja við umburðarlyndi, lýðræði, samábyrgð, réttlæti og öryggi sem ýti undir upplifun að því að tilheyra.
- Að hlúa að verndandi þáttum í lífi barna með virkum forvörnum í fræðslu og starfsháttum.
- Að vinna að daglegri hreyfingu, útivist og heilbrigðum lífsháttum.
- Að unnið sé að því að valdefla börn með því að færa þeim heppileg verkfæri sem efla samskiptahæfni, styrkja sjálfsmynd, tilfinningagreind og réttlætiskennd.
- Að unnið sé markvisst að því að skapa börnum kjöraðstæður til að ná góðum tökum á íslensku tungumáli, sem er mikilvægt fyrir vellíðan og félagsleg samskipti.
Fjölbreytileiki
Við berum virðingu fyrir öllum einstaklingum og lífsháttum og leggjum áherslu á að námsumhverfi endurspegli margbreytileika mannlífsins. Fjölbreyttar kennsluaðferðir styðji við jafnræði, jafnrétti, lýðræði og mannréttindi.
Áherslur- Að ýta undir að þarfir og raddir allra barna fái vægi svo sjónarmið þeirra komi fram í allri starfsemi og efli börnin í aðstæðum sinum.
- Að unnið sé að verkefnum sem miða að því að mæta viðkvæmum barnahópum sérstaklega og færir þeim aukinn sýnileika og virðingu.
- Að kennsluhættir taki mið af ólíkum þörfum barna þannig að virðing sé borinn fyrir hverjum einstakling og styrkleikar allra fái að njóta sín.
- Að efla fjölmenningarlega hæfni og virkni í samfélaginu með fræðslu, sveigjanleika, inngildingu og aðgengi að stuðningi fyrir börn og fjölskyldur.
- Að leggja áherslu á að öll börn , óháð bakgrunni eða aðstæðum, eigi rétt á virðingu, jafnræði og tækifærum til að njóta réttinda sinna.
Sköpun
Við leggjum áherslu á að börn fái tækifæri til að þroskast í gegnum leik, frístundir og skapandi skólastarf. Með frumkvöðlastarfi, tækni og listsköpun finnum við nýjar leiðir í skóla- og frístundaumhverfinu og þróum þær áfram.
Áherslur- Að börn fái rými og tíma til að rannsaka heiminn á skapandi hátt, fá tækifæri til þess að efla lausnarmiðaða hugsun og tjá sig á fjölbreyttan máta.
- Að gefa öllum börnum tækifæri til þess að eiga frumkvæði um að móta eigið nám, að hugmyndir þeirra séu virtar og ýtt sé undir nýsköpun.
- Að öllum börnum bjóðist aðgangur að margvíslegum skapandi verkefnum alla skólagöngu sína, bæði í skyldunámi og vali.
- Að nemendur fái þjálfun í að tjá sig á skapandi hátt bæði í ræðu og riti
Samvinna
Við byggjum upp námssamfélag með þátttöku allra. Samvinna stuðli að lýðræðislegri virkni og tengslum. Þverfagleg samvinna og teymi styðji við framþróun og nýjar nálganir.
Áherslur- Að vinna að öflugu samstarfi milli heimilis og skóla til að færa börnum sem mesta farsæld.
- Að efla teymisvinnu og lýðræðislega þáttöku barna í öllum verkefnum.
- Að virkt samstarf sé á milli skólastiga til þess að samfella og samvinna einkenni allt skólastarf til að efla hag barna.
- Að allt skólasamfélagið vinni vel saman að því að efla hag barna.
Heimsmarkmið Sameinuðu þjóðanna
Heimsmarkmiðin eru framkvæmdaáætlun í þágu mannkynsins, jarðarinnar og hagsældar. Við val á aðgerðum til að koma áherslum stefnunnar í framkvæmd er horft til heimsmarkmiða Sameinuðu þjóðanna.
Barnasáttmáli Sameinuðu þjóðanna
Öllum þeim sem koma að málefnum barna ber að gera það sem í þeirra valdi stendur til að framfylgja sáttmálanum. Við val á aðgerðum til að koma áherslum stefnunnar í framkvæmd er horft til sáttmálans.
